سيريا حيميالىق قارۋعا بايلانىستى قويىلعان بارلىق شارتتاردى ورىنداۋعا جانە ونى كەز كەلگەن ەلدىڭ قاراۋىنا بەرۋگە قارسى ەمەس. بۇل تۋرالى سيريا پرەزيدەنتى باشار اساد «Fox News» تەلەارناسىنا بەرگەن سۇحباتىندا مالىمدەدى دەپ حابارلايدى "توpNews.ru" سايتى.
باشار اساد ءوزىنىڭ سۇحباتىنا سيريا حيميالىق قارۋىن قاراۋىنا الىپ, ونى جويامىن دەگەن كەز كەلگەن ەلگە, ءتىپتى, اقش-قا دا بەرۋگە دايىن ەكەنىن جەتكىزدى.
«ەگەر اقش ۇكىمەتى ءبىزدىڭ حيميالىق قارۋلارىمىزدىڭ وتەم اقىسىن تولەپ, ونىڭ بارلىق جاۋاپكەرشىلىگىن ءوز مويىندارىنا الاتىن بولسا, بەرۋگە قارسى بولمايمىز» – دەدى باشار اساد.
سيريا جەتەكشىسىنىڭ ايتۋىنا قاراعاندا, ەلدەگى حيميالىق قارۋلاردى جويۋ ءۇشىن 1 ميلليارد دوللار جانە ءبىر جىلداي ۋاقىت كەرەك.
باشار اساد سۇحبات بارىسىندا رەسەيدىڭ ديپلوماتيالىق قولداۋىنا جوعارى باعا بەردى.
جولدىباي بازار.
