2013 جىلعى 26 تامىز, استانا, ۇكىمەت ءۇيى
مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارىن بەكىتۋ تۋرالى
«مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسى زاڭىنىڭ 6-بابىنىڭ 9) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 26 تامىزداعى №845 قاۋلىسىمەن بەكىتىلگەن
مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارى
1. جالپى ەرەجەلەر
1. وسى مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارى (بۇدان ءارى – قاعيدالار) مەملەكەتتىك قىزمەتتەردى كورسەتۋ قۇزىرەتىنە كىرەتىن ورتالىق مەملەكەتتىك ورگانداردىڭ, جەرگىلىكتى اتقارۋشى ورگانداردىڭ مەملەكەتتىك كورسەتىلەتىن قىزمەتتەردى وڭتايلاندىرۋى جانە اۆتوماتتاندىرۋى ءتارتىبىن ايقىندايدى.
2. وڭتايلاندىرۋعا جانە اۆتوماتتاندىرۋعا جاتاتىن مەملەكەتتىك كورسەتىلەتىن قىزمەتتەردىڭ تىزبەسىن (بۇدان ءارى – تىزبە), ولاردى ەلەكتروندىق نىسانعا اۋىستىرۋ مەرزىمدەرىن قازاقستان رەسپۋبليكاسىنىڭ ۇكىمەتى ايقىندايدى.
3. مەملەكەتتىك كورسەتىلەتىن قىزمەتتەردى وڭتايلاندىرۋ مەن اۆتوماتتاندىرۋدىڭ ماقساتتارى مەملەكەتتىك ورگاندار كورسەتەتىن مەملەكەتتىك كورسەتىلەتىن قىزمەتتەردى كورسەتۋ پروتسەسىن, ونىڭ ىشىندە:
1) ارتىق اكىمشىلىك راسىمدەردى جانە مەملەكەتتىك ورگانداردىڭ كەلىسۋشى بولىمشەلەرىنىڭ سانىن جويۋ;
2) مەملەكەتتىك كورسەتىلەتىن قىزمەتتەردى الۋ ءۇشىن كورسەتىلەتىن قىزمەتتەردى الۋشىلار ۇسىناتىن قاعاز قۇجاتتارىنىڭ سانىن قىسقارتۋ, نە ولاردى ەلەكتروندىق نىسانعا كوشىرۋ نەمەسە ولاردى مالىمەتتەر نىسانىمەن الماستىرۋ;
3) مەملەكەتتىك ورگانداردىڭ اقپاراتتىق جۇيەلەرىنىڭ ۆەدومستۆوارالىق ءوزارا ءىس-قيمىلىن قامتاماسىز ەتۋ;
4) كورسەتىلەتىن قىزمەتتەردى الۋشىلاردىڭ مەملەكەتتىك ورگانداردىڭ لاۋازىمدى تۇلعالارىمەن مەملەكەتتىك ورگاندارعا كورسەتىلەتىن قىزمەتتى الۋشىنىڭ ءوزى كەلمەي-اق, اقپاراتتىق-كوممۋنيكاتسيالىق تەحنولوگيالاردى پايدالانا وتىرىپ, «ءبىر تەرەزە» قاعيداتى بويىنشا ءوزارا ءىس-قيمىلى;
5) مەملەكەتتىك قىزمەتتەردى كورسەتۋ مەرزىمدەرىن قىسقارتۋ جولىمەن جەڭىلدەتۋ جانە جەدەلدەتۋ بولىپ تابىلادى.
4. وسى قاعيدالاردا مىناداي نەگىزگى ۇعىمدار پايدالانىلادى:
1) جاۋاپتى مەملەكەتتىك ورگان – مەملەكەتتىك كورسەتىلەتىن قىزمەت ستاندارتىن ازىرلەيتىن جانە مەملەكەتتىك كورسەتىلەتىن قىزمەتتى وڭتايلاندىرۋ مەن اۆتوماتتاندىرۋعا, ولاردى ەلەكتروندىق نىسانعا اۋىستىرۋعا جاۋاپتى مەملەكەتتىك ورگان;
2) اقپاراتتىق جۇيەلەردى ينتەگراتسيالاۋ – اقپاراتتىق جۇيەلەر اراسىنداعى اقپاراتتىق ءوزارا ءىس-قيمىلدى قامتاماسىز ەتۋ جونىندەگى ءىس-شارالار;
3) مالىمەتتەر نىسانى – مەملەكەتتىك قىزمەتتەردى كورسەتۋ كەزىندە قويىلاتىن تالاپتارعا سايكەستىگى تۋرالى اقپاراتتى قامتيتىن, قازاقستان رەسپۋبليكاسىنىڭ زاڭناماسىندا بەلگىلەنگەن ەلەكتروندىق نەمەسە وزگە دە نىسانداعى قۇجات;
4) ساراپتامالىق كوميسسيا – مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ بويىنشا ۇسىنىستار ازىرلەيتىن اقپاراتتاندىرۋ سالاسىنداعى ۋاكىلەتتى ورگان جانىنداعى كونسۋلتاتيۆتiك-كەڭەسشi ورگان.
2. مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ ءتارتىبى
5. مەملەكەتتىك قىزمەتتەردى كورسەتۋ پروتسەسىن وڭتايلاندىرۋ جانە اۆتوماتتاندىرۋ تىزبەدە بەلگىلەنگەن مەرزىمدەردى ەسكەرە وتىرىپ, تۇراقتى نەگىزدە جۇرگىزىلەدى.
6. اقپاراتتاندىرۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) جىل سايىن مەملەكەتتىك كورسەتىلەتىن قىزمەتتەردى وڭتايلاندىرۋدىڭ جانە اۆتوماتتاندىرۋدىڭ الداعى كۇنتىزبەلىك جىلعا ارنالعان جوسپار-كەستەسىن (بۇدان ءارى – جوسپار-كەستە) ازىرلەيدى, جاۋاپتى مەملەكەتتىك ورگاندارمەن كەلىسەدى جانە بۇيرىقپەن بەكىتەدى.
7. مەملەكەتتىك ورگاندار جوسپار-كەستەنى ۋاكىلەتتى ورگان جىبەرگەن ساتتەن باستاپ ون بەس جۇمىس كۇن ىشىندە كەلىسەدى.
8. جوسپار-كەستە تىزبەگە سايكەس مەملەكەتتىك كورسەتىلەتىن قىزمەتتەردى وڭتايلاندىرۋدى جانە اۆتوماتتاندىرۋدى جۇرگىزۋ جوسپارلانعان كۇنتىزبەلىك جىل باستالعانعا دەيىن توعىز ايدان كەشىكتىرمەي بەكىتىلەدى.
2014 جىلى وڭتايلاندىرۋعا جانە اۆتوماتتاندىرۋعا جاتاتىن مەملەكەتتىك كورسەتىلەتىن قىزمەتتەرگە قاتىستى جوسپار-كەستە 2013 جىلعى قازاننان كەشىكتىرمەي جاسالادى.
9. جاۋاپتى مەملەكەتتىك ورگاندار جوسپار-كەستەدە كورسەتىلگەن مەرزىمدە وزدەرىنىڭ قۇزىرەتىنە كىرەتىن مەملەكەتتىك كورسەتىلەتىن قىزمەتتەردى كورسەتۋدىڭ قولدانىستاعى ءتارتىبىن تەكسەرۋدى جۇرگىزەدى (بۇدان ءارى – تەكسەرۋ).
