كەشە اقوردادا مەملەكەتتىك حاتشى مارات ءتاجين قازاقستان رەسپۋبليكاسى پرەزيدەنتىنىڭ «قازاقستان-2050» ستراتەگياسى» جولداۋىن ىسكە اسىرۋ اياسىندا تاقىرىپتىق زەرتتەۋلەر ۇيىمداستىرۋ جونىندەگى ۆەدومستۆوارالىق جۇمىس توبىنىڭ ەكىنشى وتىرىسىن وتكىزدى, دەپ حابارلادى پرەزيدەنتتىڭ ءباسپاسوز قىزمەتى.
بۇدان بۇرىن 2013 جىلعى ءساۋىر ايىندا وتكەن وتىرىستان كەيىنگى كەزەڭدە بىرقاتار ءىس-شارالار ىسكە اسىرىلدى.
كەشە اقوردادا مەملەكەتتىك حاتشى مارات ءتاجين قازاقستان رەسپۋبليكاسى پرەزيدەنتىنىڭ «قازاقستان-2050» ستراتەگياسى» جولداۋىن ىسكە اسىرۋ اياسىندا تاقىرىپتىق زەرتتەۋلەر ۇيىمداستىرۋ جونىندەگى ۆەدومستۆوارالىق جۇمىس توبىنىڭ ەكىنشى وتىرىسىن وتكىزدى, دەپ حابارلادى پرەزيدەنتتىڭ ءباسپاسوز قىزمەتى.
بۇدان بۇرىن 2013 جىلعى ءساۋىر ايىندا وتكەن وتىرىستان كەيىنگى كەزەڭدە بىرقاتار ءىس-شارالار ىسكە اسىرىلدى.
بىرىنشىدەن, عىلىمي جانە كونسالتينگتىك زەرتتەۋلەرگە ارنالعان مەملەكەتتىك تاپسىرىس نەگىزگە الىنعان پرەزيدەنت اكىمشىلىگىنىڭ تاقىرىپتىق جوسپارى قابىلداندى.
ەكىنشىدەن, ۇكىمەت زەرتتەۋ جۇيەسىنىڭ اشىقتىعى مەن ءتيىمدىلىگىن ارتتىرۋ, ونىڭ ىشىندە مەملەكەتتىك ەمەس تالدامالىق قۇرىلىمداردى تارتۋ شارالارىن قابىلدادى.
ۇشىنشىدەن, ساراپشىلاردى قولداۋ جۇمىستارى كەڭەيتىلدى. باق-پەن جۇمىس جاساۋ ءۇشىن ساراپشىلار توبى قۇرىلدى. وڭىرلەردە زەرتتەۋ جانە ديسسەرتاتسيالىق جوسپارلاردى تۇزەتۋ ءۇشىن وڭىرلىك سەمينارلار جوسپارلاندى.
وسىلايشا, كەڭەستە «قازاقستان-2050» ستراتەگياسىنىڭ 100 جاڭا تەرمينى» اتتى جاڭا ساياسي تەرمينولوگيا سوزدىگىنىڭ جوباسى تالقىلاندى. سوزدىكتە «قازاقستان-2050» ستراتەگياسىندا كەلتىرىلگەن تەرميندەر مەن ۇعىمدارعا تولىق تۇسىنىكتەمە بەرىلەدى. بۇل سوڭعى 15 جىلداعى العاشقى ءىرى تەرمينولوگيالىق باسىلىم بولماق.
كەڭەس اياسىندا قۇرامىنا ەلوردانىڭ جەتەكشى عالىمدارى كىرەتىن استانا كلۋبىن قۇرۋ ماسەلەسى دە تالقىلاندى.
