مەديتسينالىق بەتپەردەلەر بويىنشا ءوندىرىس ءوسىمى «دولچە» جشس ءوندىرىسىن كەڭەيتۋ ەسەبىنەن بولدى. ولار قىسقا مەرزىمدە ەكى قوسىمشا ستانوك ورناتىپ, ءوندىرىس قۋاتىن 3 ەسە, ياعني 60 مىڭنان 180 مىڭ داناعا دەيىن ارتتىردى.
زالالسىزداندىرۋ قۇرالدارعا كەلسەك, كارانتين كەزىندە كەيبىر كاسىپورىندار ءوز قىزمەتىن وسى باعىتقا بەيىمدەپ, حالىققا اسا قاجەتتى ءونىمدى شىعارا باستادى. وسىلايشا, قازاقستاندا ەتيل ءسپيرتىن ءوندىرۋشى كاسىپورىندار جاعدايعا بايلانىستى زالالسىزداندىرۋ قۇرالدار وندىرۋگە كوشتى: ولاردىڭ قاتارىندا قوستاناي وبلىسىنداعى قۋاتتىلىعى تاۋلىگىنە 4 000 ل «ALPHA-2050» جشس, اقتوبە وبلىسىنداعى قۋاتتىلىعى تاۋلىگىنە 54 000 ل «كەنتاۆر» جشسبار. سونداي-اق «المادك» جشس جانە «ميليتارم» جشس-مەن بىرلەسىپ, ناتري گيپوحلوريتى جانە ەتيل ءسپيرتى نەگىزىندە انتيسەپتيكالىق جانە زالالسىزداندىرۋ زاتتارىن شىعارا باستادى.
سونىمەن قاتار, ءوندىرىس كولەمىن ۇلعايتۋ ماقساتىندا ءوز ونىمدەرىن اينالىمعا شىعارۋ ءۇشىن بىرقاتار جاڭا كاسىپورىندار تىركەۋ پروتسەسىنەن ءوتىپ جاتىر. مىسالى, الماتى قالاسىندا قۋاتتىلىعى تاۋلىگىنە 5 مىڭ ل «داتاحيمپروم» جشس, اتىراۋ قالاسىندا «SARI SUPPLIERS» جشس, «راۋان نالكو» جشس, شىمكەنت قالاسىندا تاۋلىگىنە 5 مىڭ ل شىعاراتىن «Best Pharma» جشس, باتىس قازاقستان وبلىسىندا تاۋلىگىنە 600 ل. وندىرەتىن «توپان» جشس.
اكىمدىكتەردىڭ اقپاراتى بويىنشا حالىقتىڭ دەزينفەكتسيالىق قۇرالدارعا دەگەن قاجەتتىلىگى تولىعىمەن وتاندىق وندىرۋشىلەر ەسەبىنەن قامتاماسىز ەتىلەدى.
