حرومتاۋ – ونەركاسىبى مەن اۋىل شارۋاشىلىعى تەڭ دامىعان ەكونوميكالىق الەۋەتتى اۋدان. مۇندا سوڭعى جىلدارى جاڭا ءوندىرىس ورىندارى اشىلىپ, اۋىلداردا الەۋمەتتىك يگىلىكتەرگە قول جەتكىزىلە باستادى. اسىرەسە, اۆتوجولداردى جوندەۋ وبلىس ورتالىعى عانا ەمەس, اۋدانداردا دا قارقىن الا ءتۇستى. ماگيسترالداردى تەحنيكالىق قايتا جاراقتاندىرۋ, اۆتوموبيل جولدارىنىڭ وتكىزۋ مۇمكىندىگىن ارتتىرۋ, ۋاقىت تالابىنا ساي كولىك ينفراقۇرىلىمىن دامىتۋ جۇيەلى جۇرگىزىلىپ كەلەدى.
حرومتاۋ – ونەركاسىبى مەن اۋىل شارۋاشىلىعى تەڭ دامىعان ەكونوميكالىق الەۋەتتى اۋدان. مۇندا سوڭعى جىلدارى جاڭا ءوندىرىس ورىندارى اشىلىپ, اۋىلداردا الەۋمەتتىك يگىلىكتەرگە قول جەتكىزىلە باستادى. اسىرەسە, اۆتوجولداردى جوندەۋ وبلىس ورتالىعى عانا ەمەس, اۋدانداردا دا قارقىن الا ءتۇستى. ماگيسترالداردى تەحنيكالىق قايتا جاراقتاندىرۋ, اۆتوموبيل جولدارىنىڭ وتكىزۋ مۇمكىندىگىن ارتتىرۋ, ۋاقىت تالابىنا ساي كولىك ينفراقۇرىلىمىن دامىتۋ جۇيەلى جۇرگىزىلىپ كەلەدى.
وسىنداي ءىرى نىسانداردىڭ ءبىرى – حرومتاۋ اۋدانىنداعى ور وزەنىنىڭ ۇستىنەن سالىنعان جاڭا كوپىر قۇرىلىسى. بۇل كوپىر كوكتاۋ مەن كوكتوبە اۋىلدارىنىڭ اراسىن جالعاپ تۇر. بۇرىن بۇل ەكى ورتاعا كوكتەم مەن كۇزگى لايساڭدا قاتىناس بولماي قالاتىن. سونداي-اق, اۋدان تۇرعىندارىنىڭ عانا ەمەس, وسىنداعى اقتوبە مىس كومپانياسى سياقتى ءىرى كاسىپورىننىڭ جۇمىسىنا دا قولايسىزدىق تۋعىزىپ, جاۋىن- شاشىندى كۇندەرى قاتىناس ءۇزىلىپ قالاتىن. بۇل ماسەلە جاقىندا وڭ شەشىمىن تاپتى. رەسپۋبليكالىق بيۋدجەتتەن بولىنگەن 419 ميلليون تەڭگەگە تۇرعىزىلعان كوپىردىڭ اشىلۋ سالتاناتىنا قاتىسقان وبلىس اكىمى ارحيمەد مۇحامبەتوۆ كولىك ينفراقۇرىلىمىن جاقسارتۋ وبلىستىڭ دامۋىنا ىقپال ەتەتىنىن جەتكىزدى.
– ەلىمىز جىل وتكەن سايىن وركەندەپ, دامىپ كەلەدى. ءبىزدىڭ وبلىستىڭ دا الەۋمەتتىك-ەكونوميكالىق جاعدايى جاقسارا ءتۇسۋدە. مۇنىڭ بارلىعى ەلباسى نۇرسۇلتان نازارباەۆتىڭ سارابدال ساياساتىنىڭ ناتيجەسى دەۋ ورىندى. وسى كوپىرمەن بىرگە 29 شاقىرىم سامارا – شىمكەنت – اققۇدىق اۆتوجولىنا قاتتى جامىلعى ءتوسەۋ جۇمىستارى اياقتالدى. بۇل جۇمىستى اقتوبە مىس كومپانياسى جۇزەگە اسىردى. الداعى جىلى قالعان 20 شاقىرىمىن اسفالتتاۋدى دا وسى كومپانيانىڭ كۇشىمەن اتقارۋ كوزدەلۋدە, –دەدى وبلىس باسشىسى كوپىردىڭ سالتاناتتى اشىلۋىندا سويلەگەن سوزىندە.
