كاسپي تەڭىزىنىڭ اتىراۋ وبلىسى اۋماعىنداعى قاشاعان كەن ورنىندا جۇيەنى رەتكە كەلتىرۋ جۇمىستارىنا بايلانىستى 3-4 كۇنگە مۇناي ءوندىرىسى توقتاتىلدى. بۇل تۋرالى بۇگىن جۋرناليستەرگە بەرگەن سۇحباتىندا مۇناي جانە گاز ءمينيسترى ۇزاقباي قارابالين مالىمدەدى.
«شىن مانىندە وندا اپات ورىن الماعان, جەلىگە تەكسەرىس جۇرگىزىلۋدە. بارلىق ۋچاسكەلەردە جۇمىس جۇرگىزىلۋدە. مۇندا «بولاشاق» زاۋىتىنا قاراي باعىتتالعان گاز قۇبىرى ءسوز بولىپ وتىر. ول جەردە از مولشەردە گاز شىعىپ جاتقانى بايقالعان. گاز قۇبىرىنىڭ قىسىمى ازايتىلىپ وتىر. جۇيە جوندەۋدەن ءوتىپ جاتقان جوق, رەتكە كەلتىرىلىپ جاتىر. قازىرگى ۋاقىتتا ناقتى سەبەپتەرى انىقتالۋدا. ءتيىستى شارالار قابىلداناتىن بولادى. بۇل جۇمىس 3-4 كۇنگە سوزىلادى دەپ وتىرمىز. ياعني, 25 قىركۇيەكتەن باستاپ 3-4 كۇن ىشىندە مۇناي ءوندىرىسى توقتاتىلادى»,- دەدى قارابالين.
ونىڭ ايتۋىنشا, بۇل شارا كومەرتسيالىق وندىرىسكە اسەر ەتپەيدى, سەبەبى وعان قاجەتتى قۋاتتىلىق بار.
«قازىر جۇيەنى تولىعىمەن رەتكە كەلتىرەتىن بولساق, كەن ورنى كوممەرتسيالىق ءوندىرىس كولەمىن بەرە الادى. كوزدەلگەن ماقساتتارعا قول جەتكىزە المايمىز دەپ ايتۋعا سەبەپ جوق», - دەپ يىن جيناقتادى ول.
ساكەن مايلىباي.
