قىتايدىڭ شاندۋن پروۆينتسياسىنىڭ اكىمشىلىك ورتالىعى - تسزينان قالاسىنىڭ حالىقتىق سوتى بۇگىن چۋنتسين قالاسى پارتيا كوميتەتىنىڭ بۇرىنعى ءبىرىنشى حاتشىسى بو سيلايدى ومىرلىك تۇرمەدە وتىرۋ جازاسىنا كەستى. بۇل تۋرالى يتار-تاسس حابارلادى.
سوت ونى ايىپتاۋدىڭ بارلىق تارماقتارى بويىنشا كىنالى دەپ تاپتى. سونىڭ ىشىندە جەمقورلىق پەن بيلىكتى اسىرا پايدالانۋ بابى دا بار. سوتقا ۇسىنىلعان ايىپتاۋ قورىتىندىسىندا پارتيا شەنەۋنىگىنىڭ بيلىكتى پايدالانا وتىرىپ,
26,79 ملن. يۋان (4,37 ملن. دوللار) كولەمىندە پارا العانى كەلتىرىلگەن.
64 جاستاعى بو سيلاي مەن ونىڭ وتباسىسى قىتايدىڭ 2012 جىلعى قاراشا ايىندا وتكەن XVIII سەزى قارساڭىندا ۇلكەن ساياسي جانجالدىڭ تاقىرىبىنا اينالدى. سول جىلعى تامىز ايىندا ونىڭ ايەلى بوگۋ كايلاي بريتانيا ازاماتى نيل حەيۆۋدتى ولتىرگەنى ءۇشىن ەكى جىلدىق كىدىرتە تۇرۋ مەرزىمىمەن ءولىم جازاسىنا كەسىلگەن بولاتىن. قىركۇيەكتە بو سيلايدىڭ وڭ قولى سانالىپ جۇرگەن چۋنتسين قالاسىنىڭ ۆيتسە-مەرى ۆان ليتسزيۋن 15 جىلعا كەسىلدى. ال قازان ايىندا كەزەك ءبىرىنشى حاتشىنىڭ دا وزىنە كەلدى.
ساكەن مايلىباي.
