2013 جىلعى 15 تامىز, استانا قالاسى
قازاقستان رەسپۋبليكاسىنىڭ توتەنشە جاعدايلار مينيسترلىگى جۇزەگە اسىراتىن مىندەتتەردى ورىنداۋ ءۇشىن قاجەتتى جانە جەتكىلىكتى دەربەس دەرەكتەردىڭ تىزبەسىن بەكىتۋ تۋرالى
«دەربەس دەرەكتەر جانە ولاردى قورعاۋ تۋرالى» قازاقستان رەسپۋبليكاسىنىڭ 2013 جىلعى 21 مامىرداعى زاڭىنىڭ 25-بابى 2-تارماعى 1) تارماقشاسىنا سايكەس, بۇيىرامىن:
1. قوسا بەرىلىپ وتىرعان, قازاقستان رەسپۋبليكاسىنىڭ توتەنشە جاعدايلار مينيسترلىگى جۇزەگە اسىراتىن مىندەتتەردى ورىنداۋ ءۇشىن قاجەتتى جانە جەتكىلىكتى دەربەس دەرەكتەردىڭ تىزبەسى بەكىتىلسىن.
2. كادرلىق قامتاماسىز ەتۋ دەپارتامەنتى (ە.ب. قۇلتاەۆ) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە بەلگىلەنگەن تارتىپپەن مەملەكەتتىك تىركەلۋىن جانە مەرزىمدىك باسپا باسىلىمدارىندا جاريالانۋىن قامتاماسىز ەتسىن.
3. كوميتەت توراعالارى, مينيسترلىكتىڭ ورتالىق اپپاراتى قۇرىلىمدىق بولىمشەلەرىنىڭ, وبلىستار, استانا جانە الماتى قالالارى دەپارتامەنتتەرىنىڭ جانە مينيسترلىكتىڭ ۆەدومستۆولىق باعىنىستى ۇيىمدارىنىڭ باسشىلارى قازاقستان رەسپۋبليكاسىنىڭ زاڭناماسىنا سايكەس دەربەس دەرەكتەردى قورعاۋ بويىنشا قاجەتتى شارالار قولدانۋدى قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى توتەنشە جاعدايلار مينيسترلىگى اپپاراتىنىڭ باسشىسى س.ق. وقاسوۆقا جۇكتەلسىن.
5. وسى بۇيرىق 2013 جىلعى 25 قاراشادان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
مينيستر ۆ. بوجكو.
قازاقستان رەسپۋبليكاسى توتەنشە جاعدايلار ءمينيسترىنىڭ
2013 جىلعى 15 تامىزداعى № 360 بۇيرىعىمەن بەكىتىلگەن
قازاقستان رەسپۋبليكاسى توتەنشە جاعدايلار مينيسترلىگى جۇزەگە اسىراتىن مىندەتتەردى ورىنداۋعا قاجەتتى جانە جەتكىلىكتى دەربەس دەرەكتەر تىزبەسى
1. تەگى, اتى, اكەسىنىڭ اتى (بولعان جاعدايدا).
2. تەگىن, اتىن, اكەسىنىڭ اتىن اۋىستىرعاندىعى تۋرالى مالىمەتتەر.
3. قولى.
4. تۋعان كۇنى, ايى, جىلى.
5. تۋعان جەرى.
6. ۇلتىنا قاتىستى مالىمەتتەر.
7. جەكە باسىن كۋالاندىراتىن قۇجات دەرەكتەرى: قۇجاتتىڭ اتاۋى, قۇجاتتىڭ ءنومىرى, قۇجاتتىڭ بەرىلگەن كۇنى, قۇجاتتىڭ قولدانىلۋ مەرزىمى, قۇجات بەرگەن ورگان.
