"قالاداعى جىلىجايلار مەن ازىق-ت ۇلىك بازارىن كوبەيتەمىز. بۇگىنگى وتكەن ينۆەستكەڭەس جىلىجاي كەشەنى مەن ەكى بازاردىڭ قۇرىلىسىن قولدادى. اتقارىلىپ جاتقان بۇل جۇمىستار ازىق-ت ۇلىك قاۋىپسىزدىگىن قامتاماسىز ەتىپ, الەۋمەتتىك ماڭىزى بار ازىق-ت ۇلىكتىڭ باعاسىن ۇستاپ تۇرۋعا مۇمكىندىك بەرەدى.
سونىمەن قاتار اتالعان كەڭەستە تەمىربەتوندى بۇيىمدار, گيپەرپرەسستەلگەن كىرپىش وندىرەتىن زاۋىت قۇرىلىسىنا ارالانعان اعاش ونىمدەرى مەن جارىقديودتى جارىقشامدار وندىرىسىنە قولداۋ ءبىلدىردى. بۇل ماتەريالداردىڭ بارلىعى دا قۇرىلىستا قولدانىلادى. قۇرىلىس قارقىنىن ەسكەرسەك, وتاندىق ءوندىرىس ماتەريالدارى سالىنىپ جاتقان وبەكتىلەردىڭ وزىندىك قۇنىن تومەندەتۋگە كومەگىن تيگىزەدى.
سونداي-اق, بىرقاتار مەديتسينا مەكەمەلەرى مەن مەديتسينالىق ماسكا شىعاراتىن ءوندىرىستىڭ قۇرىلىسىن قولدادى. ءاربىر جەكە جوبا - ەكونوميكاعا جەكە ينۆەستيتسيا تارتۋ عانا ەمەس, وعان قوسا جاڭا جۇمىس ورنى اشىلادى دەگەن ءسوز. مەملەكەت باسشىسىنىڭ تاپسىرماسىمەن ينۆەستورلاردىڭ جۇمىس ىستەۋىنە جايلى جاعداي جاسايمىز", دەپ جازدى التاي كولگىنوۆ.
