ددسۇ مەن ەۋروكوميسسيانىڭ قولداۋىمەن, اكتسيانىڭ ۇيىمداستىرۋشىلارى — ەۋروپالىق وداق ەلدەرى جانە قاۋىمداستىققا كىرمەيتىن ۇلىبريتانيا, نورۆەگيا جانە ساۋد ارابياسى ەلدەرى. سونداي-اق اكتسياعا جاپونيا, كانادا, وار جانە باسقا ەلدەردىڭ كوشباسشىلارى قوسىلدى.
ەو ەلدەرى ءبىر ميلليارد ەۋرو ءبولۋ تۋرالى مالىمدەدى. تاعى وسىنشاما ءبىر ميلليارد اقش دوللارىن نورۆەگيا بەرەمىز دەپ ۋادە ەتتى.
ء«بىز ءبىر ادام قورعالعان, باسقالارى قورعالماعان الەمدە ءومىر سۇرە المايمىز. بۇل ورتاق جاۋدى جەڭۋ عانا ەمەس, سونىمەن قاتار ورتاق قاۋىپسىز بولاشاقتى قۇرۋ مۇمكىندىگى. اقشا جيناۋ پروتسەسى 23 مامىرعا دەيىن جالعاسادى», — دەدى ددسۇ باس ديرەكتورى تەدروس ادحانوم گەبرەيەسۋس.
ءىس-شارانىڭ سەرىكتەستەرى رەتىندە دۇنيەجۇزىلىك دەنساۋلىق ساقتاۋ ۇيىمى, بيلل جانە مەليندا گەيتس قورى, ۆاكتسينالار مەن يممۋنداۋ بويىنشا جاھاندىق اليانس جانە باسقا دا حالىقارالىق قۇرىلىمدار قاتىسادى.
