«قازىرگىدەي ەلەڭ-الاڭ ۋاقىتتا بارشاڭىزدىڭ كۇندەلىكتى تىرشىلىكتەرىڭىز وزگەرىسكە ۇشىراعانى بەلگىلى. پاندەميادان قورعانۋدىڭ بىردەن-ءبىر جولى – الەۋمەتتىك وقشاۋلانۋ, ياعني ۇيدە بولۋ ەكەنىن جاھان جۇرتشىلىعى مويىنداپ وتىر. ارينە, بۇل – ۋاقىتشا قۇبىلىس, وتپەلى كەزەڭ. دەگەنمەن, وسى ۋاقىتتى بارىنشا ءتيىمدى پايدالانۋ – ءاربىر ادامنىڭ ءوز قولىندا. سوندىقتان, وسى كارانتين كۇندەرى اقىن-جازۋشىلار, جۋرناليستەر, مادەنيەت قايراتكەرلەرى جانە قاتارداعى ازاماتتارىمىز الەۋمەتتىك جەلىدە «قانداي كىتاپ وقىپ جاتىرسىز؟» چەللەندج-ەستافەتاسىن ۇيىمداستىرعان ەكەن. بۇل باستامانى تولىق قولدايمىن جانە وسىنداي يگى ءىستى قولعا العان وتانداستارىما شىنايى ريزاشىلىعىمدى بىلدىرەمىن», - دەپ جازدى پرەزيدەنت. ق.توقاەۆ كارانتيندەگى التىن ۋاقىتتى پايدالى ىستەرگە جۇمساعان ءجون ەكەنىن اتاپ ءوتتى.
«شىن مانىندە, كىتاپ وقۋ – رۋحاني كەمەلدەنۋدىڭ كوزى دەسەم ارتىق ەمەس. قازىرگى ۋاقىت – سەكۋند سايىن جاڭارعان اقپارات زامانى. جالعان دەرەكتىڭ, شىندىققا جاناسپايتىن قاۋەسەتتەردىڭ دە تەز تاراپ جاتقانىن كورىپ وتىرمىز. سوندىقتان, مۇنداي جاعدايعا مەيلىنشە جول بەرمەۋ ءۇشىن التىن ۋاقىتىمىزدى وسىنداي پايدالى ىستەرگە جۇمساعانىمىز ءجون. بەلگىلى اقىن, قازاقستان جازۋشىلار وداعى باسقارماسىنىڭ توراعاسى ۇلىقبەك ەسداۋلەتتىڭ مەنىڭ اتىما جولداعان ەستافەتاسىن قابىلدايمىن جانە وسى كۇندەرى وقىپ جاتقان كىتاپتار مەن گازەت-جۋرنالداردىڭ ءتىزىمىن ۇسىنامىن: ⠀
1. ءجۇسىپ بالاساعۇن. قۇتتى بيلىك. 2. اباي قۇنانباەۆ. حيكمەت كىتابى. كنيگا مۋدروستي. Book of wisdom. 3. Winston Churchill. The Second World War. Volume III. The Grand Alliance. 4. تۇرسىن جۇرتباي. قۇنانباي. 5. ەرلان سىدىكوۆ. كۋنانباي. 6. ادام تۋز. كراح. كاك دەسياتيلەتيە فينانسوۆىح كريزيسوۆ يزمەنيلو مير. 7. الەك روسس. يندۋستري بۋدۋششەگو. The Industries of the future. 8. كەۆين كەللي. نەيزبەجنو. 12 تەحنولوگيچەسكيح ترەندوۆ, كوتورىە وپرەدەليايۋت ناشە بۋدۋششەە. 9. Parag Khanna. The Future is Asian. 10. «قازاق ادەبيەتى», «انا ءتىلى», «Turkistan» جانە ت.ب. گازەتتەر, «جۇلدىز» جۋرنالى. ⠀ وسى مۇمكىندىكتى پايدالانىپ, بۇل ەستافەتانى بارشا وتانداستارىما, اسىرەسە, جاستارعا جولدايمىن جانە وسى ادەبيەتتەردى وقۋعا كەڭەس بەرەمىن», - دەدى پرەزيدەنت.
