اقتوبە قالاسىنداعى №14 «قونجىق» بالالار باقشاسىنىڭ ەسەپشىسى ۇستىنەن وبلىستىق پروكۋراتۋرا قىلمىستىق ءىس قوزعادى.
مۇنىڭ ءمانىسى مىنادا ەكەن. قۇقىق قورعاۋ قىزمەتكەرلەرى وسى بالالار باقشاسىن تەكسەرۋ بارىسىندا ونداعى 67 ملن. تەڭگەنىڭ قولدى بولعانىن انىقتاعان. ناقتى ايتقاندا, اتا-انالاردىڭ بالالارى ءۇشىن بەرگەن تولەماقىلارى كىرىسكە الىنباعان جانە بارلىق توپتىڭ بالالارى مەملەكەت تاراپىنان بولىنگەن قاراجاتتى بەلگىلەنگەن مولشەردەن قىسقارتىپ جۇمساۋ ارقىلى تاماقتاندىرىلىپ كەلگەن.
الايدا, بۇگىندە بالالار باقشاسىنىڭ مەڭگەرۋشىسى زەينەتكە شىعىپ كەتىپتى. ال ەسەپشى بولسا, بالا كۇتىمىنە بايلانىستى ۇيىندە وتىر ەكەن. ءدال وسىعان ۇقساس جاعداي قالاداعى №6 «ورمان ەرتەگىسى» بالالار باقشاسىندا دا ورىن العان.
قازىر وسى كەلەڭسىزدىكتەرگە بايلانىستى قىلمىستىق ءىس قوزعالىپ, تەرگەۋ امالدارى جۇرگىزىلۋدە.
دانيار تۇيمەباي.