10. تەكسەرۋ جۇرگىزۋ ءۇشىن جاۋاپتى مەملەكەتتىك ورگان ءوز قىزمەتكەرلەرىنىڭ, مۇددەلى مەملەكەتتىك ورگاندار, ۋاكىلەتتى ورگان, كورسەتىلەتىن قىزمەتتى بەرۋشىلەر, جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرى وكىلدەرىنىڭ جاۋاپتى مەملەكەتتىك ورگاننىڭ قارالىپ وتىرعان قىزمەت سالاسىنداعى تاۋەلسىز ساراپشىلارىنىڭ قاتارىنان جۇمىس توبىن (بۇدان ءارى – جۇمىس توبى) قۇرادى.
مۇددەلى مەملەكەتتىك ورگاندار, ۋاكىلەتتى ورگان, كورسەتىلەتىن قىزمەتتى بەرۋشىلەر, جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرى, تاۋەلسىز ساراپشىلار جاۋاپتى مەملەكەتتىك ورگاننىڭ سۇراتۋى بويىنشا جەتى جۇمىس كۇنىنەن كەشىكتىرمەي جۇمىس توبىنىڭ قۇرامى جونىندەگى ۇسىنىستارىن جىبەرەدى.
11. تەكسەرۋ جۇرگىزۋ باستالعان ساتتەن باستاپ جاۋاپتى مەملەكەتتىك ورگان جۇمىس توبىنىڭ مۇشەلەرىن مەملەكەتتىك كورسەتىلەتىن قىزمەتتى تەكسەرۋ ءۇشىن قاجەتتى اقپاراتپەن, قۇجاتتارمەن, نورماتيۆتىك قۇقىقتىق اكتىلەرمەن, ادىسكەرلەر, جاۋاپتى مەملەكەتتىك ورگاننىڭ باسقا دا قۇزىرەتتى تۇلعالارى تاراپىنان كونسۋلتاتسيالارمەن, سونداي-اق جۇمىس ورىندارىمەن, كەڭسەلىك تەحنيكامەن, بايلانىسپەن جانە باسقا دا ماتەريالدارمەن قامتاماسىز ەتەدى.
12. تەكسەرۋ كەزىندە ءبىرىنشى كەزەكتە مەملەكەتتىك كورسەتىلەتىن قىزمەتتى اۆتوماتتاندىرۋ مۇمكىندىگى بەلگىلەنەدى, ول ءۇشىن مىناداي ارەكەتتەر جۇزەگە اسىرىلادى:
1) مەملەكەتتىك كورسەتىلەتىن قىزمەتتى الۋ ءۇشىن كورسەتىلەتىن قىزمەتتى الۋشىلاردان تالاپ ەتىلەتىن قاعاز قۇجاتتاردىڭ سيپاتى مەن سانىن ايقىنداۋ جانە ولاردى وسى قۇجاتتاردى ەلەكتروندىق اقپاراتتىق رەسۋرستارمەن اۋىستىرۋ مانىنە مەملەكەتتىك اقپاراتتىق جۇيەلەردىڭ ەلەكتروندىق اقپاراتتىق رەسۋرستارىمەن سالىستىرىپ تەكسەرۋ.
ەگەر مەملەكەتتىك اقپاراتتىق جۇيەلەردە قاعاز قۇجاتتاردا قامتىلعان مالىمەتتەر بولماعان جاعدايدا قاعاز قۇجاتتاردىڭ سكانەرلەنگەن نۇسقالارىن پايدالانۋ جانە/نەمەسە ولاردى مالىمەتتەر نىسانىنا اۋىستىرۋ مۇمكىندىگى ايقىندالادى;
2) قاعاز قۇجاتتاردى وسى اقپاراتتىق جۇيەدە ساقتالاتىن, وڭدەلەتىن ەلەكتروندىق اقپاراتتىق رەسۋرستارمەن الماستىرۋعا بايلانىستى ينتەگراتسيالاۋعا جاتاتىن اقپاراتتىق جۇيەلەردى ايقىنداۋ.
بۇل رەتتە ينتەگراتسيالانۋعا جانە مەملەكەتتىك كورسەتىلەتىن قىزمەتتى اۆتوماتتاندىرۋ كەزىندە اقپاراتتىق الماسۋعا قاتىسۋعا جاتاتىن اقپاراتتىق جۇيەلەردى جانە اقپاراتتىق رەسۋرستاردى ايقىنداۋ كەزىندە جاۋاپتى مەملەكەتتىك ورگاندار www.reginfo.kz مەكەنجايى بويىنشا كورسەتىلگەن ەلەكتروندىق اقپاراتتىق رەسۋرستاردىڭ جانە اقپاراتتىق جۇيەلەردىڭ مەملەكەتتىك تىركەلىمىنىڭ مالىمەتتەرىن باسشىلىققا الادى;
3) مەملەكەتتىك قىزمەتتى كورسەتۋ مەرزىمىن قىسقارتۋعا بولاتىن ۋاقىت كەزەڭىن ايقىنداۋ.
مەملەكەتتىك قىزمەتتى كورسەتۋ مەرزىمىن قىسقارتۋعا قۇجاتتاردى الۋ, تەكسەرۋ, كەلىسۋ, جەتكىزۋ مەرزىمدەرىن قىسقارتۋ ەسەبىنەن, سونداي-اق مەملەكەتتىك ورگاننىڭ كەلىسەتىن قۇرىلىمدىق بولىمشەلەرىنىڭ سانىن جويۋ جانە (نەمەسە) قۇجاتتاردى مەملەكەتتىك اقپاراتتىق جۇيەلەردە ساقتالاتىن ەلەكتروندىق اقپاراتتىق رەسۋرستارعا الماستىرۋعا بايلانىستى باسقا مەملەكەتتىك ورگاندارمەن رەسمي ءوزارا ءىس-قيمىلدى جويۋ ەسەبىنەن قول جەتكىزىلەدى.
13. ەگەر مەملەكەتتىك كورسەتىلەتىن قىزمەت تەكسەرۋ جۇرگىزۋ ساتىندە اۆتوماتتاندىرىلا المايتىن بولعان نەمەسە اۆتوماتتاندىرۋدان تىس مەملەكەتتىك كورسەتىلەتىن قىزمەتتى ۇيىمداستىرۋشىلىق, كادرلىق, اكىمشىلىك-شارۋاشىلىق, تەحنولوگيالىق جانە باسقا ءىس-شارالار جولىمەن وڭتايلاندىرۋ مۇمكىندىگى بولعان جاعدايدا جۇمىس توبى, ناتيجەسىندە مەملەكەتتىك قىزمەتتى كورسەتۋ پروتسەسىن جەدەلدەتۋگە جانە وڭايلاتۋعا قول جەتكىزىلەتىن قوسىمشا ءىس-شارالاردىڭ قۇرامى مەن سيپاتىن ايقىندايدى.