8. ازاماتتىعى (بۇرىنعى ازاماتتىعى), قازاقستان رەسپۋبليكاسىنىڭ ازاماتتىعىن العان كۇنى, قازاقستان رەسپۋبليكاسىنىڭ ازاماتتىعىنان ايىرىلعان كۇنى.
9. تۇرعىلىقتى مەكەنجايى, تۇرعىلىقتى جەرى نەمەسە مەكەندەگەن جەرى بويىنشا تىركەلگەن كۇنى.
10. ەلەكتروندىق پوشتا مەكەنجايى.
11. بايلانىس تەلەفوندارىنىڭ ءنومىرى.
12. مىنەزدەمە.
13. جەكە سايكەستەندىرۋ ءنومىرى.
14. ەڭبەك كىتاپشاسىنىڭ ءنومىرى, سەرياسى جانە بەرىلگەن كۇنى, ونداعى جازبالار تۋرالى مالىمەتتەر.
15. قىزمەتتىك كەلىسىمشارتتىڭ, ازاماتتىق-قۇقىقتىق شارتتىڭ مازمۇنى جانە دەرەكتەمەلەرى.
16. مۇلكى (م ۇلىك جاعدايى) تۋرالى مالىمەتتەر: اۆتوكولىك (ماركاسى, تىركەلگەن ورنى), ورنالاسقان مەكەنجايى.
17. بانك شوتتارىنىڭ بولۋى, نومىرلەرى تۋرالى مالىمەتتەر.
18. جەكە قۇرام بويىنشا وكىمدەردىڭ جانە ولاردىڭ ماتەريالدارىنىڭ تۇپنۇسقالارى مەن كوشىرمەلەرىندە كورسەتىلگەن مالىمەتتەر.
19. مەملەكەتتىك جانە ۆەدومستۆولىق ناگرادالار, قۇرمەت جانە ارنايى اتاقتار, كوتەرمەلەۋ (ونىڭ ىشىندە ناگرادانىڭ, اتاقتىڭ نەمەسە كوتەرمەلەۋدىڭ اتاۋى نەمەسە اتى, ماراپاتتاۋ تۋرالى نورماتيۆتىك اكتىنىڭ كۇنى مەن ءتۇرى نەمەسە كوتەرمەلەۋ كۇنى) تۋرالى مالىمەتتەر.
20. اتتەستاتتاۋ ماتەريالدارى.
21. ىشكى قىزمەتتىك تەرگەۋ ماتەريالدارى.
22. دەنساۋلىعىنا قاتىستى مالىمەتتەر, بەلگىلەنگەن نىسانداعى مەديتسينالىق قورىتىندىلار;
23. ۋاقىتشا جۇمىسقا جارامسىزدىعى تۋرالى مالىمەتتەر.
24. الەۋمەتتىك جەڭىلدىكتەر مەن الەۋمەتتىك مارتەبەسى تۋرالى مالىمەتتەر (جەڭىلدىك پەن مارتەبە بەرۋ ءۇشىن نەگىز بولاتىن قۇجاتتىڭ سەرياسى, ءنومىرى, بەرىلگەن كۇنى, قۇجاتتى بەرگەن ورگاننىڭ اتاۋى).
25. قىزمەتى تۋرالى مالىمەتتەر (لاۋازىمىن, قۇرىلىمدىќ بىلىمشەنى, ۇيىم مەن ونىڭ اتاۋىن تولىق كورسەتىپ, اعىمداعى ۋاقىتقا ەڭبەك قىزمەتى تۋرالى دەرەكتەر, جالپى جانە ۇزدىكسىز جۇمىس ءوتىلى, مەكەنجايى مەن تەلەفونى, جانە دە بۇرىنعى جۇمىس ىستەگەن ۇيىمدارداعى جۇمىس ۋاقىتى جانە اتقارعان لاۋازىمى تولىق جازىلعان, باسقا ۇيىمداردىڭ دەرەكتەمەلەرى).
