«اۋىل اۆتو» شەكارالىق باقىلاۋ وتريادىنا قاراستى «سەمەي» وتكىزۋ بەكەتىنىڭ شەكاراشىلارى پروكۋراتۋرا قىزمەتكەرلەرىمەن بىرلەسە وتىرىپ, ۇلكەن كولەمدەگى بەنزيندى انىقتادى, دەپ حابارلادى قر ۇقك شق ءباسپاسوز قىزمەتى.
سوڭعى ۋاقىتتارى, كەيبىر ازاماتتاردىڭ مازۋت اتىن جامىلىپ بەنزين وتكىزۋگە تىرىساتىندىعى جاسىرىن ەمەس. وسى جولى دا كورشىلەس ەلدىڭ ازاماتى وسى ءادىستى قولدانىپ كورمەك بولدى. بىراق, 1978 جىلى تۋعان رەسەي فەدەراتسياسىنىڭ الەكسەي ەسىمدى ازاماتى بۇل قۋلىعىن مەملەكەتتىك شەكارا ساقشىلارىنان اسىرا المادى, تىركەمەسى بار «DAF» اۆتوموبيلىندەگى 40 توننادان استام بەنزين اشكەرە بولدى.