14. وسى قاعيدالاردىڭ 13-تارماعىندا كورسەتىلگەن مەملەكەتتىك كورسەتىلەتىن قىزمەتتى وڭتايلاندىرۋ بويىنشا قوسىمشا ءىس-شارالار سانىنا مىنا (بىراق ولارمەن شەكتەلمەيدى) ءىس-شارالار جاتادى:
1) فۋنكتسيالارىن ۇتىمدى ءبولۋ ەسەبىنەن مەملەكەتتىك ورگاننىڭ كەلىسەتىن قۇرىلىمدىق بولىمشەلەرىنىڭ, ۆەدومستۆولىق باعىنىستى ۇيىمدارىنىڭ سانىن الىپ تاستاۋ;
2) مەملەكەتتىك ورگانداردىڭ قايتالاناتىن فۋنكتسيالارىن الىپ تاستاۋ;
3) مەملەكەتتىك قىزمەتتى كورسەتۋ كەزىندە مەملەكەتتىك ورگاننىڭ قۇرىلىمدىق بولىمشەلەرىنىڭ, ۆەدومستۆولىق باعىنىستى ۇيىمدارىنىڭ ىشكى ءوزارا ءىس-قيمىلىن نەمەسە ەكى جانە ودان دا كوپ مەملەكەتتىك ورگانداردىڭ سىرتقى ءوزارا ءىس-قيمىلىن رەگلامەنتتەۋ;
4) كادرلىق قۇرامدى ۇتىمدى ءبولۋ, ونىڭ ىشىندە مەملەكەتتىك ورگاننىڭ, ۆەدومستۆولىق باعىنىستى ۇيىمداردىڭ كادرلىق قۇرامىن كوبەيتۋ نەمەسە ازايتۋ;
5) قۇرىلىمدىق بولىمشەلەردى, ۆەدومستۆولىق باعىنىستى ۇيىمداردى ولاردىڭ اراسىنداعى كوممۋنيكاتسيا جىلدامدىعىن ۇلعايتۋ جانە پوشتالىق حات-حاباردىڭ ۇزاق ءوتۋىن جويۋ ماقساتىندا ۇتىمدى اۋماقتىق ورنالاستىرۋ;
6) قۇرىلىمدىق بولىمشەلەردى, ۆەدومستۆولىق باعىنىستى ۇيىمداردى ۋاقتىلى جانە ساپالى ماتەريالدىق قامتاماسىز ەتۋ;
7) مەملەكەتتىك قىزمەتتەردى كورسەتۋدىڭ تۇپكى ناتيجەلەرىن ازىرلەۋ تەحنولوگيالارىن وزگەرتۋ (سەرتيفيكاتتار, جەكە كۋالىكتەر جانە ت.ب.);
8) مەملەكەتتىك كورسەتىلەتىن قىزمەتتەردى الۋ ءۇشىن كورسەتىلەتىن قىزمەتتى الۋشىلار ۇسىناتىن قۇجاتتار سانىن, ونىڭ ىشىندە ولاردى مالىمەتتەر نىسانىمەن الماستىرۋ جولىمەن قىسقارتۋ;
9) مەملەكەتتىك قىزمەتتەردى حالىققا قىزمەت كورسەتۋ ورتالىقتارى ارقىلى كورسەتۋ.
15. تەكسەرۋ اياقتالعاننان كەيىن جاۋاپتى مەملەكەتتىك ورگان ءاربىر مەملەكەتتىك كورسەتىلەتىن قىزمەت بويىنشا مىنالاردى:
1) وسى قاعيدالارعا 1-قوسىمشادا بەلگىلەنگەن تالاپتاردى ەسكەرە وتىرىپ جاسالعان ەسەپتى;
2) وسى قاعيدالارعا 2-قوسىمشادا بەلگىلەنگەن تالاپتاردى ەسكەرە وتىرىپ جاسالعان ءىس-شارالار جوسپارىن ازىرلەيدى.
16. ەسەپ پەن ءىس-شارالار جوسپارىن جاۋاپتى مەملەكەتتىك ورگاندار مەملەكەتتىك كورسەتىلەتىن قىزمەتتى وڭتايلاندىرۋ مەن اۆتوماتتاندىرۋعا جۇمىلدىرىلعان مۇددەلى مەملەكەتتىك ورگاندار مەن ۇيىمدارعا كەلىسۋگە جولدايدى.
17. مۇددەلى مەملەكەتتىك ورگاندار مەن ۇيىمدار ءوز قۇزىرەتى شەگىندە كەمشىلىكتەردى جويۋ جونىندە ۇسىنىستار مەن جازباشا تۇردە نەگىزدەلگەن جانە تۇبەگەيلى ەسكەرتۋلەر مەن ۇسىنىستار بەرەدى, بولماعان جاعدايدا ولار ەسەپ پەن ءىس-شارالار جوسپارىن العان كۇننەن باستاپ ون جۇمىس كۇنى ىشىندە جاۋاپتى مەملەكەتتىك ورگانعا ولاردىڭ بولماۋى تۋرالى حابارلايدى.
18. الىنعان ەسكەرتۋلەر بويىنشا قاجەت بولعان جاعدايدا جاۋاپتى مەملەكەتتىك ورگان ەسەپ پەن ءىس-شارالار جوسپارىن قايتا پىسىقتايدى, ال جۇمىس توبى قابىلدانعان جانە باس تارتىلعان ەسكەرتۋلەر تۋرالى انىقتامانى ەسكەرتۋلەردى قابىلداماۋ نەگىزدەمەلەرىن كورسەتە وتىرىپ جاسايدى.
19. جاۋاپتى مەملەكەتتىك ورگان مۇددەلى مەملەكەتتىك ورگانداردىڭ, ۇيىمداردىڭ حاتتارى, جۇمىس توبىنىڭ كەلىسۋ ناتيجەلەرى بويىنشا دايىندالعان انىقتاماسى قوسا بەرىلگەن ەسەپتى, ءىس-شارالار جوسپارىن ساراپتامالىق كوميسسيانىڭ وتىرىسىنا شىعارۋ ساتىنە دەيىن ون جۇمىس كۇنىنەن كەشىكتىرىلمەيتىن مەرزىمدە وسى قاعيدالاردىڭ تالاپتارىنا سايكەستىگىن تەكسەرۋ ءۇشىن ۋاكىلەتتى ورگانعا جىبەرەدى.
20. ۋاكىلەتتى ورگان ەسەپ پەن ءىس-شارالار جوسپارىن العان ساتتەن باستاپ ون جۇمىس كۇنى ىشىندە ولاردىڭ وسى قاعيدالاردىڭ تالاپتارىنا سايكەستىگىنە تەكسەرۋ جۇرگىزەدى.
ولار وسى قاعيدالاردىڭ تالاپتارىنا سايكەس كەلمەگەن جاعدايدا, ۋاكىلەتتى ورگان ولاردى جاۋاپتى مەملەكەتتىك ورگانعا انىقتالعان كەمشىلىكتەردى كورسەتە وتىرىپ, پىسىقتاۋعا قايتارادى. جاۋاپتى مەملەكەتتىك ورگان جىبەرىلگەن كەمشىلىكتەردى ولار تۇسكەن ساتتەن باستاپ جيىرما جۇمىس كۇنىنەن اسپايتىن مەرزىمدە تۇزەتەدى جانە ۋاكىلەتتى ورگانعا قايتا جىبەرەدى.
وسى قاعيدالاردىڭ تالاپتارىنا سايكەس كەلگەن جاعدايدا ۋاكىلەتتى ورگان ولاردى ساراپتامالىق كوميسسيانىڭ وتىرىسىنا شىعارادى.
21. ساراپتامالىق كوميسسيانى ۋاكىلەتتى ورگان مەملەكەتتىك ورگانداردىڭ, عىلىمي ۇيىمداردىڭ, جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرىنىڭ وكىلدەرى قاتارىنان قۇرادى.
قاجەت بولعان جاعدايدا ساراپتامالىق كوميسسيانىڭ جۇمىسىنا ۇيىمدار, جوعارى وقۋ ورىندارى, سونداي-اق عالىمدار مەن جوعارى بىلىكتى ماماندار تارتىلادى.
22. ساراپتامالىق كوميسسيانى ۋاكىلەتتى ورگان تاعايىندايتىن ساراپتامالىق كوميسسيانىڭ توراعاسى باسقارادى جانە ونىڭ قىزمەتiنە باسشىلىق ەتەدi, وتىرىستارىنا توراعالىق ەتەدi, جۇمىسىن جوسپارلايدى, شەشiمدەردىڭ iسكە اسىرىلۋىن جالپى باقىلاۋدى جۇزەگە اسىرادى. توراعا بولماعان ۋاقىتتا ونىڭ فۋنكتسيالارىن ۋاكىلەتتى ورگان تاعايىندايتىن ورىنباسارى ورىندايدى.
