23 قازان، 2013

مىندەتتەردىڭ مۇلتىكسىز ورىندالۋى – ۋاقىت تالابى

160 رەت كورسەتىلدى

استانا ماڭىنداعى 36-شى دەسانتتىق-شابۋىلداۋشى بريگاداسىندا قۇرلىق اسكەرلەرىنىڭ 30 شاقتى گارنيزونىنان كەلگەن قازاقستان رەسپۋبليكاسى قارۋلى كۇشتەرىنىڭ 100-گە تارتا اسكەري پسيحولوگتارى مەن ايەلدەر كەڭەسى ءتورايىمدارىنىڭ قاتىسۋىمەن وقۋ-جاتتىعۋلار ءوتتى.

 

استانا ماڭىنداعى 36-شى دەسانتتىق-شابۋىلداۋشى بريگاداسىندا قۇرلىق اسكەرلەرىنىڭ 30 شاقتى گارنيزونىنان كەلگەن قازاقستان رەسپۋبليكاسى قارۋلى كۇشتەرىنىڭ 100-گە تارتا اسكەري پسيحولوگتارى مەن ايەلدەر كەڭەسى ءتورايىمدارىنىڭ قاتىسۋىمەن وقۋ-جاتتىعۋلار ءوتتى.

مۇنداي وقۋ-جاتتىعۋلار ءاس­كەري پسيحولوگتارعا ساربازداردىڭ سوعىس جاعدايىندا وزدەرىن قالاي سەزىنەتىنىن جانە سوعان لايىق ارەكەت ەتۋدىڭ ماشىقتارىن ۇيرەتۋ ءۇشىن وتكىزىلدى. ءبىرىنشى كۇنى جيىنعا قاتىسۋشىلار تەوريالىق جاعىن ۇيرەنسە، ەكىنشى كۇنى، ياعني كەشە پراكتيكالىق جاتتىعۋلار ءجۇردى. قۇرلىق اسكەرلەرىنىڭ پسيحولوگتارى مەن ايەلدەر كەڭەسى ءتورايىمدارى بۇل وقۋ-جاتتىعۋلار بارىسىندا ەرەكشە دايىندىقتارىن پاش ەتتى. شىنجىر تاباندى ونداعان توننالىق ت 72 تانكىسىنىڭ گۇرىلىنىڭ ءوزى ادام دەنەسىن تىتىركەندىرەدى. بىراق، سوعان قاراماي، ءوتىپ بارا جاتقان تانكتىڭ استىندا بۇعىپ قالىپ، سوڭىنان گراناتا لاقتىرۋ ۇيرەنشىكتى داعدىعا اينالىپ كەتكەندەي. بۇل سىناقتان بارلىعى دا سۇرىنبەي ءوتتى. ءتىپتى ارامىزداعى باتىل ارىپتەس قىزدارىمىز اسكەريلەردىڭ ءتاسىلىن قايتالاپ، كورەرمەندەرىنە بۇل ءىس-قيمىلدارعا تۇسىنىك تە بەرىپ جاتتى. سونداي-اق، جاتتىعۋ بارىسىندا ادەتتەگى اك-74 اۆتوماتىنان وق اتۋ جاتتىعۋلارى بولدى.

بۇدان باسقا، اسكەري پسيحولوگ­تار­دىڭ باسىم بولىگىن قۇرايتىن نازىك جاندار توبى وتتى بەلدەۋ­دەن وتۋدەن سىناق تاپسىردى. قويۋ قارا ءتۇتىن مەن اتىلعان وق­تار­دىڭ داۋىسى كەدەرگىلەردى ەڭ­سەرۋ­گە ايتارلىقتاي قيىندىقتار تۋعىزدى. بيىك كەدەرگىلەردىڭ ءۇستى­نەن اسىپ وتۋدە كەيبىر قىزداردىڭ بويى جەتپەي، قينالعان ساتتەر از بولعان جوق. ونداي كەزدە قويۋ قارا ءتۇتىن اراسىنان كەدەرگىلەردى اينالىپ ءوتىپ، اسپالى كوپىردەن قۇلاپ قالماي، مارەگە جەتكەن نازىك جاندار سىناقتارىن ويداعىداي تاپسىرىپ جاتتى.

