وڭتۇستىك قازاقستان وبلىسىنىڭ اۋماعىندا اسقازانىنا گەروين سالىپ الىپ كەلە جاتقان ەكىقابات كەلىنشەك قولعا ءتۇستى.
بۇل ايماقتا ءبىر اپتانىڭ ىشىندە وسىنداي تاسىلمەن گەروين الىپ بارا جاتقان ەكىنشى ادام قۇرىقتالدى. ءبىر ەرەكشە سالماق سالىپ ايتاتىنى, بۇلاردىڭ ەكەۋى دە ەكىقابات كەلىنشەكتەر بولىپ شىقتى. تەكسەرە كەلگەندە, سوڭعىسىنىڭ ەسىرتكىنى تاجىكستاننان اكەلە جاتقانى انىقتالدى. ال جاس كەلىنشەكتىڭ ۋلى اق ۇنتاقتى ىشىنە جاسىرىپ كەلە جاتقانىن پوليتسەيلەر رەنتگەن ارقىلى بايقاپ قويىپتى. سوندىقتان ءتارتىپ ساقشىلارى ونىڭ دارەتكە شىعۋىن كۇتىپتى.
وڭتۇستىك قازاقستان وبلىسىنىڭ اۋماعىندا اسقازانىنا گەروين سالىپ الىپ كەلە جاتقان ەكىقابات كەلىنشەك قولعا ءتۇستى.
بۇل ايماقتا ءبىر اپتانىڭ ىشىندە وسىنداي تاسىلمەن گەروين الىپ بارا جاتقان ەكىنشى ادام قۇرىقتالدى. ءبىر ەرەكشە سالماق سالىپ ايتاتىنى, بۇلاردىڭ ەكەۋى دە ەكىقابات كەلىنشەكتەر بولىپ شىقتى. تەكسەرە كەلگەندە, سوڭعىسىنىڭ ەسىرتكىنى تاجىكستاننان اكەلە جاتقانى انىقتالدى. ال جاس كەلىنشەكتىڭ ۋلى اق ۇنتاقتى ىشىنە جاسىرىپ كەلە جاتقانىن پوليتسەيلەر رەنتگەن ارقىلى بايقاپ قويىپتى. سوندىقتان ءتارتىپ ساقشىلارى ونىڭ دارەتكە شىعۋىن كۇتىپتى.
اسقازاننان الىنعان گەرويننىڭ سالماعى 42 گرامنان ارتىق شىققان. مۇنشا مول ەسىرتكىنى ول تاجىك جەرىندە 600 دوللارعا ساتىپ الىپتى. ءسويتىپ, بىرنەشە كۇننىڭ ىشىندە «تابىسىن» قاراعاندى وبلىسىنا جەتكىزبەكشى بولىپتى.
وسى جەردە بۇل ايەلدىڭ نەگە وسىنشالىقتى جانكەشتىلىك جاساعانىنا قايران قالاسىڭ. ەگەر كوزدەگەن جەرىنە جەتپەي جاتىپ, اسقازانداعى گەروين سالىنعان قالتا جىرتىلىپ كەتسە, ىشتەگى شارانانىڭ بىردەن جوق بولۋى ءوز الدىنا, كەلىنشەكتىڭ ءوز ومىرىنە ۇلكەن قاۋىپ تونگەن بولار ەدى. ال مۇنداي جاعدايلار قازىر ارا-تۇرا كەزدەسىپ قالىپ ءجۇر. مىنە, وسىنى بىلە تۇرا, 26 جاسار جۇكتى كەلىنشەك بار-جوعى 50 مىڭ تەڭگەگە بولا وسىنداي ۇلكەن تاۋەكەلگە بارىپتى.
قازىر تاسىمالداۋشى دا, تاپسىرىس بەرگەن ماقتاارالدىق 25 جاسار جىگىت تە ق ۇلىپ استىنا الىندى.
«بۇل وسى اپتانىڭ ىشىندەگى ەكىنشى وقيعا. ەكى دەرەك بويىنشا دا ەكى ەكىقابات ايەلدەر قولعا ءتۇسىپ, جاۋاپكەرشىلىككە تارتىلعالى وتىر. وتكەن اپتا ىشىندە 7 ايلىق بالاسى بار 1995 جىلى تۋعان ازاماتشا ۇستالسا, ەندى بويىنا 4 ايلىق نارەستە جۇكتەگەن كەلەسى كەلىنشەك تورعا ءتۇستى», – دەدى وڭتۇستىك قازاقستان وبلىسى ىشكى ىستەر دەپارتامەنتى ءباسپاسوز قىزمەتىنىڭ جەتەكشىسى سالتانات قاراكوزوۆا.
قۇرىش نۇرىمبەت.
