بۇگىن, 26 قىركۇيەك كۇنى كەشكە ۋكراينانىڭ دوەنتسك قالاسىندا جەرگىلىكتى «دونباسس» كومانداسىمەن كەزدەسىپ, ونى 4:2 ەتىپ جەڭگەن استانانىڭ «بارىسى» وسىمەن قۇرلىقتىق حوككەي ليگاسى چەمپيوناتىندا قاتارىنان بەسىنشى ۇتىسىنا قول جەتكىزدى. بۇل تۋرالى Egemennews.kz ءتىلشىسى حابارلادى.
استانالىقتار العاشقى 15 مينۋتتا الاڭ يەلەرىنىڭ تەگەۋرىندى شابۋىلىنا توتەپ بەرە كەلىپ, ويىنداعى تەپە-تەڭدىككە جەتتى. مۇنى ولار تەز گولعا دا اينالدىرا ءبىلدى. وسى كەزدە ءبىرىنشى شايبانى داستين بويد ءتۇسىرىپ ۇلگەردى. ارادا ەكىجارىم مينۋت وتكەندە, ويىننىڭ 18-مينۋتىندا تالعات جايلاۋوۆتان پاس العان فەدور پوليششۋك باسىمدىقتى ۇلعايتا ءتۇستى. ال 19-مينۋتتا بويد دۋبل جاساپ, ەسەپتى 3:0-گە جەتكىزدى. الايدا, ءبىرىنشى كەزەڭنىڭ سوڭىندا دونەتسكىلىك ەۆگەني دادونوۆ 1 شايبا سالىپ, ەسەپتى قىسقارتتى.
ەكىنشى كەزەڭنىڭ سوڭىندا قوناقتار تاعى ءبىر شايبا سوقتى. ونى تالعات جايلاۋوۆتان كەرەمەت پاس العان ماكسيم سپيريدونوۆ ءوز ەسەبىنە جازدى. سوڭعى, شەشۋشى جيىرما مينۋتتىقتا «بارىستىڭ» بۇرىنعى شابۋىلشىسى الاڭ يەلەرى ءۇشىن تاعى ءبىر شايبا سالدى. ءسويتىپ, ەسەپ 4:2-گە تۇراقتادى.
دامير قوجامقۇل.