اۋىل تۇرعىنى تۇرار باتىروۆ تا وسىنداي يگىلىكتى ءىستى ەلباسى نۇرسۇلتان نازارباەۆتىڭ كورەگەندىك ساياساتىمەن ساباقتاستىردى. جاڭا كوپىردىڭ پايدالانۋعا بەرىلۋى اۋىلدىقتاردىڭ ءبىراز تىرلىگىن جەڭىلدەتكەنىن جەتكىزدى, كورشىلەس اۋىلدارمەن قاتىناستىڭ جاقىنداي تۇسكەنىن تىلگە تيەك ەتتى. وبلىس اكىمى ارحيمەد مۇحامبەتوۆ پەن اۋىل تۇرعىنى تۇرار باتىروۆ جاڭا كوپىردىڭ لەنتاسىن قيدى. اۋىل اقساقالى سەرتاي دوسانالين باتاسىن بەردى.
«قازدورقۇرىلىس» جشس باس مەردىگەرىنىڭ جوبا جەتەكشىسى بولات قوساليەۆتىڭ ايتۋىنشا, كوپىر قۇرىلىسى جوسپارداعى ون ءبىر ايدىڭ ورنىنا التى ايدا سالىنىپتى. جاڭا نىساننىڭ وسىنشاما تەز مەرزىمدە بىتۋىنە جاز ايلارىندا قۇرىلىسشىلاردىڭ ەكى اۋىسىمدا قارقىندى جۇمىس ىستەۋى سەبەپشى بولىپتى. كوپىردىڭ ۇزىندىعى 173 مەتر, ەنى 7 مەتر. مۇندا پايدالانىلعان ماتەريالداردىڭ بارلىعى قازاقستاندىق مازمۇنعا يە.
«جول – ەكونوميكانىڭ كۇرە تامىرى» دەپ بەكەر ايتىلماسا كەرەك. سوڭعى ءۇش جىلدا جول قۇرىلىسىنا, ونى كۇتىپ ۇستاۋعا جانە جوندەۋگە 18 ميلليارد تەڭگەدەن استام قارجى بولىنگەن ەكەن. تەك بيىلدىڭ وزىندە بۇل ماقساتقا 8 ميلليارد تەڭگەدەن استام قارجى قارالعان. سونىڭ 76 پايىزى جەرگىلىكتى بيۋدجەتتىڭ ۇلەسىندە.ۇستىمىزدەگى جىلدىڭ اياعىنا دەيىن تاعى دا 55 شاقىرىم جول جوندەلىپ, ءۇش جاڭا كوپىر ىسكە قوسىلادى دەپ كۇتىلۋدە.
ءوڭىر باسشىسى ارحيمەد مۇحامبەتوۆ اتباسىن بۇرعان مايتوبە اۋىلىندا دا اقجارىلقاپ قۋانىشتىڭ لەبى ەسىپ تۇردى. وبلىس اكىمى اۋىلعا تارتىلعان گاز قۇبىرىن ىسكە قوسىپ, مايتوبەلىكتەردىڭ ىستىق ىقىلاسىنا بولەندى. كوگىلدىر وتىننىڭ يگىلىگىن كورۋگە قولدارى جەتكەن اۋىل تۇرعىندارىنىڭ كوڭىلدەرى كوتەرىڭكى ەكەنى جۇزدەرىنەن اڭعارىلادى.
