2013 جىلعى 2 تامىز, استانا, ۇكىمەت ءۇيى
«قازاقستان رەسپۋبليكاسىنىڭ مەملەكەتتىك قورعانىستىق تاپسىرىسىن قالىپتاستىرۋ, ورنالاستىرۋ جانە ورىنداۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 29 جەلتوقسانداعى № 2219 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «قازاقستان رەسپۋبليكاسىنىڭ مەملەكەتتىك قورعانىستىق تاپسىرىسىن قالىپتاستىرۋ, ورنالاستىرۋ جانە ورىنداۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 29 جەلتوقسانداعى № 2219 قاۋلىسىنا (قازاقستان رەسپۋبليكاسىنىڭ ءپۇاج-ى, 2010 ج., № 3, 21-قۇجات) مىناداي وزگەرىستەر ەنگىزىلسىن:
كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ مەملەكەتتىك قورعانىستىق تاپسىرىسىن قالىپتاستىرۋ, ورنالاستىرۋ جانە ورىنداۋ ەرەجەسىندە:
3-تارماقتىڭ توعىزىنشى ابزاتسى مىناداي رەداكتسيادا جازىلسىن:
«وتىنىمدەر ءۇش جىلدىق كەزەڭگە ارنالعان رەسپۋبليكالىق بيۋدجەتتە كوزدەلگەن باعدارلامالار, كىشى باعدارلامالار بولىنىسىندە ۇسىنىلادى.»;
4-تارماقتىڭ ءبىرىنشى بولىگى مىناداي رەداكتسيادا جازىلسىن:
«4. ۋاكىلەتتى ورگان قورعانىستىق تاپسىرىستىڭ جوباسىن مەملەكەتتىك تاپسىرىس بەرۋشىلەردىڭ وتىنىمدەرى بويىنشا ەلدىڭ قورعانىسى مەن قاۋىپسىزدىگىن قامتاماسىز ەتۋ سالاسىنداعى قازاقستان رەسپۋبليكاسىنىڭ مەملەكەتتىك جوسپارلاۋ جۇيەسى قۇجاتتارىنىڭ نەگىزىندە, سونداي-اق قازاقستان رەسپۋبليكاسىنىڭ حالىقارالىق شارتتارى مەن مىندەتتەمەلەرىن ەسكەرە وتىرىپ, ءتيىستى جوسپارلى كەزەڭگە ارنالعان رەسپۋبليكالىق بيۋدجەتتى قالىپتاستىرۋ كەزىندە وسى ماقساتتارعا بەلگىلەنگەن شىعىستار شەگىندە ازىرلەيدى جانە قالىپتاستىرادى.»;
5, 6-تارماقتار مىناداي رەداكتسيادا جازىلسىن:
«5. قورعانىستىق تاپسىرىستى ورىنداۋشىلاردى ايقىنداۋ ماقساتىندا تاپسىرىس بەرۋشى ءۇش جىلدىق كەزەڭگە ارنالعان رەسپۋبليكالىق بيۋدجەتتى بەكىتكەن كۇنىنەن باستاپ كۇنتىزبەلىك ون كۇننەن كەشىكتىرمەي وتاندىق تاۋار وندىرۋشىلەردىڭ, اسكەري جانە قوسارلانعان ماقساتتاعى جۇمىستاردى, كورسەتىلەتىن قىزمەتتەردى وتاندىق جەتكىزۋشىلەردىڭ جانە ۋاكىلەتتى ۇيىمنىڭ مەكەنجايىنا قورعانىستىق تاپسىرىس ءونىمىن ساتىپ الۋ نيەتى تۋرالى سۇراۋ سالۋدى جولدايدى. مۇنداي سۇراۋ سالۋ مىناداي مالىمەتتەردى:
1) ساتىپ الىناتىن تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ اتاۋىن جانە تاكتيكالىق-تەحنيكالىق سيپاتتامالارىن (تەحنيكالىق ەرەكشەلىكتى);
