ايماقتار • 11 ماۋسىم، 2020

اتىراۋدا قۇرىلىس ساپاسىن باقىلاماعان شەندىلەر جازالاندى

707 رەت كورسەتىلدى

يندەر اۋدانىندا تۇرعىن ءۇي قۇرىلىسىنىڭ ساپاسىنا جەتكىلىكتى باقىلاۋ جاساماعان شەندىلەر جاۋاپكەرشىلىككە تارتىلدى، - دەپ حابارلايدى Egemen.kz.  

“نۇرلى جەر” باعدارلاماسىمەن يندەر اۋدانىنداعى 23 پاتەرلىك تۇرعىن ءۇي قۇرىلىسىن “سالامات ءابىلحايىروۆ” جەكە كاسىپكەرلىگى جۇرگىزگەن ەكەن. كەيىننەن اۋداندىق اكىمدىك ونداعى ءار پاتەردى  28 ملن تەڭگەدەن ساتىپ الىپتى. وعان جالپى سوماسى 630 ملن تەڭگە جۇمسالعانى بەلگىلى بولىپ وتىر.

“بۇل تۇرعىن ۇيگە الەۋمەتتىك جاعىنان از قامتىلعان جانە كوپ بالالى 45 وتباسى قونىستانعاندى. الايدا، تۇرعىندار  قىستا جانە جاڭبىر جاۋعان كەزدە قيىندىققا ۇشىراپ كەلەدى. تۇرعىن ۇيدە توبەدەن سۋ تامشىلاپ، كوگەرۋ، سىز پايدا بولعان. وسىعان وراي ءموبيلدى مونيتورينگ توبىنىڭ جەتەكشىسى امانگەلدى ابدولوۆتىڭ جەدەل ارەكەتىنەن كەيىن قۇرىلىس ماسەلەرىنە جەتەكشىلىك ەتەتىن اۋدان اكىمىنىڭ ورىنباسارى ا.مۇساعاليەۆ پەن اۋداندىق قۇرىلىس ءبولىمىنىڭ باسشىسى ب.يمانعازيەۆا جاۋاپكەرشىلىككە تارتىلدى”، -دەپ حابارلادى وبلىستىق سىبايلاس جەمقورلىققا قارسى ءىس-قيمىل دەپارتامەنتىنىڭ ءباسپاسوز قىزمەتى.

سوڭعى جاڭالىقتار

ۇقساس جاڭالىقتار