الماتى قالاسىنىڭ توتەنشە جاعدايلار دەپارتامەنتى «ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى» مەملەكەتتىك مەكەمەسىندە وزگە ۇلت وكىلدەرىنىڭ قاتىسۋىمەن «مەملەكەتتىك ءتىل – مەنىڭ ءتىلىم» اتتى بايقاۋ ءوتتى.
الماتى قالاسىنىڭ توتەنشە جاعدايلار دەپارتامەنتى «ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى» مەملەكەتتىك مەكەمەسىندە وزگە ۇلت وكىلدەرىنىڭ قاتىسۋىمەن «مەملەكەتتىك ءتىل – مەنىڭ ءتىلىم» اتتى بايقاۋ ءوتتى.
مەملەكەتتىك ءتىلدىڭ قولدانىلۋ اياسىن كەڭەيتۋ, ونىڭ مارتەبەسى مەن ماڭىزىن كەڭىنەن ناسيحاتتاۋ, وزگە ۇلت وكىلدەرى جاستارىنىڭ قازاق ءتىلىن ءبىلۋ دەڭگەيىن كوتەرۋ جانە ونى وقىپ-ۇيرەنۋگە دەگەن ىقىلاسى مەن قىزىعۋشىلىعىن ارتتىرۋ ماقساتىندا وتكىزىلگەن «مەملەكەتتىك ءتىل – مەنىڭ ءتىلىم» سايىسىنا 30 جاسقا دەيىنگى وزگە ۇلت وكىلدەرىنەن 10 قىزمەتكەر قاتىستى.
قاتىسۋشىلار سايىستا «وزدەرىن مەملەكەتتىك تىلدە تانىستىرۋ», ماقال-ماتەلدەر ايتۋ جانە مەملەكەتتىك تىلدە قۇجات تۇرلەرىن ازىرلەپ, توتەنشە جاعداي سالاسىنداعى تەرميندەرگە اۋدارما جاساۋ سەكىلدى تاپسىرمالاردى ورىندادى.
سونداي-اق, ولار ۇلتتىق كيىمدەر كيىپ, ءوز ونەرلەرىن ورتاعا سالىپ, قازاق حالقىنىڭ سالت-ءداستۇرىن ادەمى ايشىقتايتىن كورىنىستەر قويدى. وسىلاي بارشا ۇلت وكىلدەرى ءبىر وتباسىنىڭ بالاسىنداي ءوزارا باۋىرلاسىپ, ءبىرى تامىلجىتا ءان سالسا, ەكىنشىسى مىڭ بۇرالا بي بيلەپ, ەندى ءبىرى مانەرلەپ جىر وقىپ, جينالعان كوپشىلىكتى ءتانتى ەتتى. بايقاۋدىڭ بارلىق تالاپتارىن جاقسى ورىنداپ, تاپقىرلىعىمەن ەرەكشە كوزگە تۇسكەن 1-ءشى ءورت ءسوندىرۋ ءبولىمىنىڭ كادرلار توبىنىڭ كىشى ينسپەكتورى ن.احمەتوۆا 1-ورىندى يەلەنىپ, قالالىق دەڭگەيدە وتكىزىلەتىن ىرىكتەۋ سايىسىندا مەكەمەنىڭ نامىسىن قورعايتىن بولدى. مەملەكەتتىك تىلدە جازىلعان ىسقاعازداردى اۋدارۋدا بەلسەندىلىك تانىتقان 11-ءشى مامانداندىرىلعان ءورت ءسوندىرۋ ءبولىمىنىڭ ءورت ءسوندىرۋشىسى ن.يسكاكوۆ 2-ورىندى السا, قازاق حالقىنىڭ سالت-داستۇرىنەن كورىنىس قويىپ, كوزگە تۇسكەن 4-ءشى ءورت ءسوندىرۋ ءبولىمىنىڭ ءورت ءسوندىرۋشىسى ح.يلياسوۆ 3-ورىندى ەنشىلەدى. سونداي-اق, 6-شى ءورت ءسوندىرۋ ءبولىمىنىڭ ءورت ءسوندىرۋشىسى س.بەلوەنكو قازاق ماقال-ماتەلدەرىن جاتقا ايتىپ, كورەرمەن كوزايىمىنا اينالدى.
قانات ەسكەندىر,
«ەگەمەن قازاقستان».
الماتى.