2) تاۋارلار (ونىمدەر) سانىن, ورىندالاتىن جۇمىستاردىڭ, كورسەتىلەتىن قىزمەتتەردىڭ كولەمدەرىن;
3) تاۋارلاردى ء(ونىمدى) جەتكىزۋ, جۇمىستاردى, كورسەتىلەتىن قىزمەتتەردى ورىنداۋ ورنىن جانە تالاپ ەتىلەتىن مەرزىمدەردى;
4) جەتكىزىلەتىن تاۋارلارعا (ونىمگە), ورىندالاتىن جۇمىستارعا, كورسەتىلەتىن قىزمەتتەرگە كەپىلدەمە مەرزىمىن;
5) قۇنى تاۋارلاردىڭ (ونىمدەردىڭ), جۇمىستاردىڭ, كورسەتىلەتىن قىزمەتتەردىڭ قۇنىنا قوسىلۋعا ءتيىس ىلەسپە قىزمەتتەر تىزبەسىن;
6) تولەم شارتىن, ونىڭ ىشىندە اۆانستىق تولەم مولشەرىن;
7 الەۋەتتى ورىنداۋشىلاردىڭ سۇراۋ سالۋعا جاۋاپ بەرۋ مەرزىمىن;
8) اسكەري جانە ارنايى كيىم نىسانىن, ايىرىم بەلگىلەرىن جانە جەكە قورعانۋ قۇرالدارىن ساتىپ الۋ كەزىندە تاجىريبەلىك ۇلگىلەردى ۇسىنۋ قاجەتتىلىگى تۋرالى تالاپتى;
9) باعالىق (كوممەرتسيالىق) ۇسىنىستاردى قامتيدى.
الەۋەتتى ورىنداۋشىلاردىڭ جاۋاپ بەرۋ مەرزىمى تاپسىرىس بەرۋشىنىڭ سۇراۋ سالۋى كەلىپ تۇسكەن ساتتەن باستاپ كۇنتىزبەلىك ون كۇندى قۇرايدى.
6. وتاندىق تاۋار وندىرۋشىلەر, اسكەري جانە قوسارلانعان ماقساتتاعى جۇمىستاردى جانە كورسەتىلەتىن قىزمەتتەردى وتاندىق جەتكىزۋشىلەر قاتارىنان ورىنداۋشىلاردى تاڭداۋدى تاپسىرىس بەرۋشى مىناداي ولشەمدەر بويىنشا جۇزەگە اسىرادى:
1) الەۋەتتى ورىنداۋشىلار ۇسىناتىن قورعانىستىق تاپسىرىس ءونىمى تەحنيكالىق سيپاتتامالارى مەملەكەتتىك تاپسىرىس بەرۋشى سۇراۋ سالۋىنىڭ تالاپتارىنا سايكەس كەلەدى;
2) تاۋارلاردى (ونىمدەردى), جۇمىستار مەن كورسەتىلەتىن قىزمەتتەردى ءوندىرۋ ءۇشىن قاجەتتى, تاپسىرىس بەرۋشى ايقىنداعان كولەمدە قورعانىستىق تاپسىرىس ءمانى بولىپ تابىلاتىن قىزمەتتىڭ ءتيىستى ءتۇرىن جۇزەگە اسىرۋعا ليتسەنزيانىڭ, وندىرىستىك ءۇي-جايلاردىڭ, تەحنولوگيالىق جابدىقتاردىڭ جانە بىلىكتى مامانداردىڭ بولۋى;
3) تاۋارلاردى (ونىمدەردى), ءجۇمىستار مەن كورسەتىلەتىن قىزمەتتەردى ءوندىرۋ ءۇشىن قاجەتتى, تاپسىرىس بەرۋشى ايقىنداعان كولەمدە قورعانىستىق تاپسىرىس ءمانى بولىپ تابىلاتىن اسكەري جانە ارنايى كيىم نىسانىن, ايىرىم بەلگىلەرىن جانە جەكە قورعانۋ قۇرالدارىن شىعارۋ سالاسىندا مامانداندىرىلعان ورىنداۋشىلار ءۇشىن وندىرىستىك (قويمالىق) ءۇي-جايلاردىڭ جانە مەنشىك قۇقىعىنداعى تەحنولوگيالىق جابدىقتاردىڭ بولۋى.