23. ساراپتامالىق كوميسسيانىڭ جۇمىسىن ۇيىمداستىرۋدى, تيiستi ماتەريالدار, ۇسىنىمدار ازiرلەۋدi ۋاكىلەتتى ورگان ءوز قىزمەتكەرلەرىنىڭ قاتارىنان تاعايىندايتىن ساراپتامالىق كوميسسيانىڭ حاتشىسى جۇزەگە اسىرادى.
24. كوميسسيانىڭ حاتشىسى:
1) ساراپتامالىق كوميسسيا وتىرىسىنىڭ كۇن ءتارتiبi بويىنشا ۇسىنىستار ازiرلەيدi, ساراپتامالىق كوميسسيا شەشiمدەرiنiڭ ورىندالۋىن قامتاماسىز ەتەدى جانە باقىلايدى;
2) ساراپتامالىق كوميسسيا مۇشەلەرiنiڭ جانە ونىڭ قىزمەتiنە تارتىلعان مامانداردىڭ جۇمىسىن ۇيلەستiرەدi.
25. ساراپتامالىق كوميسسيانىڭ وتىرىستارى كۇنتىزبەلىك جىل ايىنىڭ ءۇشiنشi دۇيسەنبiسiندە, قاجەت بولعان جاعدايدا ساراپتامالىق كوميسسيانىڭ توراعاسى ايقىندايتىن وزگە دە كۇندەرى وتكiزiلەدى.
ساراپتامالىق كوميسسيانىڭ العاشقى وتىرىسى جوسپار-كەستەنى بەكىتكەن ساتتەن باستاپ ەكى ايدان ەرتە ەمەس مەرزىمدە وتكىزىلەدى.
26. وتىرىستاردىڭ كۇن ءتارتiبiن, سونداي-اق ولاردى وتكiزۋ ۋاقىتى مەن ورنىن ساراپتامالىق كوميسسيا مۇشەلەرiمەن كەلiسiم بويىنشا ساراپتامالىق كوميسسيانىڭ توراعاسى ايقىندايدى جانە ناقتىلايدى.
27. ساراپتامالىق كوميسسيانىڭ وتىرىسى ساراپتامالىق كوميسسيا مۇشەلەرىنىڭ جالپى سانىنىڭ كەمىندە جارتىسى قاتىسقان جاعدايدا زاڭدى بولىپ سانالادى. ساراپتامالىق كوميسسيا مۇشەسiنىڭ وتىرىسقا قاتىسۋ مۇمكىندىگى بولماعان جاعدايدا ساراپتامالىق كوميسسيا مۇشەسi ءوز وكiلەتتىلىكتەرiن باسقا ادامدارعا جۇكتەيدى.
28. ساراپتامالىق كوميسسيانىڭ شەشىمدەرى ونىڭ مۇشەلەرىنىڭ كوپشىلىك داۋسىمەن قابىلدانادى, ول توراعالىق ەتۋشى مەن ساراپتامالىق كوميسسيانىڭ حاتشىسى قول قوياتىن حاتتامامەن رەسىمدەلەدى جانە ۇسىنىمدىق سيپاتتا بولادى.
29. شەشiم قابىلداۋ كەزiندە ساراپتامالىق كوميسسيانىڭ ءار مۇشەسi ءبىر داۋىسقا يە بولادى. داۋىس بەرۋ كەزىندە داۋىستار تەڭ بولعان جاعدايدا, توراعالىق ەتۋشى داۋىس بەرگەن شەشىم قابىلدانعان بولىپ سانالادى.
30. ساراپتامالىق كوميسسيانىڭ وتىرىسىنا ەسەپ, مۇددەلى مەملەكەتتىك ورگانداردىڭ, ۇيىمداردىڭ حاتتارى مەن كەلىسۋ ناتيجەلەرى بويىنشا جاسالعان جۇمىس توبىنىڭ انىقتاماسى قوسا بەرىلە وتىرىپ, ءىس-شارالار جوسپارى شىعارىلادى.
ساراپتامالىق كوميسسيانىڭ مۇشەلەرىنە ماتەريالدار جىبەرۋ ساراپتامالىق كوميسسيانىڭ وتىرىسى باستالعانعا دەيىن ءۇش جۇمىس كۇنىنەن كەشىكتىرىلمەي جۇزەگە اسىرىلادى.
31. ساراپتامالىق كوميسسيا ولاردى جاۋاپتى مەملەكەتتىك ورگان وكىلدەرىنىڭ قاتىسۋىمەن بولاتىن وتىرىستا قارايدى جانە ماقۇلدايدى نەمەسە جاۋاپتى مەملەكەتتىك ورگانعا پىسىقتاۋعا قايتارادى.
32. ساراپتامالىق كوميسسيا ەسەپتى جانە ءىس-شارالار جوسپارىن قايتارعان جاعدايدا جاۋاپتى مەملەكەتتىك ورگان ساراپتامالىق كوميسسيا شەشىم شىعارعان ساتتەن باستاپ جيىرما جۇمىس كۇنىنەن كەشىكتىرىلمەيتىن مەرزىمدە كورسەتىلگەن قۇجاتتاردى وسى قاعيدالاردىڭ 16-20-تارماقتارىندا كوزدەلگەن تارتىپپەن پىسىقتايدى جانە ساراپتامالىق كوميسسيانىڭ قاراۋىنا جىبەرەدى.
33. ەسەپ پەن ءىس-شارالار جوسپارىن ساراپتامالىق كوميسسيا ماقۇلداعان جاعدايدا جاۋاپتى مەملەكەتتىك ورگان ساراپتامالىق كوميسسيا شەشىم شىعارعان ساتتەن باستاپ ون بەس جۇمىس كۇنىنەن كەشىكتىرىلمەيتىن مەرزىمدە ءىس-شارالار جوسپارىن مەملەكەتتىك قىزمەتتەر كورسەتۋ ماسەلەلەرىنە جەتەكشىلىك ەتەتىن قازاقستان رەسپۋبليكاسى پرەمەر-ءمينيسترىنىڭ ورىنباسارىنا بەكىتۋگە جىبەرەدى.
34. ءىس-شارالار جوسپارى بەكىتىلگەن سوڭ مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ جونىندەگى ءىس-قيمىلداردى ورىنداۋدىڭ كەزەكتىلىگى مەن مەرزىمدەرى ءىس-شارالار جوسپارىنا سايكەس ايقىندالادى.
35. بۇل رەتتە وڭتايلاندىرۋعا جانە اۆتوماتتاندىرۋعا جاتاتىن ءاربىر مەملەكەتتىك كورسەتىلەتىن قىزمەت مىندەتتى تۇردە مەملەكەتتىك كورسەتىلەتىن قىزمەتتەردىڭ ستاندارتتارىندا, رەگلامەنتتەرىندە جانە مەملەكەتتىك قىزمەتتى كورسەتۋ ءتارتىبىن رەتتەيتىن وزگە نورماتيۆتىك قۇقىقتىق اكتىلەردە بەلگىلەنگەن جاعدايلاردان ايىرماشىلىعى بار جاعدايلاردا كورسەتىلۋى مۇمكىن تاجىريبەلىك پايدالانۋ كەزەڭىنەن وتەدى.
36. جاۋاپتى مەملەكەتتىك ورگان بەكىتىلگەن ءىس-شارالار جوسپارىنا وزگەرىستەر مەن تولىقتىرۋلاردى وسى قاعيدالاردىڭ 16-20, 32, 33-تارماقتارىندا بەلگىلەنگەن تارتىپپەن ەنگىزەدى.
