"رۋحاني جاڭعىرۋ" باعدارلاماسى بويىنشا تىكەلەي جۇمىس جاساپ جاتقان ۇكىمەتتىك ەمەس ۇيىمدار مەن مەكەمەلەردىڭ وكىلدەرى قاتىسقان كەزدەسۋدە اتالمىش باعىتتا جۇرگىزىلىپ جاتقان جۇمىستاردىڭ بارىسى تۋرالى اڭگىمە ءوربىدى.
"اكىم ورىنباسارىنىڭ "رۋحاني جاڭعىرۋعا" قاتىستى جۇمىستاردى جۇرگىزۋ بارىسىندا فلەشموبتىق نەمەسە سوعان جاقىن فورماداعى ءىس-شارالاردان ارىلۋ قاجەت جانە قوعامدىق سانانى وزگەرتەتىن تەرەڭ ماعىنالى, پراكتيكالىق سيپاتى بار جۇمىستارعا كوڭىل اۋدارۋ كەرەك دەگەن مازمۇنداعى ويى كوڭىلدەن شىقتى. ءوز تاراپىمىزدان ۋنيۆەرسيتەتتىڭ اكادەميالىق ورتاسى قوستاناي ءوڭىرىنىڭ ونوماستيكاسىنا, تاريحىنا, مادەني قۇندىلىعىنا قاتىستى اۋقىمدى زەرتتەۋلەرگە باستاماشى بولۋعا دا, قوسشى بولۋعا الەۋەتى مەن قارىمى بار ەكەندىگىن ايتىپ, وبلىس كولەمىندە «رۋحاني جاڭعىرۋ» باعدارلاماسى شەڭبەرىندە بەلسەندى تۇردە جۇرگىزەتىن جۇمىستاردىڭ باعىتى تۋرالى ويىمىزدى ورتاعا سالدىق. اتاپ ايتقاندا, وبلىس كولەمىندە تاريحي دەرەكتەر مەن دايەك كوزدەرىنە سۇيەنگەن كەشەندى ونوماستيكالىق زەرتتەۋلەر جۇرگىزۋ, ءوڭىر تاريحى مەن مادەنيەتىنە قاتىستى رۋحاني مۇرالاردى جاريالاۋ, شەكارالىق اۋىلداردىڭ جاي-كۇيى سىندى ماسەلەلەر قوزعالدى. اكىم ورىنباسارى كوتەرىلگەن ماسەلەلەرگە تۇسىنىستىكپەن قارايتىنىن تانىتىپ, ول جۇمىستاردى اتقارۋدىڭ جولىن تابۋ ماسەلەسىنە توقتالدى. بىزدىڭشە, اكىم ورىنباسارىمەن جۇزدەسۋ سىندارلى, سالماقتى, ەركىن جاعدايدا ءجۇردى. جاڭا باسشى پىكىرلەسۋگە, وي بولىسۋگە ىقىلاستى ەكەنىن تانىتىپ, قاساڭ كوزقاراستاردان الشاق بولۋعا ۇمتىلاتىنىن بايقاتتى", دەدى "رۋحاني جاڭعىرۋ" ورتالىعىنىڭ جەتەكشىسى, پروفەسسور الماسبەك ابسادىق.
كەزدەسۋ بارىسىندا پاتشالىق رەسەيدە شىعىپ تۇرعان "تۋرگايسكايا گازەتا" باسىلىمىنداعى قوستاناي, تورعاي وڭىرىنە قاتىستى رۋحاني مۇرالاردى جەكە جيناق ەتىپ باستىرىپ شىعارۋ ماسەلەسى قوزعالدى.