عىلىمي-زەرتتەۋ جانە تاجىريبەلىك-كونسترۋكتورلىق جۇمىستار سالاسىندا مامانداندىرىلعان ورىنداۋشىلاردا ارنايى ەكونوميكالىق ايماقتا ورنالاسقان وندىرىستىك (قويمالىق) ءۇي-جايلاردىڭ جانە مەنشىك قۇقىعىنداعى تەحنولوگيالىق جابدىقتاردىڭ بولۋى دا مىندەتتى ەمەس.
ەگەر ەكى جانە ودان دا استام الەۋەتتى ورىنداۋشىلاردا بەرىلگەن ۇسىنىستار تاپسىرىس بەرۋشىنىڭ تالاپتارىنا سايكەس كەلگەن جاعدايدا, ەڭ تومەن باعا ۇسىنعاندار ورىنداۋشىلار بولىپ ايقىندالادى.
الەۋەتتى ورىنداۋشىلار تاپسىرىس بەرۋشىنىڭ سۇراۋ سالۋىندا كورسەتىلگەننەن جاقسى تاكتيكالىق-تەحنيكالىق (تەحنيكالىق) سيپاتتامالارى بار قورعانىستىق تاپسىرىس ءونىمىن ۇسىنۋى مۇمكىن.
سونداي-اق, قازاقستان رەسپۋبليكاسىنىڭ يندۋستريالىق-يننوۆاتسيالىق دامۋى شەڭبەرىندە ينۆەستيتسيالىق جوبالاردى ورىندايتىن, وندىرىستىك قۋاتتى جاڭعىرتۋدى جانە جاراقتاندىرۋدى, جاڭا وندىرىستەردى, تسەحتاردى سالۋدى, مامانداردى وقىتۋدى جۇزەگە اسىراتىن, تەحنولوگيالار ترانسفەرتى جونىندەگى وفسەتتىك ساياساتتى قولداناتىن جانە شەتەلدىك وندىرۋشىلەرمەن ءوندىرىستىڭ جاڭا باعىتتارىن, پەرسپەكتيۆالى تاۋارلاردى (ونىمدەردى), جۇمىستاردى جانە اسكەري جانە قوسارلانعان ماقساتتاعى (قولدانىستاعى) كورسەتىلەتىن قىزمەتتەردى يگەرۋدى بولجايتىن كووپەراتسيالاردى قۇراتىن وتاندىق تاۋار وندىرۋشىلەر, حالىقارالىق شارتتاردا كوزدەلگەن قورعانىستىق تاپسىرىس ءونىمىن ساتىپ الۋ بويىنشا جۇمىستاردى, اسكەري جانە قوسارلانعان ماقساتتاعى كورسەتىلەتىن قىزمەتتەردى وتاندىق جەتكىزۋشىلەر قورعانىستىق تاپسىرىستى باسىم تارتىپپەن ورىنداۋشىلار بولىپ تانىلادى.».
7-تارماقتىڭ ءبىرىنشى بولىگى مىناداي رەداكتسيادا جازىلسىن:
«7. وتاندىق تاۋار وندىرۋشىلەر جانە تاۋارلاردى (ونىمدەردى), جۇمىستاردى, كورسەتىلەتىن قىزمەتتەردى وتاندىق جەتكىزۋشىلەر قاتارىنان ورىنداۋشىلاردى ايقىنداۋ مۇمكىن بولماعان جاعدايدا ۋاكىلەتتى ۇيىم ورىنداۋشى بولىپ تانىلادى.»;
11-تارماقتىڭ ەكىنشى بولىگى مىناداي رەداكتسيادا جازىلسىن:
«وتاندىق تاۋار وندىرۋشىلەر, جۇمىستاردى, كورسەتىلەتىن قىزمەتتەردى وتاندىق جەتكىزۋشىلەر قاتارىنان ورىنداۋشىلار تاپسىرىس بەرۋشىگە قورعانىستىق تاپسىرىس ونىمىنە شىعىنداردىڭ نەگىزدەمەسىن ۇسىنادى.».
2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
