كەشە, 21 قىركۇيەك كۇنى ەلىمىزدىڭ بىرقاتار ستاديوندارىندا فۋتبولدان پرەمەر-ليگا كوماندالارى اراسىنداعى چەمپيوناتتىڭ كەزەكتى 27-تۋرىنىڭ ويىندارى وينالدى.
اقتوبەدەگى قوبىلاندى اتىنداعى ورتالىق ستاديوندا جەرگىلىكتى «اقتوبە» «استانانى» قابىلداپ, 2:0 ەسەبىمەن جەڭىسكە جەتتى. ماتچتاعى ءبىرىنشى گولدى 52 مينۋتتا وزبەكستاندىق لەگيونەر تيمۋر كاپادزە سالدى. ال سوڭعى گول تورەشىنىڭ قوسىمشا بەلگىلەگەن 6-مينۋتىندا (!) سوعىلدى. ونى ءتۇبى رەسەيلىك مارات حايرۋللين ءوز ەسەبىنە جازدى.
وسى كۇنى وينالعان باسقا ماتچتار مىناداي ناتيجەلەر اكەلدى:
«ۆوستوك» (وسكەمەن) – «جەتىسۋ» (تالدىقورعان) 0:0
«تاراز» (تاراز) – «اتىراۋ» (اتىراۋ) 1:1
(گولدار: وبيورا, 36 – الۆيز, 66-پەنالتي)
«اقجايىق» (ورال) – «توبىل» (قوستاناي) 1:3
(گولدار: چەرنى, 78 – كۋرتيشي, 7, بۋگاەۆ, 20, 74).
«ەرتىس» (پاۆلودار) – «ورداباسى» (شىمكەنت) 3:0
(گولدار: باقاەۆ, 48-پەنالتي, مۋحۋتدينوۆ, 55, چەرنىشوۆ, 75).
تۋردىڭ ويىندارىن بۇگىن ساعات 16-00-دە الماتىدا باستالاتىن «قايرات» پەن «شاحتەردىڭ» اراسىنداعى ويىن تيانقتايدى. بۇل كوماندالار قازاقستاننىڭ تاۋەلسىزدىك جىلدارىنداعى چەمپيوناتتارىندا ءوزارا 42 رەت كەزدەسىپتى. سونىڭ 18-ىندە – «شاحتەر», 17-سىندە «قايرات» جەڭىسكە جەتكەن. دوپ ايىرماشىلىعى: 52-51 ەسەبىمەن الماتىلىقتاردىڭ پايداسىندا. ماتچ تىكەەلي ەفير ارقىلى «كازسپورت» ارناسىنان كورسەتىلەدى.
قازىر 1-6 ورىندار ءۇشىن تالاسىپ جاتقاندار اراسىندا 27 ويىننان 33 ۇپاي جيناعان «اقتوبە» توپ باستاپ كەلەدى. ەكىنشى ورىنداعى «استانا» ودان ءۇش ۇپاي قالىق تۇر.
دامير قوجامقۇل.
