بۇدان 20 جىل بۇرىن اقتوبە جەرىنە كەلىپ, ونى تۇراقتى قونىس ەتكەن ورالمان شەرنياز شۋماقاي دەگەن ازامات ءالى كۇنگە دەيىن قازاقستاننىڭ ازاماتتىعىن الا الماي جۇرگەن كورىنەدى. بۇل تۋرالى «جەتىنشى ارنانىڭ» ءتىلشىسى حابارلادى.
ءتىلشىنىڭ بايانداۋىنشا, بۇل كىسى ءبىزدىڭ تاۋەلسىزدىگىمىزدىڭ العاشقى ەلەڭ-الاڭىندا, وتكەن عاسىردىڭ باسىندا موڭعوليادان كوشىپ كەلگەن ەكەن.
بۇدان 20 جىل بۇرىن اقتوبە جەرىنە كەلىپ, ونى تۇراقتى قونىس ەتكەن ورالمان شەرنياز شۋماقاي دەگەن ازامات ءالى كۇنگە دەيىن قازاقستاننىڭ ازاماتتىعىن الا الماي جۇرگەن كورىنەدى. بۇل تۋرالى «جەتىنشى ارنانىڭ» ءتىلشىسى حابارلادى.ءتىلشىنىڭ بايانداۋىنشا, بۇل كىسى ءبىزدىڭ تاۋەلسىزدىگىمىزدىڭ العاشقى ەلەڭ-الاڭىندا, وتكەن عاسىردىڭ باسىندا موڭعوليادان كوشىپ كەلگەن ەكەن.تاريحي وتانىنىڭ ازات ايماق, ەگەمەن ەل بولعانىنا قاتتى قۋانعاننان بىردەن اتتىڭ باسىن وسىلاي قاراي بۇرىپ جۇرە بەرگەن عوي. بىراق رەسپۋبليكاعا كەلگەن ۋاقىتىنىڭ ءوزى ءبىزدىڭ تاۋەلسىزدىگىمىزدىڭ قۇرداسى دەرلىك جىلعا تولعانشا, ازاماتتىق مارتەبەسى بۇيىرماي قويىپتى.
ءبىر قىزىعى, شەرنيازدىڭ تۋعان-تۋىستارىنىڭ ءبارى الدەقاشان مۇنداي قۇجاتتارعا قول جەتكىزگەن ەكەن. «ءۇشىنشى تەرەزەگە بارىپ ەدىم, قۇجاتتارىمنىڭ كوشىرمەسىن سۇرادى. سونى الماقشى بولىپ, اقتوبەگە كەلسەم, ايتەكە بي اۋدانىنا جۇمسايدى, وندا بارسام, قايتارا وبلىس ورتالىعىن مەڭزەيدى. ەكى ورتادا شاپقىلاۋمەن جۇرگەنىمدە كوپ ۋاقىت ءوتىپ كەتتى. ەڭ قيىنى, ەشكىم ەشنارسەنى كەسىپ ايتپايدى. بۇدان ءارى نە بولارىن بىلمەيمىن», دەيدى ورالماننىڭ ءوزى.
سەرگەلدەڭگە تۇسكەن شۋماقاي قۇجاتتارى جوقتىعىنان تارتىپ جۇرگەن ازاپتارى دا از ەمەس ەكەنىن ايتادى. «پويىزعا مىنسەم, كەيدە جارىم جولدا, جارىم تۇندە ءتۇسىرىپ تاستايدى, جۇمىس سۇراپ بارسام, ەشكىم ماڭىنا جولاتپايدى», دەيدى ول.
«اپام دا اڭ-تاڭ, مەن دە اڭ-تاڭ» دەگەندەي, مۇندايدىڭ بولاتىنىن ءبىرىنشى رەت ءبىلىپ, ءبىز دە قاتتى قايران قالىپ وتىرمىز.
قۇرىش نۇرىمبەت.
