«قۇرمەتتى شىمكەنت قالاسىنىڭ تۇرعىندارى! سىزدەردى 1-مامىر قازاقستان حالقىنىڭ بىرلىگى كۇنى مەرەكەسىمەن قۇتتىقتايمىن! تاۋەلسىز ەلدىڭ تۇمارى - تاتۋلىق پەن تۇتاستىق. ەگەمەن ەلدىڭ ەن بايلىعى - بىرلىگى. قازاقستان حالقى ءبىر تۋدىڭ استىندا ءبىر ماقساتپەن بىرىگىپ بەرەكەسىن بەكەمدەپ, ىنتىماقپەن ىرىسىن ارتتىرىپ وتىر. اسىرەسە قازىرگىدەي الەمدى ابىگەرگە سالعان قاۋىپتى دەرتپەن كۇرەستە تۇسىنىستىكپەن تۇتاستىعىمىزدى ايعاقتاپ وتىر. وسىنداي قاستەرلى قۇندىلىقتى ۇعىنا بىلگەن ءاربىر ازاماتقا العىس ايتامىن. بىرلىگى كۇشتى ەل ازبايدى. ىرىستىڭ قازىعى ىنتىماقتى ساقتاپ قالانىڭ كوركەيۋىنە, ەلىمىزدىڭ وركەندەۋىنە جۇمىلا اتسالىسارىمىز انىق.
قىمباتتى شىمكەنت قالاسىنىڭ تۇرعىندارى! 1- مامىر قازاقستان حالقىنىڭ بىرلىگى كۇنى سىزدەرگە زور دەنساۋلىق, اماندىق, قۇت-بەرەكە تىلەيمىن! دوستىق پەن باۋىرمالدىق, بىرلىك پەن تۇتاستىق ەلىم دەپ سوققان جۇرەكتەردىڭ ۇرانى! ءبىر ماقسات, ءبىر بولاشاق جولىندا بىرلىگىمىز بەكي بەرسىن», - دەدى شىمكەنت قالاسىنىڭ اكىمى مۇرات ايتەنوۆ.