ءبىز وسى رەتتە №35748 اسكەري ءبولىمنىڭ مەملەكەتتىك ءتىلدى دامىتۋ قىزمەتىنىڭ باستىعى ءارى ايەلدەر كەڭەسىنىڭ ءتورايىمى مايور ەلميرا جۇماشەۆانى سوزگە تارتقان ەدىك. ونىڭ ايتۋىنشا، سىناق قيىن بولعانىمەن، نازىك جاندار ولاردى ويداعىداي تاپسىرعان. ايتسە دە، تۋننەلدەن ءوتۋ كەزىندە گازعا ۋلانىپ، ەسىنەن تانىپ قالۋ قاۋپى بولعانىن دا جاسىرمادى. دەگەنمەن دە، بۇل وقۋ-جاتتىعۋلارى ولاردىڭ ءوز كاسىبي دەڭگەيى مەن دايارلىعىن انىقتاۋعا مۇمكىندىك تۋعىزعان. وقۋ-جاتتىعۋلاردىڭ باسى-قاسىندا جۇرگەن قۇرلىق اسكەرلەرى قولباسشىسىنىڭ تاربيە جۇمىسى جونىندەگى ورىنباسارى پولكوۆنيك جۇمابەك حاسەنوۆتىڭ سوزىنە قاراعاندا، قازىرگى تاڭدا الەمدە اسكەري پسيحولوگ ماماندارىنا بارىنشا جاعدايلار جاسالۋدا. ولاردىڭ جۇمىسىنىڭ ماڭىزى وفيتسەرلەر مەن ساربازداردىڭ سو­عىس جاعدايىندا باسىنان ءوت­كە­رەتىن جايتتارىن بارىنشا ءتۇسىنىپ، دۇرىس باعدار بەرۋىندە جا­تىر. وسى تۇرعىدان كەلگەندە وقۋ-جاتتىعۋلاردىڭ ماڭىزى ارتا تۇسەدى.

قۇرلىق اسكەرلەرىنىڭ باس قولباسشىسى گەنەرال-لەيتەنانت مۇرات مايكەەۆتىڭ ءوزى مۇرىندىق بولعان بۇل ەكى كۇندىك جيىن مەملەكەت باسشىسى – قازاقستان قارۋلى كۇشتەرىنىڭ جوعارعى باس قولباسشىسى نۇرسۇلتان نازارباەۆتىڭ «اسكەرىمىز شاعىن دا ۇتقىر ءارى كاسىبي بولۋى كەرەك» دەگەن تالابىنا ساي جۇزەگە اسىپ وتىر. قازىرگى تاڭدا ەلىمىزدىڭ قارۋلى كۇشتەرى كاسىبي دەڭگەيگە يەك ارتۋدا. ج.حاسەنوۆ وسى تۇرعىدان كەلگەندە ادام پسيحولوگياسى ماڭىزدى سانالاتىنىمەن بولىسە كەتتى. ول ەڭ الدىمەن، اسكەري قىزمەتكەر ءوزىنىڭ كومانديرىنە، قولباسشىسىنا، ەلباسى مەن حالقىنا ادالدىعىن دالەلدەۋى ءتيىس دەگەندى ەرەكشە اتادى.

قورىتا ايتقاندا، قورعانىس مينيسترلىگى اسكەري مامانداردى دايارلاۋعا ەرەكشە ماڭىز بەرىپ كەلەدى. قازىرگى تاڭدا اسكەريلەر وزدەرىنىڭ مىندەتتەرىن الاڭسىز ورىنداۋ ءۇشىن بارلىق جاعدايلار جاسالۋدا.

اسقار تۇراپباي ۇلى،

«ەگەمەن قازاقستان».

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار