بۇرىن جولاۋشىلاردىڭ وزدەرى مىنگەن تاكسيدىڭ جۇرگىزۋشىسىن توناپ, ءوزىن ءولتىرىپ كەتكەنى تۋرالى سۋىت حابارلاردى ارا-تۇرا ەستىپ تۇرۋشى ەدى, بۇل جولى بۇلاردىڭ ورىن الماستىرعان جاعدايىن ەستىپ, جاعامىزدى ودان بەتەر قىمقىرا ۇستاي تۇستىك.
بۇل جولى وقيعا تالدىقورعان قالاسىندا ورىن الدى. پوليتسيا قىزمەتكەرلەرى 19 جاسار قىزدى توناپ, ءولتىردى دەگەن كۇدىكپەن ءبىر تاكسيستى قاماۋعا الدى. .
«انىقتالعانداي, 6 تامىز كۇنى كەنتكە جاقىن ماڭدا جاس جىگىت ءوزىنىڭ «فورد-ەكسكورت» اۆتوكولىگىنىڭ سالونىندا قىزدى زورلاۋدى كوزدەپ, وعان پىشاق جۇمساعان. سول كۇننىڭ كەشىندە قىز بالا ءوزىنىڭ تۋىستارىنا قوناققا بارۋ ءۇشىن جولعا شىعىپ, تاكسيست رەتىندە جەتكىزىپ سالماقشى بولعان جىگىتتىڭ كولىگىنە وتىرعان. كەۋدە تۇسىنان بىرنەشە پىشاق جاراقاتىن العان قىزدىڭ دەنەسى تالعار اۋدانى قىزىلتۋ كەنتىنىڭ شەتكەيىندەگى قوقىس اراسىنان تابىلعان بولاتىن», دەلىنگەن وسىعان بايلانىستى تاراتىلعان حابارلامادا.
اتالعان فاكتى بويىنشا قىلمىستىق ءىس قوزعالدى.
مۇرات ايتقوجا.
