فرانتسيانىڭ پرەزيدەنتى فرانسۋا وللاند بۇل ەلدىڭ كۇللى تاريحىنداعى ەڭ بەدەلى تومەن, حالىق اراسىنا ىقپالى از تاراعان پرەزيدەنتى بولىپ وتىر. بۇل تۋرالى الەۋمەتتىك ساۋالدامالار مالىمەتتەرىنە سۇيەنە وتىرىپ Reuters حابارلادى.
فرانتسيا باسشىسىنىڭ سوڭعى ءبىر جىلداعى حالىق اراسىنداعى بەدەلى بۇرىنعى 30 پايىزدان 26 پايىزعا دەيىن تۇسكەن. اگەنتتىك وسىعان وراي مۇنىڭ وسىعان ۇقساس الەۋمەتتىك ساۋالدامالار تاريحىنداعى ەڭ تومەنگى كورسەتكىش ەكەنىن اتاپ وتەدى. سۇرالعانداردىڭ 84 پايىزى وللاند ۇكىمەتى ساياساتىنىڭ جۇمىسى ءتيىمسىز ەكەنىنە سەنىمدى بولسا, 74 پايىزى ونىڭ ءادىل ەمەس ەكەنىن قوسا كورسەتەدى. تۇتاستاي العاندا, ەلدەگى سالىق ۇلەسىنىڭ كقتەرىلۋىنە, جۇمىسسىزدىق دەڭگەيىنىڭ كوبەيۋىنە, سونداي-اق ۇكىمەتتىڭ يمميگراتسيالىق ساياساتىنا نارازى بولىپ وتىر.
ساكەن مايلىباي.
