ءبىر كەزدەرى قازاقستاننىڭ بارلىق قيىرىنان ونەر, ءبىلىم ىزدەپ اعىلعان اعا بۋىنعا الماتىداعى ورتالىق دەمالىس جانە مادەنيەت پاركىن تانىستىرىپ جاتۋدىڭ قاجەتى جوق. الايدا, وسى قالادا تۋىپ-وسكەن كەيىنگىلەردىڭ كوبى بۇل ساياباق تۋرالى بىلە بەرمەيدى. ونىڭ ءبىر سەبەبى, مۇندا جاستار ءۇشىن ويىن-ساۋىقتىڭ باسقا ءتۇرى كوپ بولسا, ەكىنشىدەن, كوپ جىلدار بويى كۇتىم كورمەي تۇرعان دەمالىس ورنىندا سەرۋەندەيتىندەي ءتۇر قالماعان-دى. تاياۋ كۇندەرى قالاداعى ەڭ ۇلكەن پارك مۇلكى كوممۋنالدىق مەنشىككە قايتارىلدى.
ءبىر كەزدەرى قازاقستاننىڭ بارلىق قيىرىنان ونەر, ءبىلىم ىزدەپ اعىلعان اعا بۋىنعا الماتىداعى ورتالىق دەمالىس جانە مادەنيەت پاركىن تانىستىرىپ جاتۋدىڭ قاجەتى جوق. الايدا, وسى قالادا تۋىپ-وسكەن كەيىنگىلەردىڭ كوبى بۇل ساياباق تۋرالى بىلە بەرمەيدى. ونىڭ ءبىر سەبەبى, مۇندا جاستار ءۇشىن ويىن-ساۋىقتىڭ باسقا ءتۇرى كوپ بولسا, ەكىنشىدەن, كوپ جىلدار بويى كۇتىم كورمەي تۇرعان دەمالىس ورنىندا سەرۋەندەيتىندەي ءتۇر قالماعان-دى. تاياۋ كۇندەرى قالاداعى ەڭ ۇلكەن پارك مۇلكى كوممۋنالدىق مەنشىككە قايتارىلدى.
بيىل مامىر ايىنىڭ اياعىندا شاھار باسشىسى قازىرگى كۇيى سىن كوتەرمەيتىن ورتالىق ساياباقتى ەكى اپتا اياسىندا رەتكە كەلتىرۋدى تالاپ ەتكەن بولاتىن. ەكى اپتا تۇگىلى ەكى اي وتسە دە پاركتى دەمالىستىڭ زاماناۋي تالاپتارىنا ساي ەتە الماعان مەنشىك يەلەرى ساياباقتى مۋنيتسيپيالدى مەنشىككە قايتارۋعا ءماجبۇر بولدى.
بۇگىنگى كۇندەرى قالا اكىمشىلىگى پارك كەلبەتىن جاڭا زامان تالعامىنا كوتەرۋ ءۇشىن جاڭا تۇجىرىمداما جاساۋدى قولعا الدى.
ال وتكەن اپتادا جالپىقالالىق سەنبىلىككە ورايلاس كەلگەن وسىناۋ وقيعا كەزىندە قالا اكىمى احمەتجان ەسىموۆ وسىنداعى اعاش وتىرعىزۋ ءراسىمىنە قاتىستى. ۆەلوجارىس مارەسى دە وسىندا ءوتتى. سەنبىلىككە شىققان قالالىقتاردىڭ كوپشىلىگى ورتالىق ساياباقتى قوقىستان تازارتۋعا ىقىلاستانا قاتىستى.
سەنبىلىك كەزىندە الماتى اكىمى ورتالىق دەمالىس جانە مادەنيەت پاركى جەكەمەنشىكتەن قايتارىلعاندىعىن جەتكىزىپ:
– بۇگىننەن باستاپ, پارككە كىرۋ تەگىن, ءبىز ورتالىق پاركتى تۇگەلدەي جاڭارتىپ, رەتكە كەلتىرەتىن بولامىز. جاڭا اعاشتار وتىرعىزامىز. كەلەر جىلى پارك كەلۋشىلەردى جاڭا كەلبەتىمەن قارسى الاتىن بولادى, – دەدى.
سول كۇنى-اق پاركتە 60 شىرشا, 500 جالپاق جاپىراقتى اعاش وتىرعىزىلدى.
ايناش ەسالي,
«ەگەمەن قازاقستان».
الماتى.
