بىراق اۋدان اكىمدىگىنىڭ مالىمەتىنشە, رەسپۋبليكالىق بيۋدجەتتىك كوميسسيا بۇل ماسەلەنى قاراستىرۋدا. بەلوۆود سۋ جەلىسى ءتىپتى, مونوپوليستەر رەەسترىنە ەنگىزىلۋى مۇمكىن.
مۇنداي جاعدايدا سۋدىڭ ءبىر تەكشە مەترىنىڭ باعاسى 300 تەڭدەگەن 7-8 ەسەگە قىمباتقا ءتۇسۋى مۇمكىن. ال, سۋ قورى جەتكىلىكتى. بيىل اۋدانداعى 27 اۋىلعا تازا اۋىزسۋ بەرىلمەك.
"اۋدانداعى 10 اۋىل بەلوۆود توپتىق سۋ قۇبىرىنىڭ اسا ماڭىزدى توپتىق جانە جەرگىلىكتى سۋمەن جابدىقتاۋ جۇيەلەرىنىڭ تىزىمىنە ەنگىزىلدى. بۇل سۋ پايدالانۋشىلار ءۇشىن ءتاريفتى سۋبسيديالاۋعا مۇمكىندىك بەردى. بۇعان دەيىن اۋىل تۇرعىندارى تۇتىنعان سۋدىڭ تەكشە مەترى ءۇشىن 300 تەڭگەدەن تولەپ كەلسە, جاقىن ۋاقىتتا تومەندەتىلگەن مولشەرلەمەمەن تولەي الادى", - دەيدى اۋدان اكىمى ايان بەيسەكين.
جالپى اۋدانداعى توپتىق سۋ قۇبىرى ارقىلى سۋمەن جابدىقتاۋ جۇيەسىنىڭ قۋاتى تاۋلىگىنە 6 مىڭ تەكشە مەتردى قۇرايدى.
نەگىزى اۋدانداعى سۋ تۇتىنۋشىلارى تاۋلىگىنە 2 مىڭ تەكشە مەتردەن ارتىق سۋ پايدالانبايدى.
سوندىقتان قوردا قالعان 4 مىڭ تەكشە مەتر سۋدى ءوڭىر تۇرعىندارى قاندايدا ءبىر اپات ورىن العان جاعدايدا كەمى 3 كۇن پايدالانا الادى.
وبلىس اكىمدىگى بەلوۆود توپتىق سۋ قۇبىرىنا تازا اۋىزسۋ جەتپەگەن كورشى اۋداندارداعى اۋىلداردى قوسۋ مۇمكىندىگىن قاراستىرۋدى تاپسىردى.
قازىرگى كەزدە سۋ قۇبىرلارىنىڭ جالپى ۇزىندىعى 236,4 شاقىرىم. بيىلعى جىلى 203,2 ميلليون تەڭگەگە ۇلگىلى, قاراعاش جانە ىنتىماق اۋىلدارىندا سۋ جەلىلەرىنىڭ قۇرىلىسى اياقتالدى.
پاۆلودار وبلىسى
