"تەڭىزشەۆرويل" كومپانياسى مەملەكەتتىك ورگاندارمەن بىرگە پەرسونالدىڭ ۆاحتالىق اۋىسۋىن ۇيىمداستىرۋعا بايلانىستى جوسپارىن جاساقتادى. باستى ماقسات –تەڭىز كەنىشىندەگى وندىرىستىك جانە "كەلەشەك كەڭەيۋ" جوباسىنداعى جۇمىستاردىڭ ۇزدىكسىز اتقارىلۋىن, جۇمىسشىلاردىڭ قاۋىپسىز اۋىسۋىن قامتاماسىز ەتۋ. اۋىسۋ جوسپارى بەكىتىلدى. تشو مەن مەردىگەر كومپانيالار ۆاحتالىق اۋىسۋدى 15 ماۋسىمدا قالپىنا كەلتىردى", دەپ حابارلادى تشو-نىڭ ءباسپاسوز قىزمەتى.
اۋىسۋ كەزىندە تەڭىز كەنىشىندەگى پەرسونال پتر-تەست تاپسىرۋ ءۇشىن وقشاۋلانۋ پروتسەدۋراسىنان وتەدى. بۇل تالاپ تەڭىز كەنىشىنە كەلگەن ءار ادام ءۇشىن مىندەتتى بولىپ سانالادى. تشو مەن مەردىگەر كومپانيالار سانيتارلىق وڭدەۋدەن وتكىزىلگەن تۇرعىن جايلاردى دايىندادى.
سونداي-اق تەڭىز كەن ورنىنداعى ۆاحتالىق جۇمىستان دەمالىسقا شىعاتىن جۇمىسشىلار كولىككە وتىرعانعا دەيىن پتر-تەستتىڭ تەرىس كورسەتكىشىن الۋى ءتيىس.
