ءىس-شاراعا ەكى ەلدىڭ ەلشىلەرى, گەرمان ەكونوميكاسى شىعىس كوميتەتىنىڭ باسقارۋشى ديرەكتورى م. حارمس, ورتالىق ازياداعى گەرمان ەكونوميكاسى وكىلدىگىنىڭ باسشىسى ح. ۆوسكانيان جانە قازاقستان رەسپۋبليكاسىنىڭ سالالىق مينيسترلىكتەرى باسشىلارىنىڭ ورىنباسارلارى قاتىستى.
رومان سكليار COVID-19 پاندەمياسىنا بايلانىستى تۋىنداعان قيىندىقتارعا قاراماستان, سەرىكتەستىك قارىم-قاتىناستاردى ساقتاعانى ءۇشىن بيزنەسمەندەرگە العىسىن ءبىلدىرىپ, ءوزارا ءتيىمدى ىنتىماقتاستىقتى ودان ءارى دامىتۋعا سەنىم ءبىلدىردى جانە قازاقستان تاراپىنىڭ ينۆەستورلارعا تولىق قولداۋ كورسەتۋگە دايىن ەكەنىن جەتكىزدى.
ء«بىز پرەزيدەنتىمىز قاسىم-جومارت كەمەل ۇلى توقاەۆ پەن گەرمانيانىڭ فەدەرالدىق كانتسلەرى انگەلا مەركەل حانىمنىڭ دەڭگەيىندە 2019 جىلى قول جەتكىزىلگەن بارلىق ۋاعدالاستىقتاردىڭ, سونداي-اق 2020 جىلدىڭ باسىندا قازاقستاندىق دەلەگاتسيانىڭ گەرمانياعا رەسمي ساپارلارى بارىسىندا قول جەتكىزىلگەن بارلىق كەلىسىمدەردىڭ تولىق ءىس جۇزىنە اساتىنىنا سەنەمىز», — دەپ اتاپ ءوتتى رومان سكليار بيزنەسمەندەرمەن اڭگىمەلەسۋ بارىسىندا.
سىرتقى ىستەر ءمينيسترىنىڭ ورىنباسارى ا. ايداروۆ جالپى قۇنى $3,7 ملرد بولاتىن 51 بىرلەسكەن ينۆەستيتسيالىق جوبانىڭ ورىندالۋ بارىسى تۋرالى باياندادى.
ءوز كەزەگىندە گەرمان بيزنەسىنىڭ وكىلدەرى كوروناۆيرۋس پاندەمياسىنا قاراماستان, ينۆەستيتسيالاۋدى جالعاستىرۋدىڭ جانە قازاقستانمەن ەكونوميكالىق بايلانىستاردى ساقتاۋدىڭ ماڭىزدىلىعىن اتاپ ءوتتى, سونداي-اق ينۆەستيتسيالىق جوبالاردى قولداۋدىڭ تەڭدەسسىز شارالارىن نەگىزگە الا وتىرىپ, كۇن تارتىبىندە تۇرعان بىرلەسكەن وزەكتى جوبالاردى اياقتاۋعا سەنىم ءبىلدىردى. تاراپتار بۇعان دەيىن قول جەتكىزىلگەن ۋاعدالاستىقتاردى تولىعىمەن قولدايدى جانە ينۆەستيتسيالىق ىنتىماقتاستىقتى ودان ءارى دامىتا بەرمەك.
