ماقتاارال اۋدانىنداعى توتەنشە جاعدايعا بايلانىستى وتكەن ءباسپاسوز ءماسليحاتىندا وسىنداي دەرەكتەر كەلتىرگەن Nur Otan پارتياسى وبلىستىق فيليالى توراعاسىنىڭ ءبىرىنشى ورىنباسارى بەيسەنباي تاجىباەۆ وبلىس اكىمى شتاب وتىرىسىن وتكىزىپ, بارلىق جاۋاپتى سالا ماماندارىنا تاپسىرما بەرگەنىن اتاپ ءوتتى. «تۇرعىندار اتاكەنت كەنتى مەن ەسەنتاەۆ, يگىلىك, بەرەكە, قازسسر 40 جىلدىعى اۋىلدارىنداعى مەكتەپتەرگە ورنالاستىرىلۋدا. ولارعا قاجەتتى تاعامدار جەتكىزىلىپ, مەديتسينالىق كومەكتەر كورسەتىلۋدە. بۇل جۇمىستار ىرگەلەس جاتقان سارىاعاش, كەلەس, جەتىساي, شاردارا اۋداندارىنا تاپسىرىلدى. سونداي-اق, جەرگىلىكتى كاسىپكەرلەر دە ءوز ۇلەستەرىن قوسۋدا. مىرزاكەنت كەنتى كوشىرىلمەيدى. وندا سۋ باسۋ قاۋپى جوق. ماقتاارال اۋدانىنداعى جاعداي تولىق باقىلاۋدا», دەدى بەيسەنباي داۋلەت ۇلى.
ال وبلىستىق ەكونوميكا جانە بيۋدجەتتى جوسپارلاۋ باسقارماسىنىڭ باسشىسى ارمان ابدۋللاەۆ زارداپ شەككەن تۇرعىندار ورنالاسىپ جاتقان مەكتەپتەردە بارلىق قاۋىپسىزدىك شارالارى ساقتالىپ جاتقاندىعىن جەتكىزدى. «مەكتەپتەردە ارنايى مەديتسينا قىزمەتكەرلەرى مەن اۋدانداردان 12 مامان قىزمەت كورسەتۋدە», دەدى باسقارما باسشىسى. ول سونداي-اق سۋ باسقان اۋىلداعى مال جانە ەگىستىك, تۇرعىن ءۇي مەن الەۋمەتتىك نىسانداردىڭ ناقتى شىعىنىن انىقتاۋ ماقساتىندا بارلىق ءتيىستى باسقارما باسشىلارى دا اۋدانعا ارنايى شاقىرتىلعانىن جەتكىزدى.
