قولداۋ كورسەتىلگەن جوبالاردى ىسكە اسىرۋ شامامەن ءبىر مىڭ جۇمىس ورنىن قۇرۋعا مۇمكىندىك بەرەدى. كەڭەستە قۇرىلىس ماتەريالدارى زاۋىتىنىڭ, «Magnum Cash&Carry» جشس گيپەرماركەتىنىڭ قۇرىلىسى, سونداي-اق ءبىلىم بەرۋ سالاسىنداعى بىرقاتار جوبا تانىستىرىلدى. ەلوردا اكىمى التاي كولگىنوۆ ينۆەستورلاردى قولداۋعا ءتيىستى كوڭىل ءبولۋ قاجەتتىگىن اتاپ ءوتتى.
«كارانتين تارتىبىنە سايكەس ءبىز ونلاين-كەزدەسۋلەرگە كوشتىك. ەل ەكونوميكاسىن ودان ءارى دامىتۋ ءۇشىن جاڭا جۇمىس ورىندارىن قۇرۋ ماڭىزدى. ينۆەستيتسيالاردى تارتۋ جونىندەگى تاپسىرمالاردى جۇزەگە اسىرۋ ءۇشىن قولايلى جاعداي جاسايمىز جانە ينۆەستيتسيالىق كليماتتى جاقسارتۋ ءۇشىن جۇمىس ىستەيمىز. بۇگىن گيپەرماركەت سالۋ جوباسى قولداۋ تاپتى. ماگنۋم 16 الەۋمەتتىك ماڭىزى بار ازىق-ت ۇلىك باعاسىن بىرقالىپتى ۇستاپ تۇرۋ بويىنشا قالا اكىمدىگىمەن ىنتىماقتاستى. باسقا ساۋدا ورىندارىمەن بىرگە «اينالىم سحەماسى» جوباسىنا قاتىسىپ جاتىر. قالا مەن تۇرعىندار ءۇشىن قاجەتتى جوبالاردى قولدايمىز», - دەدى ەلوردا اكىمى التاي كولگىنوۆ.
