قازاقستان رەسپۋبليكاسىنىڭ ۇكىمەتى قاۋلى ەتەدى:
1. «ازاماتتاردى دارىلىك زاتتارمەن قامتاماسىز ەتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 15 جەلتوقسانداعى №2135 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., №59, 582-قۇجات) مىناداي وزگەرىس ەنگىزىلسىن:
7-تارماق مىناداي رەداكتسيادا جازىلسىن:
«7. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ فورمۋليارلىق كوميسسياسى (بۇدان ءارى – فورمۋليارلىق كوميسسيا) قازاقستان رەسپۋبليكاسى دەنساۋلىق ساقتاۋ مينيسترلىگىنىڭ كونسۋلتاتسيالىق-كەڭەسشى جانە ساراپشى ورگانى بولىپ تابىلادى. فورمۋليارلىق كوميسسيا قىزمەتىنىڭ ەرەجەسى مەن ءتارتىبىن دەنساۋلىق ساقتاۋ سالاسىنداعى ۋاكىلەتتى ورگان بەكىتەدى.
دارىلىك فورمۋلياردى قالىپتاستىرۋدى جانە مەديتسينالىق ۇيىمنىڭ دارىلىك زاتتارعا قاجەتتىلىگىن انىقتاۋدى ۇيىمنىڭ فورمۋليارلىق كوميسسياسى مەديتسينالىق ۇيىمنىڭ بيۋدجەتتىك باعدارلاماسىنىڭ اكىمشىسى كوزدەگەن بيۋدجەت قاراجاتى شەگىندە جۇزەگە اسىرادى جانە ۇيىمىنىڭ باسشىسى بەكىتەدى.».
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