37. ۋاكىلەتتى ورگان مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ مەرزىمدەرىنىڭ ساقتالۋىن باقىلاۋدى جۇزەگە اسىرادى جانە جاۋاپتى مەملەكەتتىك ورگاندار مەملەكەتتىك قىزمەتتەردى اۆتوماتتاندىرۋدىڭ جانە وڭتايلاندىرۋدىڭ تىزبەدە, سونداي-اق جوسپار-كەستەدە بەلگىلەنگەن مەرزىمدەرىن بۇزعان جاعدايدا, قازاقستان رەسپۋبليكاسىنىڭ ۇكىمەتىنە جاۋاپتى مەملەكەتتىك ورگانداردىڭ لاۋازىمدى تۇلعالارىن تارتىپتىك جاۋاپتىلىققا تارتۋ تۋرالى قولداۋحات جىبەرەدى.
مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارىنا 1-قوسىمشا
جۇرگىزىلگەن تەكسەرۋ تۋرالى ەسەپتىڭ قۇرامى مەن مازمۇنى
جۇرگىزىلگەن تەكسەرۋ تۋرالى ەسەپ مىناداي بولىمدەردى قامتيدى:
1. كىرىسپە
1) تەكسەرۋدىڭ ماقساتتارى مەن باعىتتالۋى;
ءبولىم تەكسەرۋ جۇرگىزۋدىڭ نەگىزگى ماقساتى مەن مىندەتتەرىنىڭ سيپاتتاماسىن قامتيدى.
2) تەكسەرۋ جۇرگىزۋ ءۇشىن نەگىز;
ءبولىم تەكسەرۋ ءۇشىن نەگىز بولىپ تابىلاتىن قۇجاتتار تىزبەسىن قامتيدى.
3) نەگىزگى تۇسىنىكتەر مەن قىسقارتۋلار.
ەسەپتە پايدالانىلاتىن نەگىزگى تۇسىنىكتەر مەن قىسقارتۋلار كورسەتىلەدى.
2. كورسەتىلەتىن قىزمەتتىڭ قىسقاشا سيپاتتاماسى:
1) كورسەتىلەتىن قىزمەتتى الۋشىلار;
كىشى بولىمدە قازاقستان رەسپۋبليكاسىنىڭ زاڭناماسىنا سايكەس كورسەتىلەتىن قىزمەتتى الۋشىلار سانامالانادى.
2) قىزمەت كورسەتۋدى رەگلامەنتتەيتىن نورماتيۆتىك قۇقىقتىق اكتىلەر;
كىشى بولىمدە قىزمەت كورسەتۋ پروتسەسىن رەگلامەنتتەيتىن قولدانىستاعى نورماتيۆتىك قۇقىقتىق اكتىلەر سانامالانادى.
3) كورسەتىلەتىن قىزمەتتىڭ تالاپ ەتىلۋى;
كىشى بولىمدە كەستە تۇرىندە تەكسەرىلىپ كورسەتىلەتىن قىزمەتتىڭ سوڭعى ءتورت جىلداعى كورسەتىلۋ ستاتيستيكاسى كەلتىرىلەدى.
جىل سانى
1 2
4) قىزمەت كورسەتۋ نىسانى;
كىشى بولىمدە مەملەكەتتىك قىزمەتتى كورسەتۋ نىسانى سيپاتتالادى: اۆتوماتتاندىرۋ دەڭگەيى ء(ىشىنارا اۆتوماتتاندىرىلعان, تولىق اۆتوماتتاندىرىلعان نەمەسە اۆتوماتتاندىرىلماعان) كورسەتىلگەن قاعاز نەمەسە ەلەكتروندىق نىسان.
قىزمەت كورسەتۋ ءىشىنارا اۆتوماتتاندىرىلعان نەمەسە تولىق اۆتوماتتاندىرىلعان دەڭگەيدە بولعان جاعدايدا, كىشى بولىمدە قىزمەت كورسەتۋ قالاي جانە قانداي اقپاراتتىق جۇيەلەر ارقىلى اۆتوماتتاندىرىلعاندىعى سيپاتتالادى.
5) قىزمەت كورسەتۋ تالاپتارى;
كىشى بولىمدە قىزمەت كورسەتۋ باعاسى جانە مەرزىمدەرى تۋرالى اقپارات سيپاتتالادى.
6) قىزمەتتى كورسەتۋگە جەتەكشىلىك ەتەتىن جاۋاپتى مەملەكەتتىك ورگان;
كىشى بولىمدە قىزمەت كورسەتۋ ماسەلەلەرىنە جەتەكشىلىك ەتەتىن جاۋاپتى مەملەكەتتىك ورگان تۋرالى اقپارات جانە وسى ورگان تاراپىنان مۇددەلى تۇلعالار تىزبەسى سانامالانادى.
ت.ا.ءا. لاۋازىمى قۇرىلىمدىق بولىمشەنىڭ اتاۋى جۇمىس تەلەفونى ەلەكتروندىق مەكەنجايى
1 2 3 4 5
7) كورسەتىلەتىن قىزمەتتى بەرۋشىلەر.
كىشى بولىمدە كورسەتىلەتىن قىزمەتتى بەرۋشىلەر, ولاردىڭ قىزمەتتى كورسەتەتىن اۋماقتىق بولىمشەلەرى تۋرالى اقپارات, سونداي-اق اۆتوماتتاندىرىلعان تۇردە قىزمەت كورسەتۋگە تەحنيكالىق دايىندىعى تۋرالى مالىمەتتەر كەلتىرىلەدى.
جەكە اقپاراتتىق جۇيە (بۇدان ءارى – اج) بار بولعان جاعدايدا كىشى بولىمدە جۇيە تۋرالى مىناداي اقپارات كەلتىرىلەدى:
اج اتاۋى;
پايدالانىلاتىن تەحنولوگيالار, ازىرلەۋ ءتىلى, دەرەكتەر قورىن باسقارۋ جۇيەسى;
اج ازىرلەۋشى كومپانيا;
تەكسەرىلەتىن قىزمەتتى كورسەتۋ اياسىندا اج فۋنكتسيالارى;
«ەلەكتروندىق ۇكىمەت» ۆەب-پورتالىمەن (بۇدان ءارى – ەۇپ) نەمەسە «ەلەكتروندىق ليتسەنزيالاۋ» ۆەب-پورتالىمەن (بۇدان ءارى – ەلپ) ينتەگراتسيالاۋ قاجەتتىلىگى جانە مۇمكىندىگى.
كىشى بولىمدە كورسەتىلەتىن قىزمەتتى بەرۋشى تاراپىنان جاۋاپتى تۇلعالاردىڭ تىزبەسى مەن ولاردىڭ بايلانىس دەرەكتەرى كورسەتىلەدى.
8) مەملەكەتتىك كورسەتىلەتىن قىزمەتتىڭ ناتيجەسى تۋرالى مالىمەتتەر سۇراتاتىن مەملەكەتتىك ورگانداردىڭ تىزبەسى.
كىشى ءبولىم مەملەكەتتىك كورسەتىلەتىن قىزمەت بەرىلگەن سوڭ ونىڭ ناتيجەسى تۋرالى مالىمەتتەردى الۋدى قاجەت ەتەتىن مەملەكەتتىك ورگانداردىڭ تىزبەسىن قامتيدى. كىشى بولىمدە:
مەملەكەتتىك كورسەتىلەتىن قىزمەتتىڭ ناتيجەسى بويىنشا سۇراۋ سالۋدى جۇزەگە اسىراتىن مەملەكەتتىك ورگاننىڭ, ونىڭ قۇرىلىمدىق بولىمشەسىنىڭ تولىق اتاۋى;
اياسىندا مەملەكەتتىك كورسەتىلەتىن قىزمەتتىڭ ناتيجەسى تۋرالى سۇراۋ سالۋ جۇزەگە اسىرىلاتىن كورسەتىلەتىن قىزمەتتىڭ نەمەسە فۋنكتسيانىڭ اتاۋى;
مەملەكەتتىك ورگاندار ءۇشىن قاجەتتى مەملەكەتتىك كورسەتىلەتىن قىزمەتتىڭ ناتيجەسىنەن الىنعان مالىمەتتەر تىزبەسى كورسەتىلەدى.
