قوعام • 24 قىركۇيەك، 2020

اسقار مامين شاردارادا ەلىمىزدىڭ بالىق سالاسىن دامىتۋ جونىندە سەمينار كەڭەس وتكىزدى

52 رەت كورسەتىلدى

تۇركىستان وبلىسىنا جۇمىس ساپارى اياسىندا پرەمەر-مينيستر اسقار مامين قازاقستان رەسپۋبليكاسىنىڭ بالىق سالاسىن دامىتۋ جونىندە سەمينار كەڭەس وتكىزدى، دەپ حابارلايدى Egemen.kz.

ەلىمىزدىڭ بالىق شارۋاشىلىعىنىڭ قازىرگى احۋالى مەن دامۋ پەرسپەكتيۆاسى تۋرالى ەكولوگيا، گەولوگيا جانە تابيعي رەسۋرستار ءمينيسترى م. مىرزاعاليەۆ، «بالىق شارۋاشىلىعى عىلىمي-وندىرىستىك ورتالىعى» جشس باسقارما توراعاسى ق. يسبەكوۆ، بالىق ءوسىرۋ شارۋاشىلىقتارىنىڭ باسشىلارى: «KingFish» – م. ءتۇرسىنالى، «قىزىلوردا بالىق» – ا. ەرحاتوۆ، «حاميت» – ب. سەرمانيزوۆ، «شىعىس ۋنيۆەرسال» – ۆ. اسانوۆ، «قازاگرو» ۇبح» اق باسقارما توراعاسى ە. قاراشوكەەۆ، شىعىس قازاقستان وبلىسىنىڭ اكىمى د. احمەتوۆ، الماتى وبلىسىنىڭ اكىمى ا. باتالوۆ، قىزىلوردا وبلىسىنىڭ اكىمى گ. ابدىقالىقوۆا، جامبىل وبلىسىنىڭ اكىمى ب. ساپارباەۆ، اقتوبە وبلىسىنىڭ اكىمى و. ورازالين، قاراعاندى وبلىسىنىڭ اكىمى ج. قاسىمبەك باياندادى.

بالىق سالاسى — اۋىل شارۋاشىلىعىنىڭ قارقىندى دامىپ كەلە جاتقان سەكتورلارىنىڭ ءبىرى. 5 جىل ىشىندە وتاندىق بالىق ءوندىرىسى 2016 جىلعى 1800 توننادان بيىل جوسپارلانعان 10 مىڭ تونناعا دەيىن 5 ەسەدەن استام ءوستى. تەك سوڭعى 8 ايدا اۋلانعان جانە وندىرىلگەن بالىق كولەمى 19%-دان استامعا 26،3 مىڭنان 31،3 مىڭ تونناعا دەيىن ۇلعايدى. بالىق ءوندىرىسىنىڭ كولەمى 27%-عا 7،9 مىڭ تونناعا دەيىن، بالىق اۋلاۋ 16،4%-عا 23،4 مىڭ تونناعا دەيىن ءوستى. ىشكى نارىققا بالىق ونىمدەرىن جەتكىزۋ كولەمى 8،7 مىڭنان 10،5 مىڭ تونناعا دەيىن (+20%) ارتتى. بالىقتىڭ بارلىق كولەمىنىڭ شامامەن 60%-ى (20،8 مىڭ توننا) ەكسپورتتالادى.

اتالعان سالادا 12 مىڭنان استام ادام جۇمىس ىستەيدى. بالىق اۋلاۋ جانە بالىق ءوسىرۋ سەكتورىنداعى ينۆەستيتسيالىق جوبالاردىڭ رەنتابەلدىلىگى 20%-دان اسادى. وسىرىلەتىن بالىقتىڭ نەگىزگى كولەمى — شامامەن 70%-ى تۇركىستان وبلىسىنا تيەسىلى. بالىق ونىمدەرى ءوندىرىسىن ىنتالاندىرۋ ءۇشىن بالىق ءوسىرۋ شارۋاشىلىقتارىنا ينۆەستيتسيالىق سالىمدار كەزىندە شىعىستاردىڭ ءبىر بولىگىن وتەۋ (25%)، بالىق ازىعىنا جۇمسالعان شىعىنداردىڭ قۇنىن وتەۋ (30%) جانە باسقا دا شارالار ەنگىزىلدى.

