قالا اكىمى بەيسەكوۆ, بوكەيحان جانە ت. ب. كوشەلەردە ورنالاسقان بىرقاتار تۇرعىن ءۇي كەشەندەرىن ارالادى.
«قولجەتىمدى باسپانا سالۋ - باسىم مىندەتتەردىڭ ءبىرى. مەملەكەت باسشىسىنىڭ تاپسىرماسىنا سايكەس بيىل قولجەتىمدى تۇرعىن ءۇي قۇرىلىسىنىڭ كولەمى ۇلعايادى. ءبىرىنشى كەزەكتە قولجەتىمدى باسپانا جەڭىلدىكپەن پاتەر الۋعا كەزەكتە تۇرعان ادامدارعا بەرىلەدى.
سىزدەر, قۇرىلىس سالۋشىلار رەتىندە, ءۇيدى ساپالى سالۋىڭىز كەرەك. كەزەكتە تۇرعاندارعا كىلتتەردى تابىستاعان كەزدە بارلىعى دايىن تۇرۋعا ءتيىس. كەمشىلىكتەر بار. ءبىر نىساندا قۇرىلىس جۇمىستارى باياۋ جۇرسە, ەكىنشىسىندە تەحنيكالىق, اۆتورلىق قاداعالاۋ ماماندارىنىڭ پىكىرى ەسكەرىلمەي ءجۇرىپ جاتادى. بىرنەشە جىلدان سوڭ ءتۇسىپ قالاتىن پليتالاردى نە ءۇشىن قولداناسىزدار؟ ساپالى قۇرىلىس سالا المايدىندار, بۇل جۇمىسپەن اينالىسپاۋى كەرەك. ال قۇرىلىس جۇمىستارىن باستاعاندار, جاۋاپكەرشىلىك تانىتىپ, ءتيىستى دەڭگەيدە سالۋعا مىندەتتى», - دەدى قالا اكىمى التاي كولگىنوۆ.
قۇرىلىس سالۋشىلارعا بارلىق كەمشىلىكتەردى تۇزەتۋگە ۋاقىت بەرىلدى. ەرەجەبۇزۋشىلىق فاكتىلەرى انىقتالعان جاعدايدا, شارت بۇزىلادى.
جاڭا تۇرعىن ءۇي كەشەندەرى بارلىق جاعىنان ىڭعايلى بولۋى كەرەك. جاڭادان سالىنعان ۇيلەردىڭ ءبىرىنشى قاباتتارىندا ەمحانا, بالالارعا ارنالعان شاعىن ورتالىقتار, وڭالتۋ ورتالىقتارى, پوليتسيا پۋنكتى سياقتى الەۋمەتتىك نىساندار ورنالاسادى.
