بۇگىن, 22 قىركۇيەك, جەكسەنبى كۇنى ءتۇس اۋا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ قىزىلوردا وبلىسىنا جۇمىس ساپارىمەن كەلدى. بۇل تۋرالى وبلىس اكىمىنىڭ ءباسپاسوز قىزمەتىنىڭ دەرەگىنە سىلتەمە جاساعان «قازاقپارات» ءتىلشىسى حابارلادى.
«مەملەكەت باسشىسى قىزىلوردا جەرىنە باسقان قادامىن بيىلعى وقۋ جىلىنىڭ باسىندا اشىلعان «قىزىلوردا قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبىننەن» باستادى. جاڭا مەكتەپتە وبلىس اكىمىنىڭ ورىنباسارى اقمارال ءالنازاروۆا ايماقتاعى ءبىلىم سالاسىن دامىتۋ باعىتىندا جۇزەگە اسىپ جاتقان باعدارلاماسى جونىندە مالىمدەمە جاسادى. ال مەكتەپتىڭ قىزمەتى جانە ءبىلىم باعدارلامالارى جونىندە مەملەكەت باسشىسىن «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى باسقارماسىنىڭ ءتورايىمى كۇلاش ءشامشيدينوۆا تانىستىردى», - دەلىنگەن حابارلاما.
رەسپۋبليكا كولەمىندە 14-ءشى بولىپ اشىلعان ايتۋلى وقۋ ورىنى بيىلعى جىلى كونكۋرستىق نەگىزدە 553 وزات وقۋشىنى تاڭداپ الدى. مەكتەپ جاڭا كومپيۋتەرلىك جۇيەمەن, مۋلتيمەديالىق كابينەتتەرمەن, ينتەراكتيۆتى تاقتالارمەن, يننوۆاتسيالىق باعدارلامالىق جۇيەمەن جابدىقتالعان.
وسىدان كەيىن مەملەكەت باسشىسى قىزىلوردا قالاسىندا بيىلعى جىلى جازدا اباتتاندىرۋ جانە كوگالداندىرۋ باعىتىندا جۇرگىزىلگەن جۇمىستارمەن تانىستى.
ساكەن مايلىباي.