جىل سوڭىنا دەيىن سالىق، سۋ، جەر كودەكستەرىنە، بىرقاتار ساباقتاس زاڭدارعا تۇزەتۋلەر توپتاماسى قابىلدانادى، ولار بالىق ءوسىرۋ كەزىندە تابيعي ارتىقشىلىقتاردى ءتيىمدى پايدالانۋعا، بالىق ءوسىرۋ شارۋاشىلىقتارىن سالۋ كەزىندەگى شىعىنداردى ازايتۋعا جانە وسىرىلگەن بالىقتىڭ وزىندىك قۇنىن تومەندەتۋگە جول اشادى. ۇكىمەت باسشىسىنىڭ تاپسىرماسىنا سايكەس، 2020 جىلعى 1 قاراشاعا دەيىن ءاربىر وبلىس ناقتى ينديكاتورلارىمەن بالىق شارۋاشىلىعىن دامىتۋدىڭ وڭىرلىك باعدارلامالارىن ازىرلەيدى.

«ازىرلەنىپ جاتقان بالىق سالاسىن دامىتۋ تۇجىرىمداماسىنا سايكەس قازاقستاندا ءوندىرىس الەۋەتى جىلىنا 600 مىڭ توننانى قۇرايدى. ءبىزدىڭ باعالاۋىمىز بويىنشا، ەكسپورتتىڭ الەۋەتتى كولەمى جىل سايىن 300 مىڭ توننادان اسادى. ءبىز وسى مۇمكىندىكتەردى جەتكىلىكتى ىسكە اسىرۋ ءۇشىن بارلىق قاجەتتى شارالاردى قابىلداۋعا ءتيىسپىز»، — دەدى ا. مامين.

ۇكىمەت باسشىسى ۇلتتىق ەكونوميكا مينيسترلىگىنە ەكولوگيا، گەولوگيا جانە تابيعي رەسۋرستار، اۋىل شارۋاشىلىعى، قارجى مينيسترلىكتەرىمەن بىرلەسىپ بالىق شارۋاشىلىعىنداعى كووپەراتسيانى ىنتالاندىرۋ شارالارىن قاراستىرۋدى تاپسىردى.  اكىمدىكتەرگە قالالار مەن باسقا دا ەلدى مەكەندەردە بالىق جانە بالىق ونىمدەرىن ساتاتىن ساۋدا پاۆيلوندارىن قويۋ ماسەلەسىن پىسىقتاۋ تاپسىرىلدى.   

ا. مامين جۇمىس ساپارى اياسىندا «حاميت» جانە «Vita» بالىق ءوسىرۋ شارۋاشىلىقتارىنا بارىپ، قازاقستاننىڭ بالىق شارۋاشىلىعى ونىمدەرىنىڭ كورمەسىن ارالادى، سونداي-اق شاردارا سۋ قويماسى بوگەتىنىڭ كۇردەلى جوندەلۋىمەن جانە شاردارا گەس-ءىنىڭ جاڭعىرتىلۋىمەن تانىستى.   

ماقتاارال اۋدانىندا ۇكىمەت باسشىسى تۇرعىندارمەن كەزدەسىپ، ورگەباس جانە فيردوۋسي اۋىلدارىنداعى قيراعان ۇيلەردى قالپىنا كەلتىرۋ جۇمىستارىنىڭ بارىسىمەن، سونداي-اق مىرزاكەنت كەنتىندە سۋ تاسقىنى سالدارىنان زارداپ شەككەن جەڭىس، جاڭاتۇرمىس جانە دوستىق ەلدى مەكەندەرىنىڭ 500 وتباسىنا ارنالعان جاڭا شاعىن اۋداننىڭ سالىنۋىمەن تانىستى.   

سوڭعى جاڭالىقتار

ۇقساس جاڭالىقتار