قازاقستاندا COVID-19 پاندەمياسىنا بايلانىستى ەنگىزىلگەن كارانتين رەجيمىنە وراي كوپشىلىك ءىس-شارالار توقتاتىلدى. كوكتەمگى مەرەكەلەر ونلاين رەجيمدە جانە وتباسى شەڭبەرىندە اتاپ وتىلەدى. سوعان قاراماستان باعدارلامالار قىزىققا تولى, ەرەكشە بولادى دەپ كۇتىلۋدە.
نۇر-سۇلتاندا قازاقستان حالقىنىڭ بىرلىگى كۇنى قارساڭىندا الەۋمەتتىك جەلىلەردە ابايدىڭ «كوزىمنىڭ قاراسى» ءانىن ۇلتتىق مۋزىكالىق ينسترۋمەنتتە ورىنداۋ جانە ءار ەتنوستىڭ ۇلتتىق تاعامىن ازىرلەۋ بويىنشا اكتسيا باستالدى.
قازاقستان حالقىنىڭ بىرلىگى كۇنىنە وراي ق.قۋانىشباەۆ اتىنداعى مەملەكەتتىك اكادەميالىق قازاق مۋزىكا تەاترى «پوەزيا» ساعاتىن ۇسىنادى. وندا ارتىستەر كورنەكتى اقىنداردىڭ ەل بىرلىگىنە ارناعان ولەڭدەرىن وقيدى – @kazteatr (Facebook).
قۋىرشاق تەاترى قازاقستان حالقىنىڭ بىرلىگى كۇنىنە وراي تىكەلەي ەفيردە ساعات 15:00-دە ء«بىز – ءبىر ەلمىز!» اتتى ونلاين كونتسەرتىن, ساعات 21:00-دە «حالىقارالىق قۋىرشاق تەاترلارىنىڭ قۋىرشاقتارى مەرەكەمەن قۇتتىقتايدى» اتتى ۆيدەو كونتسەرتىن ۇسىنادى. ەفيردى Instagram پاراقشاسىندا – @teatrkukolnursultan, سونداي-اق Teatr Kukol Nur-Sultan YouTube ارناسىنان كورۋگە بولادى.
مەملەكەتتىك اكادەميالىق فيلارمونيانىڭ سيمفونيالىق وركەسترى جەلىدەگى پاراقشالارىندا كونتسەرت بەرەدى. ول Instagram-داعى astana_filarmoniya پاراقشاسىندا , Facebook-تەگى astana.filarmoniya پاراقشاسىندا, سونداي-اق YouTube-تا «نۇر-سۇلتان فيلارمونياسى» ارناسىندا كورسەتىلەدى.
استانا تسيركىنىڭ ترۋپپاسى, ەكۆيليبريستتەر, اۋە گيمناستتارى, جونگلەرلەر 12:00-دە Instagram-دا astanalyqtsirk, Facebook-تە @circusastana جانە «استانالىق تسيرك» YouTube ارناسىندا كورسەتىلىم جاسايدى.
م.گوركي اتىنداعى مەملەكەتتىك اكادەميالىق ورىس دراما تەاترى ساعات 17:00-دە «كرىلاتايا يسپوۆەد ۆوولنىح سەردەتس» مۋزىكالىق-پوەتيكالىق كومپوزيتسياسىن ۇسىنادى. «جاستار» تەاترى ساعات 21:00-دە Instagram-دا @zhastar_teatry, Facebook-تە Zhastar Theatry پاراقشاسىندا ونلاين-كونتسەرت بەرەدى. Nomad تەاترى Insta_teatr جوباسى اياسىندا Shakenzo Show اتتى ءتورت ساعاتتىق باعدارلاماسىن ۇسىنادى. ەفير 11:00-13:00 جانە 18:00-20:00 ارالىعىندا Instagram-دا @nomad_teatry پاراقشاسىندا وتەدى.
