الماتىدا ءوتىپ جاتقان ءىىى ەۋرازيا ويىندارىندا قازاقستان قۇراماسى كوش باستاپ كەلەدى. قىركۇيەكتىڭ 15-ىندە سورەدەن شىققان بۇل بايراقتى باسەكەگە ءبىزدىڭ ەلىمىزدەن باسقا, قىرعىزستان, تاجىكستان, رەسەي جانە بەلارۋس سەكىلدى 5 مەملەكەتتىڭ 1996-2000 جىلدارى تۋعان جاس سپورتشىلارى قاتىسۋدا.
الماتىدا ءوتىپ جاتقان ءىىى ەۋرازيا ويىندارىندا قازاقستان قۇراماسى كوش باستاپ كەلەدى. قىركۇيەكتىڭ 15-ىندە سورەدەن شىققان بۇل بايراقتى باسەكەگە ءبىزدىڭ ەلىمىزدەن باسقا, قىرعىزستان, تاجىكستان, رەسەي جانە بەلارۋس سەكىلدى 5 مەملەكەتتىڭ 1996-2000 جىلدارى تۋعان جاس سپورتشىلارى قاتىسۋدا.
كۇنى كەشەگە دەيىن اياقتالعان سايىستاردىڭ قورىتىندىسى بويىنشا جەرلەستەرىمىز 14 التىن, 11 كۇمىس, 4 قولا مەدال جەڭىپ الدى. ەكىنشى ورىنداعى رەسەيلىكتەردە 14 التىن, 9 كۇمىس, 6 قولا جۇلدە بار. ال بەلارۋس قۇراماسى 1 التىن, 2 كۇمىس, 4 قولا مەدالمەن ءۇشىنشى بولىپ تۇر.
قازاقستاندىقتار كوماندالىق سىندا ۆەلوسپورتتىڭ تاس جولداعى جارىسى مەن سپورتتىق گيمناستيكادا ءبىرىنشى بولدى. جەكەلەي سىندا كوپسايىسشى اكىم مۇساەۆ, اۋىر اتلەت البەرت ليندەر (69 كگ), گرەك-ريم پالۋانى ءاليحان ءاشماحان (35 كگ), ەرنۇر فيداحمەتوۆ (50 كگ), رايىمبەك قۇرمانالى (58 كگ), تاەكۆوندوشى ارتۋر كيم (48 كگ), اياۋلىم سۇلتانباەۆا (52 كگ), سۇلتان قاليبەك ۇلى (73 كگ), ەركەبۇلان ءابىلقاس (78 كگ), دزيۋدوشى ءاديا سايىن (40 كگ), ەسكەندىر جۇسبەكوۆ (55 كگ), باۋىرجان جاۋىنتاەۆ (60 كگ) الدارىنا جان سالمادى.
ويىندار ەرتەڭ اياقتالادى.
رۋسلان يگىلىك.
