جەدەل شتابتىڭ ەلورداداعى call-ورتالىقتارىنا جۇكتەمەنى ازايتۋ ءۇشىن check_whitelist_quarantine_bot تەلەگرام-بوتى ىسكە قوسىلدى. ونىڭ كومەگىمەن ەلوردادا ءجۇرىپ-تۇرۋعا رۇقسات بەرۋ تىزىمىندە ناقتى ادامنىڭ كولىك ءنومىرى مەن جسن بار-جوعىن تەكسەرۋگە بولادى. بۇل تۋرالى نۇر-سۇلتان قالاسى اكىمنىڭ ورىنباسارى ماليكا بەكتۇروۆا حابارلادى.
«قالا بويىنشا ءجۇرىپ-تۇرۋعا رۇقساتىن تەكسەرۋ ءۇشىن جۇمىس بەرۋشى مالىمەتتەرىڭىزدى جەدەل شتاب تىزىمىنە بەرۋى كەرەك. ال ءوتىنىش بەرۋشىنىڭ جسن-ءى مەن وتىنىمدەگى كولىك ءنومىرى سايكەس كەلۋى قاجەت. ءبىر تەلەگرام-اككاۋنتتان تاۋلىگىنە بەس سۇرانىسقا دەيىن جىبەرۋگە بولادى», – دەپ جازدى ول ءوزىنىڭ تەلەگرام-ارناسىندا.
م.بەكتۇروۆا قازىرگى ۋاقىتتا ەلىمىزدىڭ كوپتەگەن قالالارىندا پاندەميامەن كۇرەسۋ ءۇشىن قابىلدانعان شارالار جالعاسىپ جاتقانىن اتاپ ءوتتى. «سونىمەن قاتار, جۇمىسقا رۇقساتى بار كاسىپورىندار ءتىزىمى ۇلعايۋدا. رۇقسات ەتىلگەن كولىكتىڭ مەملەكەتتىك ءنومىرى مەن جسن پوليتسيا قىزمەتكەرلەرى پلانشەتتەردە پايدالاناتىن بازاعا ەنگىزىلۋى ءتيىس», – دەدى ول.