3. «قازىرگى تاڭدا» جانە «قالاي بولادى» مەملەكەتتىك كورسەتىلەتىن قىزمەتتىڭ ناتيجەسىن بەرۋ پروتسەسىن تەكسەرۋ:
1) وتىنىشتەر تۇرلەرى;
كىشى بولىمدە تۇتىنۋشى تەكسەرىلەتىن قىزمەتتى كورسەتۋ اياسىندا بەرەتىن وتىنىشتەر تۇرلەرى سانامالانادى. سانامالاۋ كەزىندە مەملەكەتتىك كورسەتىلەتىن قىزمەت ناتيجەسىنىڭ بارلىق ومىرلىك كەزەڭىن ەسكەرۋ قاجەت:
- مەملەكەتتىك كورسەتىلەتىن قىزمەتتىڭ جاڭا ناتيجەسىن الۋ;
- مەملەكەتتىك كورسەتىلەتىن قىزمەت ناتيجەسىنىڭ تەلنۇسقاسىن الۋ;
- مەملەكەتتىك كورسەتىلەتىن قىزمەتتىڭ ناتيجەسىن قايتا رەسىمدەۋ;
- مەملەكەتتىك كورسەتىلەتىن قىزمەتتىڭ ناتيجەسىن توقتاتا تۇرۋ (جويۋ).
2) قىزمەتتى كورسەتۋ ءۇشىن ۇسىنىلاتىن قۇجاتتار تىزبەسى.
كىشى بولىمدە قىزمەتتى كورسەتۋ ءۇشىن تۇتىنۋشى ۇسىناتىن بارلىق قۇجاتتار قازاقستان رەسپۋبليكاسىنىڭ زاڭناماسىنا سايكەس سيپاتتالادى. قاجەت بولعان جاعدايدا, ءوتىنىشتىڭ ءار تۇرىنە قۇجاتتار جەكە سيپاتتالادى.
ءوتىنىشتىڭ ءار تۇرىنە ارنالعان قۇجاتتار تىزبەسى نورماتيۆتىك قۇقىقتىق اكتىلەردە ايقىندالعان رەت بويىنشا كورسەتىلەدى. مەملەكەتتىك جانە ورىس تىلدەرىندەگى قۇجاتتار ۇلگىلەرى ەسەپكە 1-قوسىمشادا كورسەتىلەدى.
3) قىزمەتتەردى كورسەتۋ ناتيجەسىندە الىناتىن قۇجاتتاردىڭ تىزبەسى;
كىشى بولىمدە قازاقستان رەسپۋبليكاسىنىڭ زاڭناماسىندا كوزدەلگەن قىزمەتتى كورسەتۋ ناتيجەسىندە الىناتىن بارلىق قۇجاتتار سيپاتتالادى. قاجەت بولعان جاعدايدا, ءار قۇجات ءۇشىن بەرۋ تالاپتارى جەكە سيپاتتالادى (بەرۋ تالاپتارى, قولدانىس مەرزىمى, قۇجات نىسانى).
مەملەكەتتىك جانە ورىس تىلدەرىندەگى قۇجاتتار ۇلگىلەرى ەسەپكە 2-قوسىمشادا كورسەتىلەدى.
4) «قازىرگى تاڭدا» قىزمەتىن كورسەتۋ پروتسەسىنىڭ سيپاتتاماسى;
كىشى بولىمدە «قازىرگى تاڭدا» قىزمەتىن كورسەتۋ پروتسەسىنىڭ سحەمالىق بەينەسى, سونىمەن قاتار سحەمانى تۇسىندىرەتىن ماتىندىك سيپاتتاما كەلتىرىلەدى. قاجەت بولعان جاعدايدا, ءار ءوتىنىش ءتۇرى ءۇشىن پروتسەسس سحەماسى جەكە سيپاتتالادى.
«قازىرگى تاڭدا» قىزمەت كورسەتۋ پروتسەسىن سحەمالىق نىسانداۋ ءۇشىن تومەندەگىلەردى ايقىنداۋ قاجەت:
- پروتسەستىڭ قاتىسۋشىلارى (كورسەتىلەتىن قىزمەتتى الۋشىلار, كورسەتىلەتىن قىزمەتتى بەرۋشىلەر جانە كورسەتىلەتىن قىزمەتتى بەرۋشىلەردىڭ قىزمەتكەرلەرى);
- پروتسەستىڭ قۇجاتتارى ء(وتىنىش, قۇجاتتار پاكەتى, جۋرنالدار, انىقتامالار, شارتتار, ليتسەنزيالار, حاتتار);
- پروتسەستىڭ ارەكەتتەرى (اقپاراتتى بەرۋ, قابىلداۋ, تىركەۋ, قاراۋ, جيناۋ, شەشىم ازىرلەۋ, ونى كەلىسۋ, شەشىمدى بەكىتۋ, قابىلدانعان شەشىم تۋرالى حابارلاۋ, شەشىمدى ورىنداۋ, مەملەكەتتىك قىزمەتتىڭ ناتيجەسىن بەرۋ);
- پروتسەستىڭ وقيعالارى (تەستىلەۋ, ساراپتاما, كوميسسيا وتىرىسى, وبەكتىنى قاراۋ);
- قىزمەت كورسەتۋ پروتسەسىنە قاتىساتىن اقپاراتتىق جۇيەلەر مەن دەرەكتەر قورلارى.
پروتسەستىڭ سحەماسىندا بارلىق سانامالانعان وبەكتىلەر مەن سۋبەكتىلەردىڭ ءوزارا ءىس-قيمىلى, سونداي-اق ءار قادامنىڭ رەتتىلىگى كورىنىس تابادى.
سحەمانى قۇجاتتار پاكەتىنىڭ تىم ەگجەي-تەگجەيلى سيپاتتاماسىمەن, پروتسەسكە قاتىسۋشىلار ارەكەتتەرىنىڭ تولىق سيپاتتاماسىمەن نەمەسە كورسەتىلەتىن قىزمەت تۋرالى ەسەپتىڭ باسقا بولىمدەرىندە سيپاتتالعان ارتىق اقپاراتپەن شامادان تىس جۇكتەۋ ۇسىنىلمايدى.
قىزمەت كورسەتۋ پروتسەسى كۇردەلى جانە ۇلكەن ءوزارا ءىس-قيمىل سحەما تۇرىندە بولعان جاعدايدا, ونى بىرنەشە كىشى پروتسەستەرگە – كەزەڭدەرگە ءبولۋ ۇسىنىلادى. مىسالى, «ءوتىنىش بەرۋ جانە ونى قابىلداۋ» كىشى پروتسەسى, «ءوتىنىشتى كەلىسۋ» كىشى پروتسەسى.
بيزنەس-پروتسەستىڭ سحەماسىن نىسانداۋ قۇرالى رەتىندە قاراپايىم جانە كەڭ تارالعان جازۋ ءتارتىبىنىڭ قۇرالىن پايدالانۋ ۇسىنىلادى.
5) ەسەپ بەرۋدىڭ نىسانى جانە ونى بەرۋدىڭ مەرزىمدىلىگى;
كىشى بولىمدە قىزمەت كورسەتۋ اياسىندا مەملەكەتتىك ورگان, كورسەتىلەتىن قىزمەتتى بەرۋشى قالىپتاستىراتىن ەسەپ بەرۋ نىسانىنىڭ ۇلگىسى كەلتىرىلەدى.
6) «قالاي بولادى» قىزمەت كورسەتۋ پروتسەسىنىڭ سيپاتتاماسى.
