ال, وڭىردەگى ERG كومپانياسىنا–قاراستى كاسىپورىندار جۇمىستارىن جالعاستىرۋدا.
سوندىقتان, جۇمىسشى-قىزمەتكەرلەردى جۇمىسقا جەتكىزۋ ءۇشىن كومپانيا قالاداعى تاسىمالداۋشىلاردىڭ كولىكتەرىن جالعا الدى.
بۇل ماسەلە ەكى جاققا دا ءتيىمدى: قوعامدىق كولىك جۇرگىزۋشىلەرءى ۇيدە جۇمىسسىز وتىرمايدى. زاۋىت جۇمىسشىلارى جۇمىستارىنان قالمايدى.
كاسىپورىندار اكىمشىلىگىنىڭ مالىمەتىنشە, اۆتوبۋستار «قازاقستان اليۋميني زاۋىتى» اق,اقسۋ فەرروقورىتپا زاۋىتى (افز) جانە «ەۋروازياتتىق ەنەرگەتيكالىق كورپوراتسياسى» اق (ەەك) جۇمىسشى-قىزمەتكەرلەرىن جۇمىس ورىندارىنا جەتكىزۋدە.
ءسويتىپ, Eurasian Resources Group (ERG) كارانتين مەرزىمىندە جۇمىسشى- قىزمەتكەرلەرىن تەگىن كولىكپەن قامتاماسىز ەتۋدە.
كۇن سايىن 39 اۆتوبۋس جولعا شىعىپ, جالپى سانى 93 رەيس جاساۋدا.
مىسالى, اقسۋ فەرروقورىتپا زاۋىتى قالاداعى تاسىمالداۋشىلاردان 22 اۆتوبۋستى جالعا العان. نەگىزگى جەتى باعىت بويىنشا ولاردىڭ تۇراقتى قوزعالىسى قامتاماسىز ەتىلدى.
بەسەۋى قالاداعى قىزمەتكەرلەردى, قالعان ەكەۋى اقسۋ, چەرەمۋشكي, بەلوۆكادا تۇراتىن جۇمىسشىلاردى جۇمىسنا اكەپ, كەشكە ءۇيلەرىنە جەتكىزەدى.
ءار اۋىسىم سايىن ءبىر اۆتوبۋس بۇرىنعى ءۇش رەيستىڭ ورنىنا قازىر 4-5 رەت قاتىنايدى.
«ەەك» اق جۇمىسشى-قىزمەتكەرلەرىن تاسىمالداۋعا ارقايسىسى 50 جولاۋشىعا شاقتالعان 8 اۆتوبۋس جالداندى.
اۆتوبۋستار ءار ساپاردان سوڭ تازارتىلىپ, وڭدەلەدى.
ERG كاسىپورىندارىنداعى باقىلاۋ وتكىزۋ قوسىندارىندا (بوق) اعىندى تەپلوۆيزورلار ورناتىلىپ,ارنايى بولمەلەر جابدىقتالعان.
عيماراتتاردا ءار ەكى ساعات سايىن ىلعالدى تازارتۋ جۇمىستارى جۇرگىزىلۋدە. بارلىق جەرگە قولدى تازارتۋعا ارنالعان انتيسەپتيك قۇيىلعان سانيتايزەرلەر ورناتىلعان.
–ERG-ءدىڭ ءار قىزمەتكەرى, ءار جۇمىسشىسى – ءبىز ءۇشىن باستى قۇندىلىق, – دەدى ەۋرازيالىق توپتىڭ باسقارما توراعاسى سەرىك شاحاجانوۆ. – سوندىقتان, قىزمەتكەرلەردىڭ امان-ساۋلىعىن قامتاماسىز ەتۋدەمىز. سونداي-اق, توپ كاسىپورىندارى قالىپتى ءتارتىپتە جۇمىس ىستەپ, مىندەتتەمەلەرىمىزدى ورىنداۋ جولىندا ەڭبەك ەتۋدەمىز.
ال, كارانتين اياقتالعان سوڭ قالالىق كولىك قوزعالىسى قايتا قوسىلعاندا, جۇمىسشى-قىزمەتكەرلەردى تەگىن جەتكىزۋ توقتاتىلادى.
پاۆلودار وبلىسى
