«نۇر وتان» حدپ «بىرلىك» استانالىق فيليالى «نۇر وتان. نۇرلى بولاشاق جولىندا!» اتتى پارتيانىڭ جاڭا ساياسي دوكتريناسى مەن جاڭا مىندەتتەرىن تالقىلاۋ جونىندە X كەزەكتەن تىس كونفەرەنتسياسىن وتكىزدى. بۇل شارا بيىلعى جىلدىڭ 18 قازانىندا بولاتىن «نۇر وتان» پارتياسىنىڭ XV كەزەكتەن تىس سەزى شەڭبەرىندە ءوتتى.
«نۇر وتان» حدپ «بىرلىك» استانالىق فيليالى «نۇر وتان. نۇرلى بولاشاق جولىندا!» اتتى پارتيانىڭ جاڭا ساياسي دوكتريناسى مەن جاڭا مىندەتتەرىن تالقىلاۋ جونىندە X كەزەكتەن تىس كونفەرەنتسياسىن وتكىزدى. بۇل شارا بيىلعى جىلدىڭ 18 قازانىندا بولاتىن «نۇر وتان» پارتياسىنىڭ XV كەزەكتەن تىس سەزى شەڭبەرىندە ءوتتى.
كونفەرەنتسيا اياسىندا مەملەكەت باسشىسى ن.نازارباەۆتىڭ «قازاقستان-2050» ستراتەگياسى مەن پارتيانىڭ جاڭا ساياسي دوكتريناسىن ىسكە اسىرۋ اياسىنداعى پارتيا الدىنا قويىلعان مىندەتتەرى تالقىلاندى.
جيىنعا قاتىسۋشىلار «قازاقستان-2030» ستراتەگياسىن ىسكە اسىرۋدا پارتيا ءرولىن بەلگىلەۋ جونىندەگى «نۇر وتاننىڭ» ءبىرىنشى دوكتريناسى 2001 جىلعى 20 ساۋىردە بەكىتىلگەنىن, ال 2012 جىلعى جەلتوقسان ايىندا ەلباسىنىڭ ەلىمىزدىڭ دامۋىنىڭ جاڭا باعىتتارى مەن باعدارلارى ايقىندالعان «قازاقستان-2050» ستراتەگياسىن ۇسىنعانىن اتاپ وتە كەلە, دوكترينانىڭ قابىلدانۋىمەن ەلىمىزدىڭ جاڭا ساياسي باعىتىن ىسكە اسىرۋداعى پارتيانىڭ ورنى مەن ءرولى انىقتالاتىنىن جەتكىزدى.
ماسەلەن, كونفەرەنتسيا اياسىندا ءسوز العان «بىرلىك» فيليالى توراعاسىنىڭ ورىنباسارى ءاليا قايشاروۆا جاڭا ستراتەگياعا توقتالا كەلە, ونى جۇزەگە اسىرۋداعى دوكترينانىڭ ماڭىزى جونىندە ايتىپ ءوتتى. ««نۇر وتان» – بۇل رەسپۋبليكانىڭ بارلىق وڭىرلەرىندە فيليالدارى بار, جالپىحالىقتىق پارتيا. ءبىز حالىقتىڭ باسىم كوپشىلىگىنىڭ قولداۋىنا يە بولىپ وتىرمىز. قازاقستان پارلامەنتى ءماجىلىسىنىڭ سوڭعى سايلاۋىندا بىزگە تۇرعىنداردىڭ 81 پايىزى داۋىس بەردى. وسى كەزگە دەيىن قازاقستاننىڭ ءبىر دە ءبىر ساياسي پارتياسى ەلدىڭ ستراتەگيالىق دامۋ باعىتىنا سايكەس كەلەتىن دوكترينا ۇسىنا المادى. «قازاقستان-2050» ستراتەگياسىنىڭ جاڭا ساياسي باعىتىن ىسكە اسىرۋدا پارتيانىڭ ۇزاق مەرزىمدى كەلەشەككە ارنالعان پارتيا قىزمەتىنىڭ نەگىزگى باسىمدىقتارى, بازالىق قاعيدالارى, ىرگەلى قۇندىلىقتارى تۋرالى ناقتى كورسەتىلگەن ستراتەگيالىق سيپاتتاعى قۇجات قاجەت. مۇنداي قۇجات بار. بۇل – «نۇر وتاننىڭ» جاڭا دوكتريناسى. ول دامۋدىڭ جاڭا كوكجيەكتەرىن اشىپ, پارتيانىڭ يدەيالىق-دۇنيەتانىمدىق جانە قۇندىلىقتى باعدارلارىنىڭ نۇسقالارىن انىقتايدى. پارتيانىڭ ساياسي دوكتريناسىنىڭ نەگىزى – ەل ازاماتتارىنىڭ ءومىرىن ساپالىق تۇرعىدان جاقسارتۋعا ۇمتىلۋ», دەدى بۇل ورايدا ءا. قايشاروۆا.
ال اۋىل شارۋاشىلىعى مينيسترلىگىنىڭ جاۋاپتى حاتشىسى ارمان ەۆنيەۆ: «پارتيانىڭ حIV سەزىندە سويلەي وتىرىپ, ەلباسى «پارتيانىڭ كۇشى – ونىڭ قوعامدى سىناقتان الىپ ءوتۋ ارقىلى تۇراقتىلىق پەن حالىقتىڭ بىرلىگىن نىعايتۋ قابىلەتتىلىگىندە» ەكەنىن اتاپ وتكەن بولاتىن, شىندىعىندا تاريحي قىسقا ۋاقىت ىشىندە «نۇر وتان» حالىقتىق-دەموكراتيالىق پارتياسى قازاقستاننىڭ پارتيالىق-ساياسي كەڭىستىگىندە بيىك قوعامدىق بىرلەستىككە اينالعانىنا بارلىق قازاقستاندىق قوعام كۋا بولىپ وتىر», دەي كەلە, يننوۆاتسيالىق دامۋ, تۇرمىس دەڭگەيىن ارتتىرۋ, قوعامداعى تۇراقتىلىق – پارتيانىڭ ءۇش تۇعىرلىق مىندەتى ەكەنىن ايتتى.
بۇل كۇنگى كونفەرەنتسيانىڭ سوڭىندا ونىڭ قاتىسۋشىلارى جاڭا ساياسي دوكترينانى ماقۇلداپ, پارتيانىڭ «بىرلىك» فيليالى ساياسي كەڭەسىنىڭ, ساياسي كەڭەس بيۋروسىنىڭ, جەمقورلىققا قارسى كۇرەس جونىندەگى قوعامدىق كەڭەسىنىڭ, اقپاراتتىق-ناسيحات توبى مەن پارتيالىق باقىلاۋ كوميسسياسىنىڭ قۇرامىنا وزگەرىستەر ەنگىزدى.
ءلايلا ەدىلقىزى,
«ەگەمەن قازاقستان».