كىشى بولىمدە وڭتايلاندىرۋدى جانە اۆتوماتتاندىرۋدى ەسكەرە وتىرىپ, قىزمەت كورسەتۋدىڭ نۇسقالارى «قالاي بولادى» قىزمەتىن كورسەتۋ پروتسەستەرىنىڭ سحەمالارى جانە ولاردىڭ ماتىندىك تۇسىندىرمەلەرى تۇرىندە سيپاتتالادى. قىزمەتتى كورسەتۋدىڭ بىرنەشە بالامالى نۇسقالارى بولعان جاعدايدا (حالىققا قىزمەت كورسەتۋ ورتالىعى, مەملەكەتتىك ورگاننىڭ كەڭسەسى, ەلپ نەمەسە ەۇپ ارقىلى) سحەمالار مەن ولاردىڭ سيپاتتاماسى ءار نۇسقا ءۇشىن جەكە قۇرىلادى.
«قالاي بولادى» قىزمەت كورسەتۋ پروتسەسىنىڭ سحەماسىن سيپاتتاۋ جانە قۇرۋ قاعيداتتارى «قازىرگى تاڭدا» پروتسەسىن سيپاتتاۋعا ۇقساس.
«قالاي بولادى» پروتسەسىن سيپاتتاۋدا مىنالار كورىنىس تابادى:
- ىشكى جانە سىرتقى پورتالدارعا بولە وتىرىپ, ەۇپ پەن ەلپ-ءتىڭ قاتىسۋى;
- باسقا اقپاراتتىق جۇيەلەرمەن نەمەسە دەرەكتەر قورلارىمەن ءوزارا ءىس-قيمىل;
- پروتسەسكە بارلىق قاتىسۋشىلاردىڭ ەۇپ-پەن نەمەسە ەلپ-پەن ءوزارا ءىس-قيمىلى;
- بارلىق مۇمكىن بولاتىن كىرۋ مەن شىعۋلار ء(وتىنىشتى قابىلداۋ, ناتيجەسىن بەرۋ).
4. قورىتىندى.
بولىمدە كورسەتىلەتىن قىزمەتتى وڭتايلاندىرۋدان جانە اۆتوماتتاندىرۋدان كورسەتىلەتىن قىزمەتتى الۋشىلارعا, سول سياقتى مەملەكەتتىك ورگاندارعا كەلەتىن پايدانى كورسەتە وتىرىپ, مەملەكەتتىك كورسەتىلەتىن قىزمەتتى وڭتايلاندىرۋ جانە اۆتوماتتاندىرۋ ناتيجەسىندە الىنعان نەگىزگى تۇجىرىمدار سيپاتتالادى. مىسالى, تاپسىرىلاتىن قۇجاتتار سانىنىڭ, قىزمەت كورسەتۋ مەرزىمدەرىنىڭ قىسقارۋى, كورسەتىلەتىن قىزمەتتىڭ كەز كەلگەن ۋاقىتتا قولجەتىمدى بولۋى, قۇجاتتار تەلنۇسقاسىنا قاجەتتىلىكتى جويۋ.
قۇجاتتار سانىن جانە قىزمەت كورسەتۋ مەرزىمدەرىن قىسقارتۋ جونىندەگى ناتيجەلەر سالىستىرمالى كەستەلەر تۇرىندە بەرىلەدى.
قىزمەت كورسەتۋ كەزەڭى قىسقارتىلاتىن مەرزىمدەردى ايقىنداۋ كەزىندە مىنالار ەسەپكە الىنادى:
- كورسەتىلەتىن قىزمەتتى الۋشىلاردان وتىنىشتەر قابىلداۋ جانە ولاردى تىركەۋ ءبىر ساعاتقا دەيىن قىسقارتىلادى (تۇتىنۋشىنىڭ مالىمەتتەر نىسانىن تولتىرۋ جانە ۋاكىلەتتى ورگاننىڭ الىنعان ءوتىنىشتى اۆتوماتتاندىرىلعان جۇمىس ورنىندا قابىلداۋ ۋاقىتىن ەسكەرە وتىرىپ);
- شەشىم قابىلداۋ جانە ونى كەلىسۋ رەسىمدەرىندە ۋاقىتتىڭ قىسقارۋى قۇجاتتاردى قولمەن تاپسىرۋعا كەتكەن ۋاقىت كەزەڭىن الىپ تاستاۋ ارقىلى ايقىندالادى;
- قاراۋ جانە شەشىم قابىلداۋ كەزەڭىن ەسەپتەۋ كەزىندە تىركەلەتىن قۇجاتتاردىڭ كولەمى مەن سانى, وتىنىشتەر بويىنشا كورسەتىلەتىن قىزمەتتى بەرۋشى قىزمەتكەرىنىڭ, ولاردى قاراۋعا جانە شەشىم قابىلداۋعا جاۋاپتى ادامنىڭ كۇندەلىكتى جۇكتەمەسى, سونداي-اق شەشىم قابىلداۋ پروتسەسىمەن بىرگە جۇرەتىن راسىمدەردىڭ ۇزاقتىعى ەسەپكە الىنادى, مىسالى, كوميسسيانى, جينالىستى, كەڭەستى شاقىرۋ;
- ەۇپ نەمەسە ەلپ اياسىندا مەملەكەتتىك كورسەتىلەتىن قىزمەتتىڭ ناتيجەسىن (نەمەسە باسقا ناتيجەنى) بەرۋ كورسەتىلەتىن قىزمەتتى بەرۋشىنىڭ ۋاكىلەتتى ادامى ءوزىنىڭ ەلەكتروندىق تسيفرلىق قولتاڭباسىمەن مەملەكەتتىك كورسەتىلەتىن قىزمەتتىڭ ناتيجەسى بويىنشا شەشىمدى راستاعان كەزەڭنەن باستاپ جەدەل بولىپ سانالادى.
5. 1-قوسىمشا. «قازىرگى تاڭدا» جانە «قالاي بولادى» قىزمەت كورسەتۋ پروتسەستەرىنىڭ كىرىس قۇجاتتارىنىڭ نىساندارى.
قوسىمشادا كىرىس قۇجاتتارىنىڭ مەملەكەتتىك جانە ورىس تىلدەرىندەگى نىساندارى (ۇلگىلەرى) كورسەتىلەدى.
6. 2-قوسىمشا. «قازىرگى تاڭدا» جانە «قالاي بولادى» قىزمەت كورسەتۋ پروتسەستەرىنىڭ شىعىس قۇجاتتارىنىڭ نىساندارى.
قوسىمشادا «قازىرگى تاڭدا» شىعىس قۇجاتتارىنىڭ مەملەكەتتىك جانە ورىس تىلدەرىندەگى نىساندارى (ۇلگىلەرى) كورسەتىلەدى. سونداي-اق, وڭتايلاندىرۋ جانە اۆتوماتتاندىرۋ ناتيجەسىندە مەملەكەتتىك جانە ورىس تىلدەرىندەگى «قالاي بولادى» شىعىس قۇجاتتارىنىڭ نىسانى كورسەتىلەدى.
7. 3-قوسىمشا. كورسەتىلەتىن قىزمەتتى بەرۋشىنىڭ, ونىڭ قىزمەتتى كورسەتەتىن اۋماقتىق بولىمشەلەرىنىڭ بايلانىس دەرەكتەرى.
قوسىمشادا كورسەتىلەتىن قىزمەتتى بەرۋشىنىڭ, ونىڭ مەملەكەتتىك قىزمەتتى كورسەتەتىن اۋماقتىق بولىمشەلەرىنىڭ بايلانىس مالىمەتتەرى كەستە تۇرىندە كورسەتىلەدى.
