ايتا كەتۋ كەرەك, قاراعاندى وبلىسى ەلىمىزدە العاشقى بولىپ بۇل يگى ءىستى جۇزەگە اسىرا باستادى. جالپى, اتالعان ماقساتقا دەپ بولىنگەن ماتەريالدىق كومەكتىڭ جيىنتىق سوماسى 757,4 ملن تەڭگەنى قۇرايدى.
قازىرگى تاڭدا قاراعاندى وبلىسىندا ۇلى وتان سوعىسىنىڭ 67 ارداگەرى مەن مۇگەدەگى تۇرادى. جوعارىدا ايتىلعان ءبىر رەتتىك ماتەريالدىق كومەك ولاردىڭ جەكە ەسەپ شوتتارىنا اۋدارىلدى, كەيبىرىنىڭ ۇيلەرىنە جەتكىزىلدى.
بۇدان بولەك, وبلىستا تۇراتىن, ۇلى وتان سوعىسى ارداگەرلەرىنە تەڭەستىرىلگەن 101 ادامعا, ياعني, كونتسلاگەرلەردىڭ كامەلەتكە تولماعان تۇتقىندارىنا, قورشاۋداعى لەنينگراد تۇرعىندارى مەن مايداننىڭ ەرىكتى ەڭبەككەرلەرىنە دە 200 مىڭ تەڭگەدەن ءبولىندى.
ماتەريالدىق قولداۋ ۇوس جىلدارى قايتىس بولعان ارداگەرلەر مەن تىل ەڭبەككەرلەرى وتباسىلارىنا دا كورسەتىلىپ, وسى ساناتتاعى 8778 ادام 50 مىڭ تەڭگەدەن الدى.
اۋعانستاندا ۇرىس قيمىلدارىنا قاتىسقان 596 جاۋىنگەر-ينتەرناتسيوناليست, چەرنوبىل اەس اپاتىن جويۋشى 598 ادام دا نازاردان تىس قالمادى. ولاردىڭ ارقايسىنا 100 مىڭ تەڭگەدەن تولەندى. سونىمەن قاتار, بيىلعى جىلدىڭ اقپان ايىندا اۋعانستان دەموكراتيالىق رەسپۋبليكاسىنان كەڭەس كونتينگەنتىنىڭ شىعارىلۋىنىڭ 31 جىلدىعى اتالىپ وتكەندە, قاراعاندى وبلىسىنىڭ بىرقاتار قالالارى مەن اۋداندارىندا اتالعان جاۋىنگەرلىك ءىس-قيمىلدارعا قاتىسقاندارعا 100 مىڭ تەڭگەدەن بولىنگەن بولاتىن. بۇل قاراجاتتى 902 ادام الدى.
قاراعاندى وبلىسى
