ۇكىمەت • 30 ءساۋىر، 2020

مەملەكەتتىك كوميسسيا 4 مامىردان باستاپ جۇمىسقا كىرىسەتىن قىزمەت تۇرلەرىنىڭ ءتىزىمىن بەكىتتى

7319 رەت كورسەتىلدى

پرەمەر-مينيستر اسقار ءماميننىڭ توراعالىعىمەن پرەزيدەنت جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ كەزەكتى وتىرىسى ءوتتى.

ەلىمىزدەگى سانيتارلىق-ەپيدەميولوگيالىق جاعداي تۋرالى دەنساۋلىق ساقتاۋ ءمينيسترى ە. ءبىرتانوۆ، كارانتين جاعدايىندا وڭىرلەردەگى شەكتەۋ شارالارىن ودان ءارى جەڭىلدەتۋ جونىندەگى ۇسىنىستار تۋرالى پرەمەر-ءمينيستردىڭ ورىنباسارى ە. توعجانوۆ باياندادى. 

مەملەكەتتىك كوميسسيا وڭىرلەردىڭ اكىمدەرىنىڭ ۇسىنىستارىن قاراپ، دەنساۋلىق ساقتاۋ مينيسترلىگىنىڭ پوزيتسياسىن ەسكەرە وتىرىپ، بىرقاتار شەشىم قابىلدادى.

1. بيىلعى 4 مامىردان باستاپ بارلىق وڭىرلەردە جۇمىسقا كىرىسەتىن كاسىپكەرلىك سۋبەكتىلەرىنىڭ قىزمەت تۇرلەرىنىڭ ءتىزىمى بەكىتىلدى: 

  • اۋماعى 500 ش. م. دەيىن بولاتىن ازىق-ت ۇلىكتىك ەمەس دۇكەندەر ساعات 17:00-گە دەيىن (بارلىق تۇرلەرى);
  • فوتوسالوندار، گۇل ساتاتىن دۇڭگىرشەكتەر;
  • شاشتارازدار (جازىلۋ بويىنشا);
  • مەديتسينا ورتالىقتارى (جازىلۋ بويىنشا);
  • ستوماتولوگيالىق كلينيكالار (جازىلۋ بويىنشا);
  • جىلجىمايتىن م ۇلىكپەن وپەراتسيالاردى جۇزەگە اسىراتىن كومپانيالار، جارناما اگەنتتىكتەرى، ادۆوكاتتار، نوتاريۋستار;
  • شاعىن قارجى ۇيىمدارى، ساقتاندىرۋ كومپانيالارى، لومباردتار، ايىرباستاۋ پۋنكتتەرى;
  • اقپاراتتىق-كوممۋنيكاتسيالىق تەحنولوگيالار كومپانيالارى.

2. بيىلعى 4 مامىردان باستاپ دالادا سپورتپەن شۇعىلدانىپ، جاتتىعۋ جاساۋعا رۇقسات ەتىلەدى. 

3. 4 مامىردان باستاپ نۇر-سۇلتان مەن الماتىدان قىزىلورداعا، پەتروپاۆلعا، وسكەمەنگە جانە سەمەيگە اۋە قاتىناستارىن قايتا جانداندىرۋ تۋرالى شەشىم قابىلداندى. رەيستەر سانيتارلىق تالاپتاردىڭ نورمالارىن كۇشەيتۋمەن، از جولاۋشىلارمەن جانە سالوندا ەرەكشە قاشىقتىقتى ساقتاپ وتىرعىزۋ ارقىلى جۇزەگە اسىرىلادى. 

وڭىرلەردىڭ اكىمدىكتەرىنە ءتيىستى شارالار قابىلداپ، جۇمىسقا كىرىسەتىن نىسانداردا سانيتارلىق-ەپيدەميولوگيالىق قاۋىپسىزدىكتى قاتاڭ باقىلاۋدى قامتاماسىز ەتۋ تاپسىرىلدى.

سونىمەن قاتار وتىرىسقا قاتىسۋشىلار تج كەزىندە ءىرى ينۆەستيتسيالىق جوبالاردى ىسكە اسىرۋ، سىرتقى ساۋدا وپەراتسيالارىن جۇرگىزۋ جانە ت.ب. ماسەلەلەردى قاراستىردى.

سوڭعى جاڭالىقتار

ۇقساس جاڭالىقتار