ماقتاارال اۋدانىنداعى فەردوۋسي جانە نۇرلى جول ەلدى مەكەندەرىنە سۋ باسۋ قاۋپى ءتونىپ تۇرعاندىقتان 3 مىڭنان استام ادام ەۆاكۋاتسيالاندى. ولار ماقتاارال اۋدانىنداعى اتاكەنت كەنتىندە ورنالاسقان 10 مەكتەپكە ورنالاستىرىلعان. تجك جەدەل شتابى جانە تۇركىستان وبلىسىنىڭ توتەنشە جاعدايلار دەپارتامەنتى ەۆاكۋاتسيا جولدارىنىڭ جانە زارداپ شەككەن حالىقتى قابىلداۋ پۋنكتىلەرىنىڭ ورنالاسۋىن انىقتاۋدا. رەسپۋبليكالىق دەڭگەيدە قۇرىلعان جەدەل شتابتى تجك باسشىسى ۆلاديمير بەككەر باسقارادى. شتابتىڭ حابارلاۋىنشا, توتەنشە جاعدايداعى قۇتقارۋ جۇمىستارىنا تۇركىستان وبلىسى, شىمكەنت قالاسىنىڭ توتەنشە جاعدايلار دەپارتامەنتتەرىنىڭ, ۇلتتىق ۇلاننىڭ, قورعانىس مينيسترلىگىنىڭ, اۋداندىق پوليتسيا ءبولىمىنىڭ, جەرگىلىكتى اتقارۋشى ورگانداردىڭ 635 ادامى مەن 60 دانا تەحنيكاسى جۇمىلدىرىلعان.
قاۋىپسىز جەرگە كوشىرىلگەن تۇرعىندار ازىق-ت ۇلىك, ىستىق تاماقپەن تولىق قامتاماسىز ەتىلگەن. سونداي-اق ەۆاكۋاتسيالانعان حالىقتى ىندەتتەن ساقتاۋ بويىنشا بارلىق شارا قولعا الىندى. تۇرعىندارعا انتيسەپتيك, بەتپەردە, قولعاپ تەگىن تاراتىلىپ, ءار ازاماتتىڭ دەنە قىزۋى تەپلوۆيزورمەن تەكسەرىلۋدە.