26. ءبىلىمى, بىلىكتىلىگى جانە ارنايى اتاقتارى نەمەسە ارنايى دايىندىعى تۋرالى مالىمەتتەر (ديپلومنىڭ, كۋالىكتىڭ, اتتەستاتتىڭ نەمەسە ءبىلىم بەرۋ مەكەمەسىن بىتىرگەنى تۋرالى باسقا قۇجاتتىڭ سەرياسى, ءنومىرى, بەرىلگەن كۇنى, ونىڭ ىشىندە ءبىلىم بەرۋ مەكەمەسىنىڭ اتاۋى جانە ورنالاسقان جەرى, فاكۋلتەت نەمەسە بولىمشە, ءبىلىم بەرۋ مەكەمەسىن بىتىرگەننەن كەيىنگى بىلىكتىلىگى مەن ماماندىعى, عىلىمي دارەجەسى, عىلىمي اتاعى, شەت تىلدەرىن ءبىلۋى).
27. بىلىكتىلىگىن ارتتىرۋ جانە قايتا دايارلاۋ تۋرالى مالىمەتتەر (بىلىكتىلىگىن ارتتىرۋ جانە قايتا دايارلاۋ تۋرالى قۇجاتتىڭ سەرياسى, ءنومىرى, بەرىلگەن كۇنى, ءبىلىم بەرۋ مەكەمەسىنىڭ اتاۋى جانە ورنالاسقان جەرى, ءبىلىم بەرۋ مەكەمەسىن بىتىرگەننەن كەيىنگى بىلىكتىلىگى مەن ماماندىعى).
28. ەڭبەكاقى تۋرالى مالىمەتتەر (ونىڭ ىشىندە جالاقى, ۇستەمەاقى, سالىق بويىنشا دەرەكتەر).
29. اسكەري مىندەتتى ادامداردى جانە اسكەري قىزمەتكە شاقىرىلاتىن ادامداردى اسكەري ەسەپكە الۋ تۋرالى مالىمەتتەر (اسكەري بيلەتتىڭ سەرياسى, ءنومىرى, بەرىلگەن كۇنى, اسكەري بيلەتتى بەرگەن ورگاننىڭ اتاۋى, اسكەري-ەسەپكە الۋ ماماندىعى, اسكەري اتاعى, ەسەپكە الۋ/ەسەپتەن شىعارۋ تۋرالى دەرەكتەر).
30. وتباسى جاعدايى تۋرالى مالىمەتتەر (نەكەدە بولۋى, نەكەگە تۇرۋ تۋرالى كۋالىكتىڭ دەرەكتەرى, زايىبىنىڭ (جۇبايىنىڭ) تەگى, اتى, اكەسىنىڭ اتى, زايىبىنىڭ (جۇبايىنىڭ) جەكە باسىن كۋالاندىراتىن قۇجاتتىڭ دەرەكتەرى, وتباسىنىڭ باسقا مۇشەلەرىنىڭ, اسىراۋداعى جانداردىڭ تۋىستىق دارەجەسى, تەگى, اتى, اكەسىنىڭ اتى جانە تۋعان كۇندەرى, بالالارىنىڭ بولۋى جانە ولاردىڭ جاسى).
31. سوتتالعاندىعى (سوتتالماعاندىعى) تۋرالى مالىمەتتەر.
32. بيومەترلىك دەربەس دەرەكتەر: سۋبەكتىنىڭ فيزيولوگيالىق جانە بيولوگيالىق ەرەكشەلىكتەرىن, جەكە باسىن انىќتاۋєا نەگىز بولاتىن دەربەس دەرەكتەردى سيپاتتايتىن مالىمەتتەر (جەكە ىسىندەگى, جەكە باسىن كۋالاندىراتىن قۇجات كوشىرمەلەرىندەگى فوتوسۋرەت جانە قان توپتارى, بويى, سالماعى).
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 16 قىركۇيەك نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 8710 بولىپ ەنگىزىلدى.