ر/س № كورسەتىلەتىن قىزمەتتى بەرۋشىنىڭ جانە ونىڭ اۋماقتىق بولىمشەلەرىنىڭ اتاۋى كورسەتىلەتىن قىزمەتتى بەرۋشىنىڭ جانە ونىڭ اۋماقتىق بولىمشەلەرىنىڭ تولىق زاڭدى مەكەنجايى جۇمىس كەستەسى بايلانىس تەلەفونى, ەلەكتروندىق پوشتا مەكەنجايى
1 2 3 4 5
8. 4-قوسىمشا. قىزمەت كورسەتۋ پروتسەسىنە قاتىساتىن مۇددەلى مەملەكەتتىك ورگانداردىڭ, ولاردىڭ اۋماقتىق بولىمشەلەرىنىڭ بايلانىس دەرەكتەرى.
قوسىمشادا قىزمەت كورسەتۋ پروتسەسىنە قاتىساتىن مۇددەلى مەملەكەتتىك ورگاننىڭ, ونىڭ اۋماقتىق بولىمشەلەرىنىڭ بايلانىس دەرەكتەرى كەستە تۇرىندە كورسەتىلەدى.
ر/س № مەملەكەتتىك ورگاننىڭ, ونىڭ اۋماقتىق بولىمشەلەرىنىڭ اتاۋى مەملەكەتتىك ورگاننىڭ جانە ونىڭ اۋماقتىق بولىمشەلەرىنىڭ تولىق زاڭدى مەكەنجايى جۇمىس كەستەسى بايلانىس تەلەفونى, ەلەكتروندىق پوشتا مەكەنجايى
1 2 3 4 5
9. 5-قوسىمشا. ەۇپ-كە نەمەسە ەلپ-كە قوسىلۋ نۇكتەلەرى بويىنشا جيناق.
ر/س
№ كورسەتىلەتىن قىزمەتتى بەرۋشىنىڭ, ونىڭ اۋماقتىق بولىمشەسىنىڭ اتاۋى مو بتو-عا قوسىلۋ نۇكتەلەرىنىڭ سانى ەلپ, ەۇپ-تاعى اۆتوماتتاندىرىلعان جۇمىس ورىندارىنىڭ سانى
بار قاجەت بار قاجەت
1 2 3 4 5 6
مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ قاعيدالارىنا 2-قوسىمشا
ءىس-شارالار جوسپارىنىڭ قۇرامى
مەملەكەتتىك كورسەتىلەتىن قىزمەتتى وڭتايلاندىرۋ جانە اۆتوماتتاندىرۋ جونىندەگى ءىس-شارالار جوسپارلارى مىناداي بولىمدەردى قامتيدى:
1. ۇيىمدىق ءىس-شارالار;
2. مەملەكەتتىك كورسەتىلەتىن قىزمەتتى وڭتايلاندىرۋ جانە اۆتوماتتاندىرۋ جونىندەگى باسقا دا ءىس-شارالاردىڭ مىنالاردى:
1) مەملەكەتتىك قىزمەتتى كورسەتۋ پروتسەسىنە قاتىساتىن اقپاراتتىق جۇيەلەردى جاڭعىرتۋدى (مەملەكەتتىك قىزمەتتى كورسەتۋ پروتسەسىن اۆتوماتتاندىرعان جاعدايدا);
2) مەملەكەتتىك قىزمەتتى كورسەتۋ پروتسەسىنە قاتىساتىن اقپاراتتىق جۇيەلەردى (مەملەكەتتىك قىزمەتتى كورسەتۋ پروتسەسىن اۆتوماتتاندىرعان جاعدايدا) ءوزارا جانە «ەلەكتروندىق ۇكىمەتتىڭ» ۆەب-پورتالىمەن نەمەسە «ەلەكتروندىق ليتسەنزيالاۋ» ۆەب-پورتالىمەن جانە (نەمەسە) حالىققا قىزمەت كورسەتۋ ورتالىقتارىنىڭ ينتەگراتسيالانعان اقپاراتتىق جۇيەسىمەن ينتەگراتسيالاۋدى قوسا العانداعى مەرزىمدەرى مەن ورىندالۋ ءتارتىبى.
3. مەملەكەتتىك قىزمەتتى كورسەتۋدىڭ وڭتايلاندىرىلعان پروتسەسىن ەنگىزۋ جانە تاجىريبەلىك پايدالانۋدى جۇرگىزۋ;
4. نورماتيۆتىك قۇقىقتىق قامتاماسىز ەتۋ;
5. ازاماتتاردىڭ مەملەكەتتىك قىزمەتتى كورسەتۋدىڭ وڭتايلاندىرىلعان جانە اۆتوماتتاندىرىلعان ءتارتىبى تۋرالى حاباردار بولۋىن ارتتىرۋ;
6. قىسقارتۋلار مەن بەلگىلەنۋلەر.
ءىس-شارالار جوسپارلارى ناقتى, تۇسىنىكتى مازمۇندالادى جانە ولاردا جاۋاپتى تۇلعالار مەن اياقتالۋ مەرزىمدەرىن كورسەتە وتىرىپ, مەملەكەتتىك كورسەتىلەتىن قىزمەتتەردى وڭتايلاندىرۋ جانە اۆتوماتتاندىرۋ جونىندەگى بارلىق قاجەتتى ءىس-شارالار كوزدەلەدى.
ءىس-شارالار جوسپارى ۋاكىلەتتى ورگانعا ىلەسپە حاتپەن بىرگە جىبەرىلەدى, وندا مىنالار كورسەتىلەدى:
1) اقپاراتتىق جۇيەلەردىڭ ەلەكتروندىق اقپاراتتىق رەسۋرستارىنا الماستىرۋعا, قاعاز نىسانىنان ەلەكتروندىق نىسانعا اۋىستىرۋعا (قاعاز قۇجاتتارىنىڭ سكانەرلەنگەن كوشىرمەلەرى) نەمەسە مالىمەتتەر نىسانىنا الماستىرۋعا جاتاتىن مەملەكەتتىك كورسەتىلەتىن قىزمەتتى الۋ ءۇشىن ءوتىنىش بەرۋشىلەردەن تالاپ ەتىلەتىن قاعاز قۇجاتتارىنىڭ ءتۇرى مەن سانى;
2) مەملەكەتتىك قىزمەتتى كورسەتۋدىڭ قىسقارتىلعان مەرزىمى;
3) اۆتوماتتاندىرىلعان جاعدايدا مەملەكەتتىك قىزمەتتى كورسەتۋ ءۇشىن ينتەگراتسيالانۋعا جاتاتىن مەملەكەتتىك ورگاندار مەن ۇيىمداردىڭ اقپاراتتىق جۇيەلەرىنىڭ تىزبەسى;
4) مەملەكەتتىك قىزمەتتى كورسەتۋ كەزىندە اقپارات الماسۋ ءۇشىن قاجەتتى دەرەكتەر تىزبەسى مەن قۇرامى;
5) مەملەكەتتىك قىزمەتتى كورسەتۋ ءتارتىبىن وڭتايلاندىرۋ كەزىندە الىنىپ تاستالاتىن اكىمشىلىك رەسىمدەر مەن مەملەكەتتىك ورگانداردىڭ بولىمشەلەرى;
6) مەملەكەتتىك كورسەتىلەتىن قىزمەتكە قول جەتكىزۋ نۇكتەلەرى (كورسەتۋ ورىندارى);
7) مەملەكەتتىك قىزمەتتى كورسەتۋ پروتسەسىن اۆتوماتتاندىرۋعا بايلانىستى ازىرلەنۋى نەمەسە وزگەرىستەر مەن تولىقتىرۋلار ەنگىزىلۋى قاجەت نورماتيۆتىك قۇقىقتىق اكتىلەردىڭ تىزبەسى.
