«28 ءساۋىر كۇنى بۇرىن تانىس بولعان قىزدار اراسىندا كەلىسپەۋشىلىك بولعان. توبەلەستىڭ سەبەبى – زارداپ شەككەن قىز تانىس قىزعا سپورتتىق كيىمىن قايتارماي قويعان. سونداي-اق, تىرەك پۋنكتىندە الكوگولدى ىشىمدىك ىشكەنى ءۇشىن بەس قىزعا قاتىستى اكىمشىلىك جازا قولدانىلادى. ولاردىڭ ءبارى 5 ايلىق ەسەپتىك كورسەتكىش كولەمىندە ايىپپۇل تولەيدى», - دەلىنگەن حابارلامادا.
سونداي-اق, 3 مامىر كۇنى پاۆلودار قالاسىنداعى مامانداندىرىلعان اكىمشىلىك سوتتا توبەلەسكە قاتىسقان 7 قىزعا قاتىستى قر اكىمشىلىك قۇقىق بۇزۋشىلىق كودەكسىنىڭ 434 (ۇساق بۇزاقىلىق) جانە 476-باپتارى (توتەنشە جاعداي رەجيمىن بۇزۋ) بويىنشا سوت بولدى. سونىمەن قاتار, توبەلەسكە قاتىسقان ءبىر قىز وسى ەكى باپتان بولەك قر اكىمشىلىك قۇقىق بۇزۋشىلىق كودەكسىنىڭ 478-بابى (توتەنشە جاعداي رەجيمى ءتارتىبىن بۇزۋعا يتەرمەلەۋ ارەكەتى) بويىنشا ءىس قوزعالدى.
پاۆلودار وبلىستىق پوليتسيا دەپارتامەنتىنىڭ مالىمەتىنە سايكەس, توبەلەسكە قاتىسقانداردىڭ ءبارى 5, 10, 15 تاۋلىككە قاماۋعا الىنعان. «توبەلەسكە قاتىسقانداردىڭ ەكەۋىندە كامەلەتتىك جاسقا تولماعان بالالارى بار, سول سەبەپتى ولاردىڭ جازاسى جەڭىلدەتىلىپ, بىرىنە 15 اەك, ەكىنشىسىنە 10 اەك كولەمىندە ايىپپۇل جازىلدى. ولار اكىمشىلىك جازادان بولەك, ىشكى ىستەر ورگاندارىنا «بۇزاقى توبەلەسكىش» رەتىندە ەسەپكە الىندى», - دەلىنگەن حابارلامادا.
سونداي-اق توبەلەسكە قاتىسۋشىلاردىڭ بارىنە قاتىستى قر قك-ءنىڭ 389-بابى, 3-ءبولىمى (وزبىرلىق) بويىنشا سوتقا دەيىنگى تەرگەۋ ءىسى باستالدى.
«بارلىق قىز لايىقتى جازاسىن الادى. تەرگەۋشىلەر قاجەتتى تەرگەۋ امالدارىن جۇرگىزىپ جاتىر. قاجەتتى ماتەريالدار جينالدى. ولاردىڭ قانشالىقتى دەڭگەيدە كىنالى ەكەندەرىن سوت شەشەدى», - دەلىنگەن ءباسپاسوز قىزمەتىنىڭ حابارلاماسىندا.
