«قازاقستاننىڭ پراۆوسلاۆ حريستياندارىن جارىلقاۋشى حريستوس مەرەكەسىمەن قۇتتىقتايمىن. ۇلى مەرەكە پاسحا تىرشىلىك پەن مەيىرىمدىلىكتىڭ سالتاناتىن, راقىمدىلىقتى, قايىرىمدىلىقتى, رۋحاني جاڭعىرۋدى بىلدىرەدى.
سەنىم ادامداردى ىزگىلىككە, يگى امالدارعا جەتەلەيدى. قازاقستاندا پاسحا - جاسامپازدىق قۋاتى مول, پراۆوسلاۆ حريستياندارىن عانا ەمەس, باسقا دىندەردىڭ وكىلدەرىن دە, تۇتاس حالقىمىزدىڭ باسىن قوسىپ بىرىكتىرەتىن مەيرامداردىڭ ءبىرى.
بارلىق قازاقستاندىقتارعا شىن جۇرەكتەن مىقتى دەنساۋلىق, ءتوزىم, جاسىماس جىگەر مەن جاقسىلىققا سەنىم, بەيبىتشىلىك پەن اماندىق تىلەيمىن» دەدى ول.
