«قۇرمەتتى وتانداستار, بارشاڭىزدى 1 مامىر – قازاقستان حالقىنىڭ بىرلىگى كۇنىمەن قۇتتىقتايمىن! بۇگىنگى مەرەكە ءبىزدىڭ ەڭ اسىل قۇندىلىعىمىز – بەرەكە-بىرلىگىمىزدىڭ سيمۆولى. كوپۇلتتى قوعامنىڭ ىنتىماعىنىڭ ارقاسىندا قازاقستان ءوزىنىڭ ىقىلىم زامانعى تاريحىندا تالاي قيىنشىلىقتى ەڭسەرىپ, كەمەل كەلەشەگىنە نىق قادام باسىپ كەلەدى.
حالقىمىزدىڭ اۋىزبىرشىلىگى قازىرگىدەي كۇردەلى كەزەڭدەگى سىناقتان دا سۇرىنبەي ءوتىپ, ءبىزدىڭ ورتاق شاڭىراعىمىز – قازاقستان رەسپۋبليكاسىنىڭ دامۋ جولىن جالعاستىرۋعا مۇمكىندىك بەرەتىنىنە سەنىمدىمىن.
قازاقستاندىقتارعا, ءاربىر وتباسىنا زور دەنساۋلىق, ءوزارا سىيلاستىق, بەيبىت ءومىر مەن يگىلىك تىلەيمىن!»,-دەدى ول.
