ناۋرىز ايىنىڭ اياعىندا ەلباسى تاپسىرماسى بويىنشا باستالعان ء«بىز بىرگەمىز!» اكتسياسىنىڭ العاشقى ناتيجەلەرى شىعارىلدى. نۇر-سۇلتان قالاسىنداعى «Nur Otan» پارتياسى فيليالىنىڭ ءبىرىنشى ورىنباسارى ەرلان كاناليموۆتىڭ مالىمدەۋىنشە, قازىرگى ۋاقىتتا ازىق ت ۇلىك جيىنتىقتارىمەن 7672 وتباسى قامتىلعان. جالپى العاندا 11 مىڭ وتباسىنا 165 ميلليون تەڭگەنىڭ, ارقايسىسى 15 مىڭ تەڭگەنى قۇرايتىن ازىق ت ۇلىك سەبەتى بەرىلەدى.
«الەۋمەتتىك قامسىزداندىرۋ باسقارماسى جانە ەلوردا اۋداندارىنىڭ اكىمدىكتەرىمەن كەلىسىلگەننەن كەيىن مۇقتاجداردىڭ ءتىزىمى ۇنەمى جاڭارتىلىپ وتىرادى. 19 ناۋرىزدان باستاپ بۇگىنگە دەيىن پارتيانىڭ قالالىق فيليالىنىڭ قوعامدىق قابىلداۋ بولمەسىنە 2800-دەن استام ءوتىنىش كەلىپ ءتۇستى. ولاردىڭ 80%-ى وڭ شەشىمىن تاپتى», - دەدى ە.كاناليموۆ.
«Nur Otan» پارتياسىنىڭ ەلوردالىق فيليالىنىڭ قىزمەتكەرلەرى كارانتين جاريالانعانىنا قاراماستان, حالىقتىڭ الەۋمەتتىك وسال توپتارىنا ازىق-ت ۇلىك, گيگيەنا قۇرالدارى, سونداي-اق قورعاۋ قۇرالدارىن رەتتەپ, تاسىمالداۋدى جالعاستىرۋدا. وسى ۇدەرىسكە جۇمىلدىرىلعان بارلىق ادامدار ارنايى قورعانىس كيىمدەرىمەن قامتىلعان. جەتكىزۋ بايلانىسسىز, ياعني كومەك الۋشىلاردىڭ پاتەرلەرىنىڭ ەسىگىنە دەيىن جۇرگىزىلەدى. كومەكتى قالىپتاستىرۋ جۇمىستارى تاڭەرتەڭ ەرتە باستالىپ, كەشكە دەيىن جالعاسادى.
«وتكەن اپتادا ءبىز ەلوردانىڭ مۇقتاج تۇرعىندارىنا 2 ميلليون ءبىر رەتتىك مەديتسينالىق ماسكا تاراتۋعا كىرىستىك. بۇگىنگە دەيىن 15 مىڭنان استام وتباسى قامتىلدى. بۇل ءار وتباسىنا 50 بەتپەردەدەن, 750 مىڭنان استام ماسكا», – دەپ ءتۇسىندىردى ە.كاناليموۆ.
سونىمەن قاتار, وتكەن اپتادا مەديتسينا مەكەمەلەرىنە, قارتتار ۇيىنە, بالالار ۇيىنە, الەۋمەتتىك قورعاۋ باسقارماسىنىڭ بولىمشەلەرىنە, پوليتسيا قىزمەتكەرلەرىنە, سونداي-اق بلوكپوستتارعا جالپى سوماسى 25 ملن.تەڭگەگە وتاندىق ءوندىرىستىڭ 16 مىڭنان استام انتيسەپتيك قۇتىلارى تاراتىلدى.
«200-دەن استام جالعىز باستى زەينەتكەرلەر مەن قارتتاردى ەلوردا مەيرامحانالارىندا دايىندالاتىن ىستىق تاماقپەن قامتۋدى بەلسەندى تۇردە جالعاستىرامىز», – دەپ اتاپ ءوتتى نۇر-سۇلتان قالاسىنداعى «Nur Otan» پارتياسى فيليالى توراعاسىنىڭ ءبىرىنشى ورىنباسارى.
قر تۇڭعىش پرەزيدەنتى – ەلباسىنىڭ تاپسىرماسى بويىنشا قۇرىلعان ء«بىز بىرگەمىز!» قورى بۇگىنگى تاڭدا جالپى سوماسى 723 ملن.900 مىڭ تەڭگەگە 14 478 ادامعا قارجىلاي كومەك كورسەتتى. ولار 7 سانات بويىنشا 50 مىڭ تەڭگەدەن الدى. ولاردىڭ ىشىندە الەۋمەتتىك پەداگوگتەردىڭ دەرەكتەرى بويىنشا ااك المايتىن از قامتىلعان جانە كوپ بالالى وتباسىلار (1885 ادام), ااك المايتىن ءبىرىنشى توپتاعى مۇگەدەكتەر (1895 ادام), مۇگەدەك بالانى كۇتۋدى جۇزەگە اسىراتىن تۇلعالار (ااك المايتىن) (5288 ادام), ەڭ تومەنگى جانە ودان تومەن زەينەتاقى الاتىن زەينەتكەرلەر (79 ادام), جەتىم بالالار (510 ادام), ۇوس قاتىسۋشىلارى مەن مۇگەدەكتەرى جانە ولارعا تەڭەستىرىلگەندەر (2181 ادام), سونداي-اق تىل ەڭبەككەرلەرى (2640 ادام).
«مامىر ايىنىڭ باسىندا باستالاتىن, اكتسيانىڭ ەكىنشى تولقىن اياسىندا 28073 وتباسى كومەك الادى. ونىڭ ىشىندە بارلىق ااك الۋشىلار, 2 توپتاعى مۇگەدەكتەر جانە باسقالار قامتىلادى. جالپى, اكتسيا اياسىندا ەلوردادا 53 مىڭنان استام وتباسى قامتىلعان», – دەپ قورىتىندىلادى ە.كاناليموۆ.
