30 ساۋىردەگى جاعداي بويىنشا, 42,5 مىڭ تەڭگە الەۋمەتتىك تولەمدى 284 مىڭنان استام قالا تۇرعىنى الدى – بۇل 12 ميلليارد تەڭگەنى قۇرايدى. سونىمەن قاتار نۇر-سۇلتاندا ء«بىز بىرگەمىز» اكتسياسى ەكىنشى كەزەڭىندە 28 073 ادام 50 مىڭ تەڭگە كولەمىندە الەۋمەتتىك كومەك الدى. اتاپ ايتقاندا, كومەك ازاماتتاردىڭ جەتى ساناتى بويىنشا كورسەتىلدى. ولار ااك الاتىن از قامتىلعان وتباسىلار, ەڭ تومەنگى زەينەتاقى الاتىن زەينەتكەرلەر, ءبىرىنشى نەمەسە ەكىنشى توپتاعى مۇگەدەكتىگى بار زەينەتكەرلەر, جەتىم بالالار, سوعىس ارداگەرلەرى جانە ولارعا تەڭەستىرىلگەن ازاماتتار, سونداي-اق قاراۋىندا مۇگەدەك بالالارى بار وتباسىلار جانە تىل ەڭبەككەرلەرى.
ء«بىز بىرگەمىز» اكتسياسى اياسىنداعى كومەكتىڭ ءبىرىنشى كەزەڭىندە 14 478 وتباسىعا 50 000 تەڭگەدەن قارجىلاي كومەك كورسەتىلدى. نۇر-سۇلتان قالاسىنىڭ 30,4 مىڭنان استام تۇرعىنى حالىقتىڭ وسال توپتارىنا الەۋمەتتىك كومەك كورسەتۋ اياسىندا ازىق-ت ۇلىك جانە تۇرمىستىق جيىنتىق ساتىپ الۋعا قوسىمشا اقشالاي (4 اەك-10 604 تەڭگە) كومەك الدى. بۇل كومەكپەن بارلىعى 40 مىڭنان استام ادام قامتىلادى.
«نۇر-سۇلتاندا ااك الاتىن وتباسىلاردىڭ 1 جاستان 6 جاسقا دەيىنگى بالالارىنا ازىق-ت ۇلىك جيىنتىعى مەن تۇرمىستىق حيميا تاۋارلارى بەرىلدى. كەپىلدەندىرىلگەن الەۋمەتتىك پاكەتتەر كەستە بويىنشا بەرىلەدى. جالپى كەپىلدەندىرىلگەن الەۋمەتتىك پاكەتپەن 2,7 مىڭنان استام وتباسى, ونىڭ ىشىندە 4,6 مىڭ بالانى قامتىلدى», – دەپ حابارلايدى قالالىق جۇمىسپەن قامتۋ جانە الەۋمەتتىك باعدارلامالار باسقارماسى.
ەستەرىڭىزگە سالا كەتەيىك, ناۋرىز ايىنىڭ سوڭىنان بۇگىنگە دەيىن حالىقتىڭ الەۋمەتتىك وسال توپتارىنا ءبىر جارىم ميلليونعا جۋىق ماسكا تاراتىلدى. ءار ءتۇرلى الەۋمەتتىك شارالارعا قالالىق شتابتان 500 ەرىكتى تارتىلدى.