مايتوبە اۋىلىنا تارتىلعان جانە اۋىل ىشىلىك گاز قۇبىرى وبلىس اكىمدىگىمەن جاسالعان مەموراندۋمعا سايكەس اقتوبە مىس كومپانياسى بولگەن 224,8 ميلليون تەڭگە قارجىعا سالىنعان. ەندى وسى اۋىلدا تۇراتىن 104 شاڭىراق وت جاعىپ, كۇل شىعارمايدى, كوگىلدىر وتىننىڭ يگىلىگىن كورەدى.
– بۇگىنگى بۇل تۇرمىستىق يگىلىك ەلباسى تاپسىرماسىنىڭ ورىندالۋىنىڭ ناقتى كورىنىسى. مايتوبەگە گاز اكەلۋ كوپتەن شەشىمىن تاپپاي كەلىپ ەدى, مىنە, بۇگىن ءساتى ءتۇستى. گاز قۇبىرىنىڭ ۇزىندىعى ون شاقىرىمنان اسادى. گاز قۇبىرى قۇرىلىسىنا كەرەكتى قارجىنى تۇگەلدەي اقتوبە مىس كومپانياسى موينىنا الدى. بۇرىن وتىننىڭ قاي ءتۇرىن پايدالانسا دا ولار مەكتەپتەر مەن بالاباقشالارعا گازعا قاراعاندا جەتى ەسە قىمباتقا تۇسەتىن. ەندى ارزان كوگىلدىر وتىندى پايدالانادى. مۇنىڭ ءوزى تۇرمىسىمىزدىڭ ۋاقىت وتكەن سايىن جاقسارا تۇسكەنىن اڭعارتادى. ياعني, ىسىمىزدە ىلگەرىلەۋ بار, ەكونوميكامىز نىعايا ءتۇستى. بۇل باعىتتا الدا دا جۇيەلى جۇمىس جۇرگىزىلەتىن بولادى. اۋدانداردى گازداندىرۋدى ەكى باعىتتا جۇرگىزۋدى قولعا الىپ وتىرمىز. ءبىرىنشى باعىت بويىنشا بيۋدجەتتەن قارجى بولىنسە, ەكىنشى باعىت بويىنشا «كوركەيە بەر, تۋعان جەر!» اكتسياسى اياسىندا ءىرى كاسىپورىندار مەن شاعىن جانە ورتا بيزنەس نىساندارى اۋىلدارعا گاز جەتكىزۋگە اتسالىسۋدا, – دەي كەلىپ وبلىس اكىمى ارحيمەد مۇحامبەتوۆ اۋىل تۇرعىندارىن قاۋىنىشتى ساتتەرىمەن قۇتتىقتادى. ول گاز تاراتۋ بەكەتىنىڭ تەتىگىن بۇراپ, گاز جىبەرۋ قۇرىلعىسىن ىسكە قوستى. اۋىل اقساقالى قۋانىش ءايتەمعۇلوۆ باتا بەرىپ, اقجاۋلىقتى اجەلەر شاشۋ شاشتى.
ءسويتىپ, حرومتاۋ اۋدانىنداعى ەكى اۋىلدا ءبىر ساتتە قوس قۋانىش بولدى. ءوڭىر باسشىسى جۇمىس ساپارىن حرومتاۋ قالاسىندا جالعاستىرىپ, نەگىزىنەن مونوقالالاردى دامىتۋ باعدارلاماسى اياسىندا جاسالىپ جاتقان جۇمىستارمەن تانىستى. قالا جولدارىن جوندەۋ, سپورت الاڭدارىن سالۋ, كوشەلەردى جارىقتاندىرۋعا نازار اۋداردى. اتقارىلعان اۋقىمدى جۇمىستاردى اتاپ وتە وتىرىپ, الداعى ۋاقىتتا شەشىمىن كۇتكەن شارۋالاردى دا نازاردان تىس قالدىرمادى. №4 ورتا مەكتەپ اۋلاسىنداعى جاڭادان اشىلعان سپورت الاڭىندا مونوقالالار باعدارلاماسى بويىنشا گرانتتاردى جەڭىپ العان كاسىپكەرلەرمەن كەزدەستى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
