اتاپ ايتقاندا, اسفالت-بەتون جابىندىسى جولداردىڭ 257 شاقىرىمىندا توسەلدى. بۇدان بولەك, جولداردىڭ 316,3 شاقىرىمىندا جول نەگىزدەمەسىنىڭ جوعارعى قاباتى, 362 شاقىرىمىندا نەگىزدەمەنىڭ تومەنگى قاباتى توسەلگەن. سونىمەن قاتار, جولداردىڭ 396 شاقىرىمىندا جولدىڭ توسەمە قاباتى جاتقىزىلسا, 24,984 مىڭ شارشى مەتر جولدا جەر قازۋ جۇمىستارى ورىندالدى.
ايتا كەتۋ كەرەك, ەلىمىزدە اۆتوموبيل جولدارى سالاسىنداعى جۇمىستارعا تەحنيكانىڭ 7,5 مىڭ بىرلىگى مەن 200 مىڭ ادام جۇمىلدىرىلعان.
بۇگىنگى تاڭدا ۇزىندىعى 48 شاقىرىمدى قۇرايتىن 4 جولاقتى قاراعاندى قالاسىنىڭ سولتۇستىك جانە شىعىس اينالما جولدارىنىڭ قۇرىلىسى, ماڭعىستاۋ وبلىسىندا ۇزىندىعى 15,6 شاقىرىمدى قۇرايتىن ماەك – جىلى جاعاجاي اۆتوموبيل جولىنىڭ قۇرىلىسى اياقتالعان.
ەسكە سالايىق, بيىلعى ماۋسىمدا رەسپۋبليكانىڭ اۆتوموبيل جولدارىنىڭ 4 مىڭ شاقىرىمىندا جولداردى سالۋ جانە قايتا جاڭارتۋ جۇمىستارى جۇرگىزىلەدى. جىل سوڭىنا دەيىن ءى-ءىى تەحنيكالىق ساناتتاعى جولداردىڭ ۇلەسى 40% قۇراماق.
