ۋكراينا استاناسىندا ەۋروينتەگراتسيانى قولداۋشىلار بۇگىن دە مينيسترلەر كابينەتى عيماراتىنىڭ الدىنا جينالىپ, نيكولاي ازاروۆ ۇكىمەتىنىڭ وتستاۆكاعا كەتۋىن تالاپ ەتتى. بۇل تۋرالى يتار-تاسس حابارلادى.
«باتكيۆششينا», ۋدار جانە «سۆوبودا» وپپوزيتسيالىق پارتيالارىنىڭ, سونداي-اق ۇلتتىق جانە ەۋرو وداقتىڭ تۋلارىن ۇستاعان 300-گە جۋىق ادام مينيسترلەر كابينەتىنىڭ الدىنا جينالىپ, ۇكىمەتتىڭ وتستاۆكاعا كەتۋىن تالاپ ەتتى.
«بەركۋت» ارنايى جاساعى مينيسترلىك اۆتوكولىكتەرىنىڭ عيماراتتان شىعۋى ءۇشىن جولدى بوگەپ العان شەرۋشىلەردى ىعىستىرا باستادى. ءدال وسى كەزدە شەرۋشىلەر مەن ارنايى جاساق قىزمەتكەرلەرى اراسىندا قاقتىعىس ورىن الدى. كۇشتىك قۇرىلىمدار جاساۋراتاتىن گازدى قولدانىپ, اقىرى شەرۋشىلەردى جولدان ىعىستىرىپ شىعاردى.
پرەمەر-مينيستر ەۋروينتەگراتسيانى قولداۋعا باعىتتالعان اكتسيالاردان قورىقپايتىنىن, ءتىپتى, بۇل اكتسيالاردىڭ ۇيىمداستىرىلۋى مەن قارجىلاندىرىلۋىن تەكسەرەتىنىن العا تارتتى.
ايدار ورىسباەۆ.
دەرەككوز: Itar-tass.com
